{idkey=7902b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F700-rene-herde-avp-na-mep-stop-di-papia-actua-hiba-e-companian-cu-kier-cumpra-e-refeneria-texas%3FItemid%3D101][title=Rene+Herd%C3%A9+%28AVP%29+na+MEP%3A+Stop+di+papia.+Actua.+Hiba+e+companian+cu+kier+cumpra+e+refeneria+Texas.][desc=%26quot%3BTur+e+buya+cu+oposicion+ta+haci+rondo+di+e+refeneria+no+ta+yuda+habri+e+refeneria+ni+yuda+Aruba.+Si+oposicion+ta+bisa+cu+nan+tin+companianan+cu+di+bedad+kier+cumpra+e+refeneria%2C+hiba+nan+Texas+serca+e+d%C3%B1onan.+No+laga+nan+bay+nan+so.+Bay+hiba+nan+pa+boso+ta+sigur+cu+nan+a+bay%26quot%3B.+Asina+Rene+Herde%2C+miembro+di+e+fraccion+di+AVP+cu+a+haci+tur+cos+pa+habri+e+refeneria%2C+a+declara.+DO%C3%91O+DI+E+REFENERIARene+Herde+a+sigui+splica+atrobe+cu+e+refeneria+no+ta+di+Aruba.+Ta+bou+di+gobierno+di+MEP+mes+ela+word]}
"Tur e buya cu oposicion ta haci rondo di e refeneria no ta yuda habri e refeneria ni yuda Aruba. Si oposicion ta bisa cu nan tin companianan cu di bedad kier cumpra e refeneria, hiba nan Texas serca e dñonan. No laga nan bay nan so. Bay hiba nan pa boso ta sigur cu nan a bay". Asina Rene Herde, miembro di e fraccion di AVP cu a haci tur cos pa habri e refeneria, a declara.

DOÑO DI E REFENERIA
Rene Herde a sigui splica atrobe cu e refeneria no ta di Aruba. Ta bou di gobierno di MEP mes ela wordo bendi na e compania Coastal y despues na e compania Valero. E representantenan legal di e companianan aki pa hopi aña tabata e compania di e lider di e fraccion y partido MEP. Kisas e lider di MEP mes por yuda splica ken ta e doño di e refeneria. Gobierno no por bende algo cu no ta dije. Gobierno no por bende un edificio, un cas, un negoshi, un hotel of un refeneria cu ta propiedad di otro. Pesey e lider di fraccion di AVP ta bolbe conseha cu hopi insistencia pa MEP y PDR hiba e companianan merca, na Texas unda e doñonan di e refeneria ta. Ta nan so por bemde e refeneria. Te siman pasa ainda un periodista experiencia y conoci di Aruba a tuma contacto cu representantenan di e refeneria y a compronde cu te na e momento ey, niun compania serio a presenta pa cumpra e refeneria. Rene Herde': "Kisas ta PDR y MEP mes mester bay cu nan. pero por fabor. Ora boso bolbe Aruba, laga pueblo sa kico ta resultado di boso bishita na e doñonan di Valero a Texas."

ROL DI GOBIERNO Y PARLAMENTO
Loke si gobierno y parlamento di Aruba por haci, ta crea e miho condicionnan di belasting y laboral posibel pa cualkier compania cu kier establece su mes na Aruba. Esey ta exactamente loke gobierno di AVP di parlamento cu sosten di e majoria di AVP a haci. Prome a crea e condicionnan di belasting favorabel pa e compania. MEP a vota CONTRA di e acuerdo. Ora e compania a bolbe habri despues di hopi aña sera door di MEP, e trahadornan a logra haya nan trabou bek door di e areglo cu e refeneria. Ora e refeneria a bolbe sera na 2012, AVP a bolbe trece companianan cu tin petroleo y companianan cu lo por maneha e refeneria hunto, aki na Aruba y den exterior, pa habri e refeneria atrobe. A bay Mexico y Brazil den delegacion di Reino pa haya e companianan nacional pa tuma e refeneria. A bay Venezuela y Colombia y papia cu hasta e presidente di e paisnan bisiña y nan companianan nacional pa pone e refeneria bek den funcion. A trece e compania nacional di China pa nan tuma e refeneria. Lamentabelmente tur esaki no a logra habri e refeneria. Kico MEP a haci cu e refeneria? MEP al contrario a impone belasting riba exportacion di e compania. Door di esey a surgi un discucion grandi cu Valero bou gobernacion di MEP. E motibo pa MEP impone medida riba e compania, ta cu MEP tabata kier haya mas y mas y mas placa pa gasta! MEP a impone belasting riba e poco exportacion cu Aruba tin. E compania a ofrece pa inverti mas cu 1 biyon dollar den e compania a cambio di kita e belasting, crea un miho condicion pa e compania por competi riba mercado internacional y sigura entrada pa Aruba y trabou pa trahadornan. MEP a nenga e oferta. MEP tabata kier mas y mas placa di belasting pa por gasta mas y mas. Den su rabia riba e compania e Minister Presidente di MEP a grita e doñonan di Valero pa "co'i e compania riba nan lomba y bay di Aruba".  

ACTUA, NO PAPIA
"Enbez di MEP grita lemanan sentimental cu no ta yuda habri e compania, gritonan cu no ta duna trabou na niun hende, lo ta miho nan tuma e bon conseho y hiba e 7 companianan cu nan ta bisa cu ta interesa, Texas. Hiba nan y papia cu e doñonan pa yega na areglo pa cumpra e compania y habri'e mas lihe posibel. Actua no papia! Pero laga pueblo sa kico ta e resultado di boso reunionnan. No tarda. Bay mes ora. Ora cero ta serca."

Expresionnan haci den e articulo aki no necesariamente ta refleha opinion di ArenaPoliti.co