{idkey=96b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2581-dangui-oduber-mep-benny-sevinger-a-viola-tur-regla-di-otorgacion-di-tereno-firmando-dezerzijds-akkoord%3FItemid%3D101][title=Dangui+Oduber+%28MEP%29%3A+Benny+Sevinger+a+viola+tur+regla+di+otorgacion+di+tereno+firmando+%E2%80%98%E2%80%99dezerzijds+akkoord%E2%80%99%E2%80%99%21][desc=Benny+Sevinger+sigur+ta+birando+un+di+e+ministernan+mas+cuestionabel+di+gabinete+Mike+Eman.+%26amp%3Bnbsp%3BDia+pa+dia+ta+birando+mas+obvio+cu+e+NO+ta+un+persona+integro+sino+mas+bien+ta+tuma+decisionan+y+ta+haci+cierto+cosnan+cu+ta+hopi+cuestionabel.+Den+un+siman+di+tempo+Benny+Sevinger+a+haye+den+un+cantidad+di+escandolo+den+su+minesterio+y+ainda+e+no+por+a+convence+pueblo+cu+e+la+haci+lo+correcto.+Tin+e+caso+di+tereno+di+Roberto+Rincon+caminda+e+persona+aki+a+bypass+tur+procedura+gubernamental+y+a+bai+]}
Benny Sevinger sigur ta birando un di e ministernan mas cuestionabel di gabinete Mike Eman.  Dia pa dia ta birando mas obvio cu e NO ta un persona integro sino mas bien ta tuma decisionan y ta haci cierto cosnan cu ta hopi cuestionabel. Den un siman di tempo Benny Sevinger a haye den un cantidad di escandolo den su minesterio y ainda e no por a convence pueblo cu e la haci lo correcto. Tin e caso di tereno di Roberto Rincon caminda e persona aki a bypass tur procedura gubernamental y a bai te serca minister Sevinger pa entrega e carta den Benny Sevinger su man pasobra manera e peticion mes ta indica, esaki a wordo ‘’hand delivered’’.  Ora e peticion a drenta Benny Sevinger a pone su firma y a bai di acuerdo pa duna e tereno den apenas 2 dia di trabou y a firma riba e peticion ‘’dezerzijds akkoord’’.

E promer pregunta cu ta bin ariba ta, pakiko e carta aki a wordo ‘’hand delievered’’ y no a cana e procedura normal cu tur hende cu ta haci un peticion mester cana. Ki trato preferencial Roberto Rincon ta haya serca Benny Sevinger cu e por entrega un cart ate serca e minister? Ki relacion e minister en cuestion tin cu Roberto Rincon?

Una vez cu e peticion di Rincon a leak, minister Sevinger a sali y bisa cu loke e la firma ‘’dezerzijds akkoord’’ no kiermen cu Rincon lo haya tereno. Mas aleu e minister a bisa cu e mester a screen Rincon door di usa e search engine ‘google’ y e no a haya nada particular. Loke minister Sevinger a haci ta contra tur regla di norma y fatsoen y bon gobernacion. Gobierno ta dispone di departamento di seguridad nacional y ta costa nos pueblo 5.5 miyon florin pa anja. Na ningun momento Benny Sevinger no a pensa pa laga e departamento aki, cual ta esun official pa screen hende haci e screening. E la opta pa no haci uso di seguridad nacional sino haci uso di google. Haciendo esaki Benny Sevinger tin hopi mas splicacion pa duna!

Dezerzijds akkoord si bo translate na ingles e ta; "This side agreement"
kiermen cu this side dus gobierno namens minister ta akkoord dus eigenlijk ya a bai pass departamento nan mas veiligheids dienst mas buitenlandse betrekking. E carta NO a drenta BID y segun mi no tin acuerdo di ministerraad tampoco. Un minister cu tantisimo coordinador y consehero ta prefera actua riba su mes? cu tanto riesgo? 
Hecho ta cu a viola reglanan di otorgacion di tereno. Unda e zogenaamd commissie a keda cu ta vigila asunto di otorgacion di tereno commercial? Mucho pregunta sin contesta.

E minister aki mester stop di hunga cu inteligencia di nos hendenan y bisa e cos manera cu e ta. Bin splica pakiko Rincon a haya e trato prerencial aki anto tin miles di Arubiano wardando riba un pida tereno pa por construi nan cas cu no ta haya e trato aki. Loke ta stranjo nos mas di henter e asunto aki ta e silencio di promer minister Mike Eman. Ta parce cu e tambe ta di acuerdo cu tur e bagamunderianan cu ta tumando lugar den su gabinete. Envez cu ta actua e ta tapa e cosnan aki y no ta duna pueblo cara kiko ta pasando!

Expresionnan haci den e articulo aki no necesariamente ta refleha opinion di ArenaPoliti.co