{idkey=2408b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1733-parlamentario-rene-herde-avp-aruba-a-scohe-e-caminda-dificil-di-sostenibilidad%3FItemid%3D101][title=Parlamentario+Rene+Herd%C3%A9+%28AVP%29%3A+Aruba+a+scohe+e+caminda+dificil+di+sostenibilidad][desc=Gobernador+di+Aruba+sr.+Fredy+Refunjol+a+bisa+den+su+discurso+na+apertura+di+e+a%C3%B1a+parlamentario+2015-2016%2C+a+usa+e+concepto+di+sostenebilidad+pa+describi+e+desaroyo+di+transicion+cu+Aruba+ta+pasando+den+dje.+Ela+describi+e+inversionnan+grandi+cu+gobierno+a+y+ta+haci+den+infrastructura%2C+ense%C3%B1ansa%2C+pa+esnan+mas+vulnerabel%2C+e+maneho+pa+bira+menos+dependiente+di+petroleo+pa+nos+energia+y+e+maneho+di+reforma+di+sector+publico%2C+pa+mustra+con+amplio+e+concepto+di+sostenebilidad+ta.+Pero+tambe+ela+sp]}Gobernador di Aruba sr. Fredy Refunjol a bisa den su discurso na apertura di e aña parlamentario 2015-2016, a usa e concepto di sostenebilidad pa describi e desaroyo di transicion cu Aruba ta pasando den dje. Ela describi e inversionnan grandi cu gobierno a y ta haci den infrastructura, enseñansa, pa esnan mas vulnerabel, e maneho pa bira menos dependiente di petroleo pa nos energia y e maneho di reforma di sector publico, pa mustra con amplio e concepto di sostenebilidad ta. Pero tambe ela splica con dificil e realisacion di e concepto aki ta. Un di e areanan mas dificil pa yega sostenebilidad ta esun di finansa publico. Entre otro pasobra sector publico ta haci asina hopi tarea crusial pa nos comunidad cu niun otro sector por of kier haci.

FINANSA SOSTENIBEL
Pa finasa publico tambe a fiha e meta pa yega na e punto cu e ta sostenibel a largo plazo. Sr. Gobernador a bisa entre otro riba esaki:"E concepto di sostenebilidad ta expande su mes riba tur tereno, tambe esun di finansa publico. Cu e fin di yega na finansa publico sostenibel den un tempo relativamente cortico - sin causa desbalansenan economico, laboral y social- Gobierno a sigui tuma e pasonan necesario pa yega na e punto di Presupuestonan Balansa." E punto mas importante di loke gobernador a bisa aki ta, cu Gobierno actual a scohe pa finansa publico tambe bira uno balansa. Un situacion sostenibel ta or cu e placa cu gobierno ta haya ta cubri tur su gastonan. Ta hopi gobierno a bisa di lo haci esaki den pasado, pero nunca a logr'e. Pa yega na finansa publico balansa, cualkier partido cu ta den gobierno lo mester tuma pasonan pa baha gasto di operacion di gobierno. E forma cu e gobierno actual a scohe pa haci'e, ta door di baha gastonan gradualmente sin afecta esnan cu entrada mas abou y esnan mas vulnerabel. E gobierno actual tambe a scohe pa reduci gasto di gobierno di tal forma, cu e no ta stroba e crecemento economico y no ta afecta calidad di bida den nos comunidad.

KICO A LOGRA TE AWOR
Te awor gobierno actual di AVP a pone economia di Aruba crece di e punto negativo di -15% pa un crecemento positivo di 2% den apenas cuatro aña. A baha desempleo di 12% pa 7.5%. Awor aki turismo ta sigui crece manera sr. Gobernador a bisa. Y e chens pa reapertura di e refineria ta birando mas grandi, mescos cu e interes pa crea un area di turismo completamente nobo na Baby Beach y Rodgers Beach tambe a sigui crece.  Logra e meta di finansa sostenibel, crecemento economico, expansion di base economico y adelanto social hunto, ta algo cu poco pais a logra. Aruba ta na caminda pa haci'e. Cada paso cu gobierno actual tuma cu sosten di Parlamento, ta pa haci nos pais mas resistente contra peliger y competencia di afo. Pero alavez pa haci nos pais uno mas husto y cu mas oportunidad pa tur. Ta haci esaki semper teniendo cuenta cu e e forma cu cada paso lo por afecta pueblo, economia y mercado laboral.

Expresionnan haci den e articulo aki no necesariamente ta refleha opinion di ArenaPoliti.co