{idkey=490b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1606-benny-nisbet-ppa-den-stayover-turismo-aruba-ta-baiendo-bon-pero-tin-espeacio-pa-mejora%3FItemid%3D101][title=Benny+Nisbet+%28PPA%29%3A+Den+stayover+turismo....Aruba+ta+baiendo+bon....Pero+tin+espeacio+pa+mejora%21%21%21][desc=PPA+a+analisa+e+ultimo+cifra%2Festadistica+di+Caribbean+Tourism+Organization+%28C.T.O.%29+di+anja+2015+cual+a+worde+publica+%26amp%3Bnbsp%3Bfecha+29+di+juli+ultimo.+E+%26amp%3Bnbsp%3Binformacion+aki+ta+basa+riba+cifra+cu+e+destinacionan+mes+ta+manda+pa+C.T.O.+cu+na+su+turno+ta+compara+%26amp%3Bnbsp%3Be+cifra+di+e+desticion+cu+su+mes+%26amp%3Bnbsp%3Be+periodo+%26amp%3Bnbsp%3Bdi+anja.Aruba+su+cifranan+cu+%26amp%3Bnbsp%3Ba+manda+pa+C.T.O+ta+di+%26amp%3Bnbsp%3Bjanuari+pa+juni+2015%2C+mientras+cu+majoria+otro+destinacion+a+manda+nan+cifra+di+januari+%26amp%3Bnbsp%3Bpa+mei.+%26amp%3Bnbsp%3BAruba+s]}
PPA a analisa e ultimo cifra/estadistica di Caribbean Tourism Organization (C.T.O.) di anja 2015 cual a worde publica  fecha 29 di juli ultimo. E  informacion aki ta basa riba cifra cu e destinacionan mes ta manda pa C.T.O. cu na su turno ta compara  e cifra di e desticion cu su mes  e periodo  di anja.

Aruba su cifranan cu  a manda pa C.T.O ta di  januari pa juni 2015, mientras cu majoria otro destinacion a manda nan cifra di januari  pa mei.  Aruba su resultado di cifra ‘stay-over’ ta  mustra positivo, Aruba a ricibi 569.153 turista cual ta un crecemento di 16.2 % compara cu anja pasa.  Pa duna e resultado di algun otro destinacion mi lo duna cifra y percentage di crecemento  lo sigiente:

STAY OVER TOURISM !!

• Republica Dominicano   jan – Mei     a ricibi  2.378.348 turista cu un crecemento di    +  6.8 %.
• Cuba                                  jan – mei     a ricibi  1.703.335 turista cu un crecemento di    +  15.2 %.
• Jamaica                             jan – mei     a ricibi     924.810 turista cu un crecemento di    +   4.2 %.
• Puerto Rico                      jan -  april    a ricibi     656.912 turista cu un crecemento di     +   4 %.
• Aruba                                jan – juni     a ricibi     569.153 turista cu  un crecemento di    + 16.2 %
• US Virgin Islands             jan -  mei     a ricibi      373.495 turista cu un crecemento di    + 7.4 %
• Trinidad & Tobago         jan  - juni      a ricibi     222.946  turista cu un crecemento di    + 9.3 %
• Curacao                            jan – mei     a  ricibi     192.031  turista cu un crecemento di    + 9.1 %
• Barbados                          jan – mrt     a  ricibi     171.299  turista cu un crecemento di    + 15.3 %
  
  

Den porcentahe di crecemento compara cu e cifranan di anja  pasa  Aruba su crecemento di  positivo mientras cu den cifra mes  Aruba ta destinacion number  5 cual No ta malo. Aki nos ta mira con CUBA cu NO tin e Mercado Americano den djele ….ja kaba  ta destinacion number dos di Caribe !!!  Republica Dominicano ta  destinacion number uno e ultimo anjanan.

ANALISANDO NOS MERCADONAN:

Aruba su mercadonan ta lo sigiente:  For di Merca aruba a logra 320.500 turista   un crecemento di  7.8 %, Mercado di Canada 25.390 turista  un crecemento di  6.3 %, Europa  a logra 34.981 turista cu ta un ATRASO di – 5.3 %, mientras for di nos region esta Caribe y Sur y Centro America Aruba a logra 188.282 turista cual ta un crecemento di 42.8 %.

Republica Dominicano su mercadonan:  For di Merca e suma  gigantesco di 832.632 turista, For di Canada 447.816 turista, for di Europa 493.599, turista y for di region  604.301 turista.

Cuba: Ainda NO tin Mercado di Merca…esey lo inicia awor !!, For di Canada  779.155 turista, Europa 394.599 y for di region 539.581 turista.

Puerto Rico:

For di Merca  602.514 turista, for di Canada 11.856 turista, for di Europa 14.078 turista, y for di region 28.464 turista.

Jamaica:

For di Merca 557.388 turista, for di Canada 209. 222 turista, for di Europa 117.213 turista y for di region 40.987 turista.

Barbados:  For di Merca 37.451 turista, for di Canada 30.931 turista, for di Europa 79.361 turista y for di region 23.356 turista !!

Opinion di PPA:

Tin espacio pa  Aruba crece ainda mas den e Mercado Americano apesar cu nos a mejora compara cu ultimo anja unda  Aruba tabata mas o menos para sin mucho crecemento. E anja aki a lo menos tin un crecemento pero compara cu algun otro destinacion tin  ainda espacio pa mejora.

Mercado di Canada….aki Aruba  a mejora cu e cifra compara cu otro destinacion for di Canada mester por worde mejora substancialmente !!

Europa ta e Mercado unda Aruba ta fayando barbaramente….mester por  mejora nos esfuerzo di ‘mercadeo’ ainda mas !! Aki nos mester tene cuenta cu tin un porcentahe basta grandi den e cifra di turista for di Europa cu ta ‘propio arubiano’ biba na Hulanda cu ta bishita nos(nan) isla. Si por publica esaki  anto nos lo hanja un miho bista con MALO  ……Aruba ta genera turista for di Europa !!  Aki mester di atencion di ATA, Ministro y parlamento !!!

‘Others’  esta  Caribe y Sur Centro America e crecemento ta  mustra pero grandemente basa riba e crisis Venezolano  y esaki  mester  duna nos di pensa  ….con por mejora e mercadeo aki  di tal forma cu nos ta logra  turista di un major calidad …..pasobra e crisis na Venezuela por lo pronto no a kaba  !!

PPA lo kier tende cu nos  Ministro di turismo sr. Otmar Oduber  dedica atencion na e aspectonan cu nos ta menciona:

• Tin espacio pa mejora nos maneho di mercadeo den TUR nos mercadonan !!
  
  
• Mester  ‘upgrade’ e producto turistico di Aruba !! (atencion pa convencion tourism, atencion pa golfcourse tourism, atencion pa ‘health and wellness/turismo medico’, atencion pa aruba como shopping destination y  expande  nos  producto cu un atencion real pa San Nicolas esta San Nicolas our Caribbean Town );
  
  

PPA lo keda sigui e maneho di gobierno, su resultado  y nos lo hiba un maneho positivo for di oposicion pafor di parlamento !!


Aruba,  15 augustus 2015                                          Lider  politico di PPA

                                                                                       BENNY NISBET

Expresionnan haci den e articulo aki no necesariamente ta refleha opinion di ArenaPoliti.co