{idkey=2357b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1399-rene-herde-avp-reforma-di-belasting-ta-hayando-forma-definitivo%3FItemid%3D101][title=Rene+Herd%C3%A9+%28AVP%29%3A+Reforma+di+belasting+ta+hayando+forma+definitivo][desc=Cambionan+den+belasting+ta+drenta+na+vigor+dia+1+di+januari+2016E+sistema+di+belasting+di+Aruba+ta+bay+cambia+completamente.+E+forma+di+cobra+y+paga+belasting+ta+bay+cambia.+Diferente+tipo+di+belasting+ta+bay+disparce.+Entre+otro+e+BBO%2C+BAZV%2C+Belasting+riba+herencia.+Den+nan+luga+ta+bini+un+tipo+di+belasting+cu+ta+wordo+paga+ora+e+productonan+drenta+waf.+E+tarifanan+di+belasting+riba+salario+y+entrada+ta+bay+cambia+pa+stimula+creasion+di+cuponan+di+trabou.+E+tarifa+di+belasting+riba+ganashi+di+e]}
Cambionan den belasting ta drenta na vigor dia 1 di januari 2016

E sistema di belasting di Aruba ta bay cambia completamente. E forma di cobra y paga belasting ta bay cambia. Diferente tipo di belasting ta bay disparce. Entre otro e BBO, BAZV, Belasting riba herencia. Den nan luga ta bini un tipo di belasting cu ta wordo paga ora e productonan drenta waf. E tarifanan di belasting riba salario y entrada ta bay cambia pa stimula creasion di cuponan di trabou. E tarifa di belasting riba ganashi di empresanan ta bay baha y e forma di cobra esaki ta bay bira mas simpel. E ta bay bira mas facil pa paga y mas facil pa cobra. Door di esaki lo elimina e retraso cu tin awor aki cu entre otro ta e causa pakico hende ta haya dos of mas cobransa hunto. Esakinan ta algun di e cambionan grandi cu ta na caminda entrante prome di januari 2016.

STIMULA, SIMPLIFICA, MEHORA
Henter e reforma di belasting cu gobierno a cuminsa algun aña pasa den Dialogo Social ta bay haya su culminacion entre 2016 y 2017. E metanan ta pa stimula inversion y creasion di cuponan di trabou, door di entre otro haci belasting riba salario mas abou, baha belasting riba ganashi y haci lantamento di companianan nobo hopi mas facil. Awor aki tur esakinan ta obstaculonan cu tin decadanan ta papia di nan. Gabinete Mike Eman a dicidi di cambia cos awor. Un otro meta ta pa simplifica e forma di paga y cobra belasting. E meta ta pa haci'e via internet. Di e forma aki tur cos ta bay lihe y semper tin un bon bista di kico tin cu cobra, paga of haya bek. Finalmente e meta tambe ta manera tur cambio bou gobierno di AVP, pa mehora forsa di compra di famianan. E cambio di belasting tambe ta pa contribui na esey.

ELIMINA BELASTING
Tin diferente tipo di belasting cu lo wordo elimina. Entre esakinan ta BBO, BAZV, belasting riba herencia, belasting di stampia pa documentonan oficial, belasting riba importacion, belasting riba huurmento di auto y algun belasting den sector di turismo.

RESULTADO FINAL
E resultado final ta cu tanto companianan como ciudadanonan lo sinti un alivio den pago directo di belasting y den nan forsa di compra. Na mes un momento lo elimina retrasonan na Departamento di Belasting mas lihe y por pone mas atencion na control di entradanan di gobierno. E renobacion aki lo stimula economia, lantamento di companianan nobo y creasion di cuponan di trabao. Tur esaki ta cosnan cu pa hopi aña ta bisa cu mester sosode, pero nunca a haci. Pero awor a dicidi di renoba e sistema completamente. Tanto e departamentonan concerni mester por traha mas efectivo y pagamento di belasting mester bira menos un problema. Esaki ta otro ehempel di renobacion di nos pais pa e ta prepara pa decadanan den futuro.

Expresionnan haci den e articulo aki no necesariamente ta refleha opinion di ArenaPoliti.co