{idkey=963b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1413-gerick-croes-mep-gabinete-eman-ta-sigui-castiga-pueblo-cu-medida-aumentando-costo-di-bida%3FItemid%3D101][title=Gerick+Croes+%28MEP%29%3A+Gabinete+Eman+ta+sigui+castiga+pueblo+cu+medida+aumentando++costo+di+bida%21][desc=Ta+for+di+ora+Gabinete+Eman+a+tuma+mando+un+cantidad+di+medida+a+wordo+implementa+riba+pueblo.+Casi+na+final+di+a%C3%B1a+2014+den+period+di+oktober+pueblo+mester+a+lidia+cu+un+aumento+di+coriente+di+15%25.+Kizas+hopi+hende+no+ta+realisa+pero+e+15%25+aki+no+ta+tur+hende+por+a+carge+como+consecuencia+cu+e+la+wordo+calcula+den+prijs+di+productonan+y+servicionan+na+e+consumidor.+Loke+mas+ta+di+lamenta+ta+cu+te+dia+dio+awe+no+tin+un+claridad+pakiko+pueblo+a+wordo+castiga+di+tal+forma%21+Ta+parce+cu+Esnan+mas+a]}
Ta for di ora Gabinete Eman a tuma mando un cantidad di medida a wordo implementa riba pueblo. Casi na final di aña 2014 den period di oktober pueblo mester a lidia cu un aumento di coriente di 15%. Kizas hopi hende no ta realisa pero e 15% aki no ta tur hende por a carge como consecuencia cu e la wordo calcula den prijs di productonan y servicionan na e consumidor. Loke mas ta di lamenta ta cu te dia dio awe no tin un claridad pakiko pueblo a wordo castiga di tal forma! Ta parce cu Esnan mas ariba den tuma decision a laba man di e asunto pasobra te dia di awe ta hasi como sifuera nada un pasa siendo cu e minister mester a responsabilisa su mes pa esaki!

Ni 2 luna despues dia 1 december 2014 Gabinete Eman a hisa benta un BAZV riba pueblo sin hasi e estudionan necesario. A resulta  cu e implementacion di e belasting aki a causa hopi frustracion y loke mas ta di lamenta ta cu e la wordo implementa incorrecto perhudicando e cuidadano pasobra e la haye ta paga dimas.  Despues di 3 luna Minister di finansas a Sali afor declara cu enberdad cosnan a bai fout y lo percura pa un controle team subi caya! Pregunta ta si enberdad e team a subi caya y coregi loke ta fout  pasobra te na ultimo tin yen lugar cu ainda ta cobrando BBO/BAZV na e forma incorrecto!

Pesei e ta incomprendibel cu despues cu a aumenta caba e BAZV na December 2014 y esaki a bai ful robes ainda Gabinete Eman ta hisa benta belasting creando un CAOS den un CAOS! Na promer lugar bo no a percura pa cosnan ta cana den orden cu e aumento di 1 december y pa colmo suma genera pa AZV no a wordo traspasa na tempo. No mester lubida cu e aumento di BAZV desde 8 juli ta crea confusion ora di bai calcula y declara esaki. Comerciantenan no tawatin fecha fiho pa por a programa nan Sistema pa e cambio aki tampoco a ricibi e formularionan adapta pa por hasi nan declaracion.

Den tur e comocion y subida di BBO/BAZV no mester lubida cu productonan di primera necesidad tambe ta subi. Esaki ta e caso pa pan di cada dia, webo, y gas! Otro productonan alimenticio den supermarketnan tambe automaticamente ta bai subi. E problema mas grandi cu nos pais tin ta cu e canasta basico ta consisti solamente di 11 producto y no tin un control optimal den prijs nificando cu si BBO/BAZV subi cu 1% mas di loke e ta nificando cu no ta aumaticamente e producto lo subi cu 1% so sino mas.

Tur cuidadano na e momento aki mestera realisa caba cu e cos no por sigui asina. No por ta posibel Gabinete Eman ta sigui castiga pueblo cu medida aumentando  costo di bida sin cu nada ta pasa cune! Pueblo mester ta conciente cu solamente union e lo ta posibel pa pone un fin na medidanan y desaster crea di Gabinete Eman!

Expresionnan haci den e articulo aki no necesariamente ta refleha opinion di ArenaPoliti.co