{idkey=2480b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1752-benny-nisbet-ppa-ausencia-di-oposicion-na-apertura-di-e-anja-parlamentario-nobo-ta-demonstra-inicio-di-un-periodo-di-malcontento-profundo%3FItemid%3D101][title=Benny+Nisbet+%28PPA%29%3A+%E2%80%9CAusencia+di+oposicion+na+apertura+di+e+anja+parlamentario+nobo+ta+demonstra+inicio+di+un+periodo+di+malcontento+profundo%21%21%E2%80%9D][desc=Constitucion+di+Aruba+ta+menciona+den+Capitulo+111+cu+Aruba+tin+un+parlamento+cu+ta+representa+e+pueblo+di+Aruba+%28consiso+1%29+y+den+consiso+2+cu+e+Staten+aki+ta+consisti+di+21+miembro.+Un+apertura+di+e+anja+parlamentario+cu+presencia+di+solamente+e+fraccion+majoritario+presente+ta+bisa+hopi+mes.+E+ta+indica+un+%E2%80%98malcontento%E2%80%99+profundo+cerca+a+lo+menos+e+fraccion+mas+grandi+di+oposicion+esta+MEP.+E+ausencia+di+Democracia+Real+aparentemente+pa+motibo+di+malesa%E2%80%A6probablemente+mester+worde+busca+c]}
Constitucion di Aruba ta menciona den Capitulo 111 cu Aruba tin un parlamento cu ta representa e pueblo di Aruba (consiso 1) y den consiso 2 cu e Staten aki ta consisti di 21 miembro. Un apertura di e anja parlamentario cu presencia di solamente e fraccion majoritario presente ta bisa hopi mes. E ta indica un ‘malcontento’ profundo cerca a lo menos e fraccion mas grandi di oposicion esta MEP. E ausencia di Democracia Real aparentemente pa motibo di malesa…probablemente mester worde busca cu Dem Real ta hunga un ‘double wega’ y un rato kier ta oposicion y un rato kier ta bon cu e fraccion majoritario…pesey su informacion cu e ta malo etc…

Cu presencia di un cantidad grandi di invitadonan e ‘ausencia’ di un fraccion di siete miembro NO ta para bon…..sinembargo e pregunta mester worde hasi……..con bin un situacion por desaroya su mes asina malo ….cu e ta hasta affecta e funcionamento di parlamento ?

PPA kier keda obhetivo y neutral nos NO por keda sin menciona e pression enorme cu miembronan di fraccion di AVP tabata bao di djele ….sabiendo den nan curazon y mente ….cu nan tabata a punto di entrega y traiciona e lucha di un pueblo pa e ultimo 80 anja cual a resulta den ‘autonomia insular’ na 1950 y status aparte desde 1986.

Naturalmente pueblo lo mester evalua e motibo di e ‘ausencia’ aki…y fraccion di MEP no a sconde cu esaki tin di haber cu e ‘Ley di entrego y traicion’ cu a worde accepta pa majoria dia 27 di augustus 2015 y cu e presidente y e majoria NO a demonstra respet pa e pueblo malcontento cu a presenta tanto den e sala como pafor di e sala. PPA tin comprension pa e argumento duna pa fraccion di MEP…..pasobra nos tambe ta cuestiona e funcionamento di presidente di parlamento drs. Marisol Lopez Tromp seriamente. Especialmente ora 5 sindicato y un partido politico hasi un peticion na bo persona como presidente di staten pa reuni un rato prome cu e reunion pa trata e concepto di Ley a inicia. Na parecer di PPA presidente di Staten drs. Marisol Lopez Tromp a faya seriamente aki…..especialmente saliendo di un partido cu ta goberna cu a crea e impression di ta un partido cu ta kere den un plataforma di intercambia cu gremio y sindicato. E hecho cu president di Staten drs. Marisol Lopez Tromp NO a reuni cu e grupo aki por worde considera como un ‘eror’ serio cual ‘eror’ serio aki indudablemente a contribui na e protesta masal pafor di parlamento cu a causa danjo na parlamento y na un equipo cu a worde kima etc. No por core pa e realidad aki !!

Awor con a jega asina leeuw …?

1. No kabe duda cu pa decadanan largo diferente gobierno a pone conseho di Raad van Advies y rapport di ALgemene Rekenkamer un banda y hasta a keda SIN duna e instancianan aki e personal necesario na tempo pa nan por a ejecuta nan trabao na tempo. PPA por bisa cu un fraccion cu den pasado entre 2001 pa 2005 a dedica atencion den Staten pa fortifica e institutonan aki ta PPA pero NO tur ora nos proposicionan a ricibi e atencion debido cerca majoria !!
2. Gobernacio(nan) den nan maneho financiero repetida vez NO a tene cuenta cu e norma pa un pais manera Aruba cual su debenan nacional lo mester keda alrededor di 40% di nos entrada nacional. Aki e gobernacion cu visiblemente a peca mas ta partido AVP cu a cuminsa goberna usando y prestando sumanan asina grandi cu por bisa nan tabata gastando fondo cu ta espacio di varios gobernacionan cu lo mester bin nan tras….cual a crea e debe immense aki di 87 % di nos GDP.
3. No kabe duda cu gobernacion y fraccion majoritario lo keda cuestiona e hecho cu fraccion di MEP a entrega un nota na Hulanda jama ‘FEESTVIEREND TEN ONDER GAAN’ cual segun AVP lo a habri wowo di Gobierno di Reino !! 
4. PPA ta keda cuestiona e hecho cu Staten completo…….no a usa articulo 111.22 di nos constitucion pa defende ‘bienestar general’ serca Gobierno di Reino y na Staten General di hulanda;
5. PPA ta cuestiona tame e ‘buena fe’ di gobierno di Reino !! Na nos parecer nan tabata consciente di e mal rumbo financiero bao di maneho di x ministro Mike de Meza masha tempo kizas hasta prome cu e rapport ‘Feestvierend ten ondergaan’ a worde presenta na nan pero a scoge pa larga gobierno di AVP(Aruba) ‘dal den muraya’. Esaki a sosode na momento cu gobierno di AVP no tabata por mas …..y mester a pidi gobierno hulandes cooperacion pa subi Mercado Internacional ora di busca financiamento.
   Varios gobierno Hulandes no tabata contento cu e hecho cu Aruba tabata grandemente ‘autonomo’ y tabata busca pa Aruba hanja su mes lomba contra muraya pa asina nan impone e ‘control financiero’ cu Corsow y St. Maarten a negocia den nan proceso pa 10-10-10.
6. Por lo pronto Hulanda a logra impone e ‘mechanismo di control’ cu jama CAFT cual ta significa un ‘entrego y traicion’ di esnan cu a vota pele.

E situacion aki ta uno hopi serio. E ausencia di fraccion di MEP ta solamente e comienso di locual PPA ta mira como un ‘epoca tristo’ nos dilanti. Pasobra aki un lucha a inicia pa drecha nos autonomia y nos status aparte bek. PPA ta kere den mejora e institutonan manera Algemene Rekenkamer y Raad van Advies miho ainda ….pa nan por eherce nan control y minimalisa e posibilidad di gobernacion y staten pa rechasa e conseho arubiano y local aki den futuro. Fuera di esey articulo 4 consiso 9 di nos constitucion ta duna parlamento espacio pa nombra otro institucionan cu tareanan espesicifo cual nunca a worde usa ainda.

PPA No por accepta ta e ‘mechanismo di control’ for di Den Haag via di Corsow … un sistema colonial modern. CAFT lo NO por pasa e ‘toets’ di e principionan, normanan, reglanan, resolucionan di Naciones Unidas ..y PPA ta ripiti…for di e resolucion 1514 Recognizing that the peoples of the World ardently desire the end of colonialism in ALL its manifestations’ CAFT….. No por …y ta inacceptabel…!! PPA ta kere den cooperacion pero cooperacion di Buena fe…respetando e ‘autonomia/status aparte’ debidamente y ta pesey PPA ta mira e ‘ausencia’ di oposicion solamente como e prome stap di muestra di un malcontento profundo cu ta biba den e pueblo di Aruba !

Aruba, 9 di September 2015
Lider Politico di PPA BENNY NISBET

Expresionnan haci den e articulo aki no necesariamente ta refleha opinion di ArenaPoliti.co