{idkey=3460b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3188-benny-nisbet-ppa-san-nicolas-bek-pa-homeplate-back-to-homeplate-pero-sin-desaroyo-nobo%3FItemid%3D101][title=Benny+Nisbet+%28PPA%29%3A+San+Nicolas+%26quot%3Bbek+pa+homeplate%2Fback+to+homeplate%26quot%3B+pero+sin+desaroyo+nobo%21%21][desc=E+impacto+economico+di+e+refineria%28LAGO%29+a+crea+San+Nicolas+manera+e+tabata+realmente.+Un+ciudad+druk%2C+dinamico+etc.+%26amp%3Bnbsp%3BCu+tempo+e+refineria+%28LAGO%29+a+sera+%281984%29+y+nunca+mas+San+Nicolas+no+tabata+locual+e+tabata+antes.+Cu+e+reapertura+pa+Coastal+sigui+pa+EL+PASO+y+despues+Valero+ainda+nunca+mas+San+Nicolas+no+a+desaroya+su+mes+di+ta+e+San+Nicolas+economicamente+potente.Durante+e+anjanan+2010%2C+2011+y+2012+cu+Valero+tabata+exploita+e+refineria+ultimo+San+Nicolas+tabatatin+mas+movicion+cu+awe+pe]}
E impacto economico di e refineria(LAGO) a crea San Nicolas manera e tabata realmente. Un ciudad druk, dinamico etc.  Cu tempo e refineria (LAGO) a sera (1984) y nunca mas San Nicolas no tabata locual e tabata antes. Cu e reapertura pa Coastal sigui pa EL PASO y despues Valero ainda nunca mas San Nicolas no a desaroya su mes di ta e San Nicolas economicamente potente.

Durante e anjanan 2010, 2011 y 2012 cu Valero tabata exploita e refineria ultimo San Nicolas tabatatin mas movicion cu awe pero ainda mi ta corda con hopi hende den pueblo tabata reclama cu San Nicolas mester di un desaroyo aserca pa realmente dunele un impacto economico. Cu otro palabra cu e refineria habri San Nicolas su desaroyo economico no tabata uno impactante.

Ora AVP a gana eleccion na 2009  AVP a anuncia cu nan tin plannan grandi pa desaroyo di San Nicolas y San Nicolas lo ta ‘prioridad no. 1’….a logra pa Valero habri e refineria na 2010 cual a dal sera na 2012 algo cu gobierno Mike Eman tabata sa di djele pero nan no a hasi nada pa prepara pa e sla aki pa colmo nan acuerdo di 2010 a juda tene e refineria sera durante tres anja.

Mientras tanto  speranza pa un miho futuro ta worde hinca den mente di ciudadania  cu ora e refineria habri bek, San Nicolas lo biba atrobe ! Esaki PPA ta cualifica como ‘BEK PA HOMEPLATE/BACK TO HOMEPLATE ’.  Bek pa e situacion unda e refineria tabata habri pero su impacto riba nos economia tabata relativamente poco. Entodo caso esaki lo ta miho cu nada.

VISION NOBO SAN NICOLAS PRIORITY NO. 1 ?

E pregunta esencial cu pueblo di San Nicolas mester hasi su mes ta:  Unda TUR  e plannan cu AVP tabatatin a lo menos cu nan a bisa pueblo di San Nicolas na 2009 ripiti na 2013 cu San Nicolas lo tabata prioridad no. 1 pa nan….unda e plannan aki a keda ? Poco caretera cu ‘trottoir di klinker, drechamento di e Watertoren(idea di PPA) rechaza den pasado pa AVP  y drechamento di Nicolas Store otro idea anjas largo den programa di PPA NO ta suficiente pa un desaroyo nobo. Pa no lubida e  vision/idea di PPA pa un Museum Carnavalesco y un Carnaval Village combina cu AVP a tuma over y a ‘split’ ejecutado e parti cu lo mester a bira un Carnival Village pero cu te awe NUNCA a worde finalisa….a traha un carnival plaza cu ta worde jama Carnival Village….pero SIN e Village…..y pueblo di San Nicolas a guli esaki manda abao tambe pa colmo riba e tereno ‘mas contamina na San Nicolas.   E idea di AVP MES  pa un museum industrial y un museum cu AVP a trece for di Dakota NO ta projecta ‘historia y cultura’ di  San Nicolas dentro di e cultura general di pais Aruba. E ta un insulto  na e ‘historia y cultura’ di e districto di San Nicolas   Y sigur no suficiente pa un desaroyo  economico nobo !! Y ora e pueblo di San Nicolas cuestiona e situacion……anto musica den nan curpa…..cu musica nan ta bailia y lubida !!

PPA ta ripiti  ‘unda e vision/plannan cu AVP a ganja pueblo di San Nicolas cu nan lo tabatatin durante eleccionan di 2009 y 2013  cu pueblo di San Nicolas a cai pa e ‘green green’ di AVP ??? Durante 7 anja di gobernacion di AVP San Nicolas a perde nos refineria…….AVP a para ejecucion di e hospital di curazon na San Nicolas,  cu  renovacion di Watertoren nan a crea  UN cupo di trabao durante e periodo aki cu a resulta di ta  ‘seguridad’ cu ta cuida e Watertoren  pregunta ta…un vez mas  unda e vision/plannan di AVP mes pa San Nicolas a keda ???  Ta bisto cu AVP a tira pueblo di San Nicolas un tubo y pueblo di San Nicolas a cai pele.

Reapertura di nos refineria lo tin un impacto leve riba desaroyo di San Nicolas pero e lo no crea un desaroyo nobo manera priminti durante dos eleccion pa AVP !!  Y ora huzga cu AVP a inverti 2500 million florin den Oranjestad y apensa 35 million den San Nicolas anto sigur esaki no ta cuadra cu e ponencia y promesa cu San Nicolas lo ta ‘prioridad no. 1’  Otro mentira cu pueblo di San Nicolas lamentablemente a guli.

Entodo caso si aki un par di siman e  refineria habri bek….San Nicolas lo ta ‘bek na homeplate’ pero lamentablemente despues di siete anja di gobernacion di AVP San Nicolas lo NO a logra un desaroyo nobo of un desaroyo acerca y esaki lamentablemente !! Bek pa homeplate y boca sera…esey ta e realidad amargo !!


Aruba, 24 di april 2016                                    Lider Politico di PPA

                                                                           BENNY NISBET

Expresionnan haci den e articulo aki no necesariamente ta refleha opinion di ArenaPoliti.co