{idkey=7252b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2145-dangui-oduber-mep-den-apenas-1-anja-tin-4000-turista-cu-a-keda-atras-como-illegal%3FItemid%3D101][title=Dangui+Oduber+%28MEP%29%3A+Den+apenas+1+anja+tin+4000+%E2%80%9Cturista%E2%80%99%E2%80%99+cu+a+keda+atras+como+illegal%21+][desc=Nos+dushi+Aruba+a+bira+un+free+for+all.+Gobierno+a+perde+tur+control+riba+nos+fronteranan+y+no+ta+atiendo+cu+e+problemanan+real+cu+nos+pais+ta+confrontando.+Ayera+den+parlamento+a+tuma+lugar+un+reunion+cu+a+wordo+pidi+pa+fraccion+di+AVP+pa+trata+e+tema+di+%E2%80%98%E2%80%99turistanan%E2%80%99%E2%80%99+di+Venezuela.+Presente+na+e+reunion+aki+tawata+minister+di+husticia+Arthur+Douwers+y+tambe+minister+di+integracion+Benny+Sevinger.+E+conclusion+cu+por+wordo+saca+for+di+e+reunion+aki+ta+cu+gobierno+ta+papia+hopi+pero+ta+h]}
Nos dushi Aruba a bira un free for all. Gobierno a perde tur control riba nos fronteranan y no ta atiendo cu e problemanan real cu nos pais ta confrontando. Ayera den parlamento a tuma lugar un reunion cu a wordo pidi pa fraccion di AVP pa trata e tema di ‘’turistanan’’ di Venezuela. Presente na e reunion aki tawata minister di husticia Arthur Douwers y tambe minister di integracion Benny Sevinger. E conclusion cu por wordo saca for di e reunion aki ta cu gobierno ta papia hopi pero ta haci nada pa trece solucionan pa cu e problematica aki. E problema cu e ‘’turistanan’’ Venezolanonan aki ta un problema serio. Minister Sevinger a bisa den parlamento cu e comportacion den e turistanan aki ta molestiando nos hendenan. Parlamentario di AVP a pidi minister Sevinger pa bin cu Visa pa Venezolano pasobra e situacion ta out of control.  Hecho y realidad ta cu e situacion a sali for di man.  Si nos tawata tin un gobierno cu ta traha na bieniestar di su pais e situacion aki lo por a wordo evita.

Remarcabel di henter situacion aki ta cu e propio hefe di imagracion na aruba a declara cu e anja aki so 2373 ‘’turista’’ Venezolano a keda atras y esaki ta 50% mas cu na anja 2014. Bisando esaki bo por conclui cu den apenas 1 anja di tempo casi 4000 ‘’turista’’ Venezolano a keda atras na Aruba como illegal. E situacion aki ta uno hopi fastioso mirando e situacion cu tin na Aruba mes. Actualmente na Aruba tin cantidad di problemanan social, tin un pobreza creciente y gobierno ta castigando pueblo cu medida tras di medida. Durante e reunion di commission aki cu a wordo yama nos fraccion a haci minister Sevinger e pregunta con por ta posibel cu den apenas 1 anja tin 4000 turista cu a keda atras como illegal. Nos a spera un contesta concreto di e minister caminda a lo menos e lo tawata duna e indicacion cu su gobierno lo ta haciendo algo pa atende cu e problema aki. Su contesta tawata uno cu te ainda mi no por kere. Minister Sevinger a contesta cu 4000 persona cu a keda tras como ilegal ta hopi tiki y ta ni 1% di tur esnan cu a bai bek nan destino. Cu otro palabra pa minister Sevinger no ta problema cu tin 4000 turista a keda atras pasobra e ta un cantidad hopi chikito. E ora mester puntra nos mes ki bal bo tin un maneho di admission e ora. Si e minister no tin problema cu 4000 hende a keda atras e ora no tin sentido pa tin un maneho riba admission. Si tin un maneho di admission ta pa abusa di esnan cu ta pidi permiso de estadia pa keda Aruba y haci negoshi cu nan. Actualmente tin un negoshi grandi di permiso di hendenan yega na minister cu ta fix y cobra esnan cu ta pidi estadia masha hopi placa pa regla nan estadia. Esaki no ta un maneho husto pasobra envez cu nan ta yuda esnan cu ta bin di afor nan ta abusa di nan. Hopi ta e kehonan cu ta yega na nos oido cu na moment cu un persona ta dispuesto pa paga hopi placa pa su permiso, esaki ta wordo regla mesora. Lamentablemente nos tin cu constata awe cu e gobierno aki a destrui nos pais den tur sentido di palabra. Den parlamento tin un fraccion di AVP cu ta mas cu ‘’applausmachine’’ di gobierno cu ta haci nan trabou di controla y vigila. Ta stranjo nos masha hopi e atencion di fraccion di AVP y gobierno pa cu e tema di ‘’turistanan’’ Venezolano mirando cu e problema aki ta data for di anja pasa y gobierno ni fraccion di AVP a atende e problema aki cu seriedad. Mas bien nan a bai hunga wega politico, chercha y instiga contra fraccion di MEP y awe cu baca a hoga kier haci comisfuera nan ta preocupa cu e desaroyo nobo aki na nos pais. Nan tawata tin tur e tempo pa preveni cu e situacion ta yega asina lew pero a opta pa keda keto y laga Aruba bira manera un republica di banana. Ni minister Sevinger ni minister Douwers por a convence nos cu nan tin solucion pa e problema y cu nan ta hacienda algo pa cu esaki tampoco!

Expresionnan haci den e articulo aki no necesariamente ta refleha opinion di ArenaPoliti.co