{idkey=7535b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F732-eddy-ras-pdr-un-structura-disiplinario-ta-parti-di-leerplicht%3FItemid%3D101][title=Eddy+Ras+%28PDR%29%3A+Un+structura+disiplinario+ta+parti+di+leerplicht][desc=Un+di+e+motibo+pa+cual+cu+hopi+alumno+ta+baha+di+nivel+na+scol%2C+tin+di+haber+cu+nan+conducta.+Nan+tin+capacidad+pa+sigui+un+scol+cu+nivel+mas+halto%2C+pero+nan+comportacion+ta+stroba+nan+cu+nan+no+ta+alcansa+nan+puntonan+necesario.+Como+cu+no+ta+alcansa+e+puntonan+segun+norma%2C+despues+di+tempo+nan+ta+baha+di+nivel+di+scol.+Si+e+alumnonnan+keda+cu+mesun+conducta%2C+ta+hasi+cu+den+un+nivel+mas+abou+tampoco+nan+no+ta+bay+exitoso+y+ta+sali+for+di+scol+sin+un+diploma.+Cual+cu+tin+oportunidad+grandi+cu+na]}Un di e motibo pa cual cu hopi alumno ta baha di nivel na scol, tin di haber cu nan conducta. Nan tin capacidad pa sigui un scol cu nivel mas halto, pero nan comportacion ta stroba nan cu nan no ta alcansa nan puntonan necesario. Como cu no ta alcansa e puntonan segun norma, despues di tempo nan ta baha di nivel di scol. Si e alumnonnan keda cu mesun conducta, ta hasi cu den un nivel mas abou tampoco nan no ta bay exitoso y ta sali for di scol sin un diploma. Cual cu tin oportunidad grandi cu na edadnan jong ta bira un dropout. E mesun comportacion inadecua ta influencia/perhudica otro alumnonan den klas, y hopi tempo di les ta bay na coregi e klas durante les enbes di reta e alumnonan den e materia. Momento cu un alumno ta baha di nivel di scol pa motibo cu problema di comportacion na scol, bo ta hala e situacion di un instancia pa un otro instancia. Di un scol pa un otro scol. Na Aruba tin diferente nivel di scolnan cu a wordo ehecuta pa cada alumno segun su capacidad di siña. Actitud di un alumno tin influencia riba su estudio, pero esey no ta hasi cu e no tin capacidad pa siña. Cada alumno ta costa gobierno un suma pa cada aña escolar (e suma ta depende e tipo di scol). Cada aña cu alumnonan ta keda sinta of sali for di scol sin diploma, ta sumanan cu a wordo inverti sin resultado positivo. Y hopi alumno nan cu ta bin ta keda sinta y/of ta sali sin diploma for di scol, tin di haber cu nan comportacion. Apesar di e peso riba gobierno, e alumnonan aki no tin ambicion pa bay dilanti den bida y ta bay sigui pasa mes un actitud pa nan yuinan. Hopi di e alumnonan cu problema di actitud ta bin door di e problema sociaal cu nan a bin ta lanta aden. Cu e mesun actitud aki nan ta drenta sector laboral cu ta stroba nan di sigui crece y bay dilanti den futuro. Leerplicht a wordo introduci cu alumnonan entre 4 pa 16 aña mester sigui un enseñansa. Leerplicht no ta solamente inscribi na un scol y presenta na scol durante temporada di scol. Aserca un alumno mester cumpli cu e reglanan y instruccionnan di un scol. Como cu su problema ta su actitud y no tin e comportacion pa ta den klas, ta indica cu mester traha riba su conducta. Pa medio di un structura disiplinario por asisti un alumno pa traha riba su comportacion, pa asina e tin un mihor comportacion cu e por wordo integra den un klas pa e sigui su enseñansa. Pa e structura disiplinario ta efectivo, cada alumno cu problema di conducta mester wordo atendi segun su necesidad y e tempo necesario. Yuda un alumno cu problema di conducta y mehora su comportacion, bo ta yud ‘e pa hasi uzo di su capacidad na un manera positivo y bo ta dun‘e guia pa un scol mas halto y cu mihor resultado. Pa medio di e strategia tin e oportunidad di educa e hoben tuma su resposabilidad. Mas alumno (hoben) cu wordo asisti awe, ta comberti den mas persona cu den futuro lo bay contribui den e bienestar di e pais.

Expresionnan haci den e articulo aki no necesariamente ta refleha opinion di ArenaPoliti.co