{idkey=3354b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1297-rudy-richardson-mep-nos-pais-di-prosperidad-pa-pobresa-y-miseria%3FItemid%3D101][title=Rudy+Richardson+%28MEP%29%3A+Nos+Pais+di+Prosperidad+pa+Pobresa+y+Miseria][desc=E+actual+Gobierno+di+Aruba+ta+den+su+ultimo+fase+di+Manipulaci%C3%B3n.+Nos+digno+pueblo+a+bay+di+Prosperidad+na+2009+pa+un+estado+di+Pobresa+y+Miseria.+Minister+President+Michiel+G.+Eman+kier+crea+guerra+entre+nos+pueblo.+Nos+ta+biba+na+Aruba+pa+casi+500+a%C3%B1a+sin+guerra%2C+nos+kier+pa+e+seguridad%2C+pas+y+convivencia+sigui+den+nos+pais.+Ban+keda+usa+nos+sano+huicio+y+no+cay+den+trampa+pa+un+Gobierno+Manipulador+y+Anti-Pueblo.Un+MinPres+cu+ta+bay+busca+confrontaci%C3%B3n+cu+un+grupo+di+manifestante+pacifico+]}
E actual Gobierno di Aruba ta den su ultimo fase di Manipulación. Nos digno pueblo a bay di Prosperidad na 2009 pa un estado di Pobresa y Miseria. Minister President Michiel G. Eman kier crea guerra entre nos pueblo. Nos ta biba na Aruba pa casi 500 aña sin guerra, nos kier pa e seguridad, pas y convivencia sigui den nos pais. Ban keda usa nos sano huicio y no cay den trampa pa un Gobierno Manipulador y Anti-Pueblo.

Un MinPres cu ta bay busca confrontación cu un grupo di manifestante pacifico mester saca su conclusion. Ta kibra palabracion cu Mando Policial, ta buta nos hendenan contra otro fisicamente, buscando violencia ta algo cu nos tur tin cu condena. Na final di dia nos tur ta keda biba aki riba anto nos tur mester convivi cu otro aunke nos por tin un opinión politico diferente. Mi ta rechasa tambe cu ta mishi cu MinPres durante manifestación esaki simplemente no ta ética anto mester mustra respet ora di manifesta.

Gobierno y su medionan comprometi simplemente kier tapa e mal Gobernacion di 2009. Gabinete Mike Eman a re-dobla nos debe di 40% pa 80%, re-dobla nos déficit di 3.7% pa 9.3%. No ta draag af belasting pero kier sigui suta pueblo cu medida tras di medida pa complace un percentage significante cu no kier drenta sector priva. Kier sigui fiesta riba lomba di nos pueblo. No a crea cupo di trabao a yena e aparato gubernamental cu e fenomeno di arbeidscontractant cu coordinador. Tur nos companianan estatal den rood. Nos fondonan social na peliger, no ta draag af e placa manera ley ta bisa. BAZV (healthtax) a wordo aumenta anto no ta pasa placa pa SIAD.

Ta papia di huur di MEP na aña 2009, actualmente e huur di Gobierno ta mas halto cu den pasado. Kico ta e motibo??? Falta di seriedad ta presta y malgasta placa. Despues cu Gabinete Mike Eman a haña un KB di Rey ainda e no ta stop di gasta placa irresponsablemente. Pueblo no por paga su necesidadnan basico: Awa, Coriente, Combustible, Gasoline, School, Recoge Sushi, Cuido Medico pa menciona algun. Costa di bida ta haltisimo y Gobierno ta sigui cu su plananan di PPP: PA PUEBLO PAGA.

Kier bin contra tur conseho cu e proyectonan di PPP: Hospital, Green Corridor, Ring Weg, MFA y varios  mas. Nos ta na 84.9% di debe na 2015 enbes di 2018 e aña cu esaki a wordo premira. Gabinete Eman no ta stop nan tin un loco na cabes di Gobierno y tambe na cabes di nan Fraccion den Parlamento butando nos Democracia y Status Aparte den peliger. Hopi mas MEDIDA na caminda. Mas pobresa y miseria lo aumenta cu tur e consecuencianan pa nos digno pueblo.

"Tur traidor ta detestable pasobra nan ta negocia e seguridad di nan pais pa rikeza personal."
Jossy M. Mansur

Expresionnan haci den e articulo aki no necesariamente ta refleha opinion di ArenaPoliti.co