{idkey=8928b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F608-booshi-wever-upp-parlamento-mester-yama-minister-schwengle-pa-bin-responsabilisa-su-maneho-pa-evita-mas-dano-y-gasto-innecesario-na-nos-salubridad%3FItemid%3D101][title=Booshi+Wever+%28UPP%29%3A+Parlamento+mester+yama+minister+Schwengle+pa+bin+responsabilisa+su+maneho+pa+evita+mas+da%C3%B1o+y+gasto+innecesario+na+nos+salubridad][desc=Parce+cu+e+titular+di+salubridad+a+ha%C3%B1%C3%A9+cu+un+batata+cayente+despues+cu+UPP+y+PDR+a+expone+un+maniobra+stra%C3%B1o+cu+atrobe+ta+tumando+lugar+na+hospital.+Ambos+partido+a+alerta+nos+pueblo+di+un+desaroyo+cuestionabel+andando+awor+aki+pa+cu+ehecucion+di+construccion+di+un+sala+di+operacion+nobo+pa+dr.+Horacio+E.+Oduber+Hospital+%28HOH%29.+%26amp%3Bnbsp%3BSr.+Schwengle%2C+probablemente+sintiendo+caba+e+rosea+cayente+di+nos+pueblo%2C+a+haci+declaracionnan+entorno+mudamento+di+e+servicio+di+ambulance+pa+un+centro+comer]}
Parce cu e titular di salubridad a hañé cu un batata cayente despues cu UPP y PDR a expone un maniobra straño cu atrobe ta tumando lugar na hospital. Ambos partido a alerta nos pueblo di un desaroyo cuestionabel andando awor aki pa cu ehecucion di construccion di un sala di operacion nobo pa dr. Horacio E. Oduber Hospital (HOH).  

Sr. Schwengle, probablemente sintiendo caba e rosea cayente di nos pueblo, a haci declaracionnan entorno mudamento di e servicio di ambulance pa un centro comercial priva cerca di nos aeropuerto.

Mi kier a alerta sr. Schwengle, pero tambe e director medico nobo di HOH, sr. Ezzard Cillie, cu UPP tin mucho mas informacion tocante e forma di proceder al respecto di tur esnan involvi, esta e minister, e director, SOGA, AIB y Infrateam riba e plan nobo recientemente presenta door di Bermello na tur e instancianan menciona. UPP ta prefera di laga e fin di siman di fiesta pasa den tur trankilidad, pa otro siman dedica atencion na e topico aki.

UPP ta considera sí importante pa reacciona riba e ponencianan haci door di e minister riba mudamento di e servicio di ambulance, publica den NoticiaCla. E minister ta admiti cu:
* Enberdad gobierno a bisa cu no ta bay huur mas edificio. Sinembargo Schwengle ta bisa tambe cu e hecho cu a bisa cu no ta bay huur edificio mas, tabata mas bien un ‘richtlijn’, y no un ley (cu no ta bay huur mas). Atrobe por ripara cu e gobierno aki NO ta tene su mes na ningun PALABRACION.
* E minister no ta bisa si, cu e edificio unda Ambulance ta ubica awor, na 2009 tabata den perfecto condicion, y  ta mesun gobierno di AVP a prefera di cumpra klinkers enbez di haci e mantencion regular na e edificio. Mi ta convenci cu e estado fisico di dicho edificio lo no rekeri un drechamento cu lo bay dura 2 aña pa hustifica e huurmento di e espacio den dicho Centro Comercial. Otro cheap shot pa purba di manipula.
* E mandatario mester bay busca fondo den su presupuesto, pero e a sigura cu tin e fondonan disponibel. Un ponencia straño cu ta completamente contra expresionnan haci door di su colega di finanzas, indicando  recientemente cu CADA ministerio mester bay baha aun mas nan gastonan.
* E minister ta laga sa cu ta e personal di ambulance mes tabata envolvi den busca un localidad nobo. E mandatario di salud a sigura cu e personal a haya ‘medezeggenschap’, esta cu nan tabata por a bisa tambe unda pa bay, pues no ta algo cu e mandatario a dicidi. Aki Schwengle atrobe ta duna su mes un “brevet van onvermogen”. Kende ta e minister anto ?

Normalmente nos por a haci ridiculo di e minister aki cu a laga di desea for di principio di su nombracion, pero awor aki e situacion ta full diferente. E situacion financiero di Aruba ta pesimo y medidanan lo sigui wordo tuma sin misericordia. Pueblo kier waak un gobierno cu ta presenta un plan basa riba cifranan transparente, pero nos ta keda waak engaño, manipulacion, incumplimiento cu palabracionnan haci, y gastamento di placa cu no tin.

A yega tempo pa Parlamento asumi su responsabilidad y exigi transparencia, y un investigacion pa cu actuacion di e minister aki. E ta hundiendo salubridad y Aruba den un abismo total.


Den nomber di Union Patriotico Progresista – U.P.P.
Candelario A. S. D. – Booshi – Wever
Brazil, februari 13, 2015

Expresionnan haci den e articulo aki no necesariamente ta refleha opinion di ArenaPoliti.co