{idkey=8512b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2398-karel-maduro-mep-e-loco-sabi-a-hole-cu-palo-ta-bai-cay%3FItemid%3D101][title=Karel+Maduro+%28MEP%29%3A+E+loco+sabi+a+hole+cu+palo+ta+bai+cay%21][desc=Pueblo+di+Aruba%2C+cu+gran+sorpresa+pueblo+por+a+lesa+cu+sr.+Eman+a+viaha+pa+Hulanda+pa+duna+un+speech+elocuente+na+nivel+di+un+limosnero.+Diripiente+Hulanda+mester+a+tende+full+e+storia+di+Status+Aparte.+Cu+ta+su+welo+y+su+tata+a+percura+pa+esaki+pero+sin+menciona+cu+nan+dos+NO+a+logra+haya+esaki.+Tambe+el+a+papia+di+e+situacion+na+2009+ora+tabatin+un+crisis+mundial+y+Aruba+un+bes+mas+mester+a+deal+cu+ciere+di+e+refineria.+Eman+ta+uza+e+crisis+den+dos+forma%3A+E+prome+pa+ga%C3%B1a+pueblo+cu+ta+MEP+taba]}Pueblo di Aruba, cu gran sorpresa pueblo por a lesa cu sr. Eman a viaha pa Hulanda pa duna un speech elocuente na nivel di un limosnero. Diripiente Hulanda mester a tende full e storia di Status Aparte. Cu ta su welo y su tata a percura pa esaki pero sin menciona cu nan dos NO a logra haya esaki. Tambe el a papia di e situacion na 2009 ora tabatin un crisis mundial y Aruba un bes mas mester a deal cu ciere di e refineria. Eman ta uza e crisis den dos forma: E prome pa gaña pueblo cu ta MEP tabata por yuda cu tin crisis y di dos ta pa salba su cuero a base di SU mal maneho gubernamental. Tapando su incapacidad como mandatario y culpando e crisis. Tambe sr. Eman a splica cu su gobierno na momento di a tuma rienda na fin di 2009 a scoge pa inversion (1%) y no pa austerisacion. Un escogencia cu a pone Aruba den un desacuerdo cu Hulanda. Pregunta: Ki aña Hulanda a bay den desacuerdo cu gobierno di AVP? Sr. Eman ta papia manera cu ta na 2010 Hulanda a cuminsa hiringa cu su gobierno! No tabata tin un gabamento di parti di Hulanda di su gobierno? Ta ora Hulanda a ripara cu sr. Eman su gobierno ta uno mediocre y incapacita, nan a cuminsa hiringa cu e gobierno di AVP. Despues di 5 aña a bini un desacuerdo. Un desacuerdo cu su consecuencianan manera e menasa di mata curpa door di un supuesto welga di hamber pa despues bay core auto di careda na Merca. Tambe sr. Eman ta menciona den e sala cu su persona ta desapunta ya cu nunca Hulanda ta duna un compliment, pero ta punta dede so! Hopi straño un declaracion asina di parti di Michiel Godfried Eman!? Pasobra dia 22 januari  2014, prominentenan na Hulanda a bisa Rene Zwart cu nan lo a desea di tin un Minister President manera Mike Eman! Tambe dia 29 November 2014, Premier Eman a mustra cu pais Aruba ta gosa di beneficionan grandi di un bon relacion cu Hulanda! Awor di con tanto disgusto den Hulanda, sr. Eman? Esakinan ta e pruebanan di cu ora bo lanta falso testimonio y manipulacion, esakinan mes ta bira cu acusadornan. Esey ta pasando cu e prome minister di pais Aruba. E berdad di e mal maneho di su persona y su gobierno ta keda reconoci na Hulanda. Ta aki na Aruba ainda tin hendenan cu no kier compronde cu e gobierno di AVP ta uno cu no ta competente. Hulanda si no ta tuma un 7 pa 9. Hulanda no ta kere tampoco den hinca un pais den un debe astronomico y di cual ta solamente 1% di e debe, e gobierno di AVP a inverti. A tarda 6 aña pero porfin pa Hulanda enberdad e “kwartje” a cay. Consecuentemente, e loco-sabi a core bay dilanti pa difama y culpa Hulanda di antemano pa si cualkier disputa bini tocante e presupuesto 2015 y 2016.
Un expresion di hunga kens tabata “Mi no sa kico Aruba a haci Hulanda”? Cuanto biaha e gobierno di AVP no a cumpli cu e palabracionnan haci na Hulanda? Tocante cumplimento di Presupuestonan? PESEY HULANDA NO TA CONFIA SR. EMAN MAS!! Tin palo na caminda cu prueba di mal maneho di parti Hulanda! Welga di hamber atrobe of menasa di horca curpa, cual e ta bira?

Expresionnan haci den e articulo aki no necesariamente ta refleha opinion di ArenaPoliti.co