{idkey=2749b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3544-minister-ing-mike-de-meza-gobierno-a-recupera-cuater-tereno-grandi-mas-for-di-refineria-pa-duna-un-uzo-nobo-na-beneficio-di-pueblo%3FItemid%3D101][title=Minister+Ing.+Mike+de+Meza%3A+Gobierno+a+recupera+cuater+tereno+grandi+mas+for+di+refineria+pa+duna+un+uzo+nobo+na+beneficio+di+pueblo][desc=Mescos+cu+a+haci+unda+awo+ta+Carnival+Village%26amp%3Bnbsp%3BORANJESTAD+%E2%80%93+Durante+e+encuentro+sosteni+dialuna+mainta+cu+prensa+local%2C+Minister+di+Asunto+Economico%2C+Energia%2C+Comunicacion+y+Medio+Ambiente%2C+ing.+Mike+de+Meza+a+duna+un+splicacion+riba+loke+ta+e+terenonan+cu+Pais+Aruba+a+recupera+for+di+Valero+y+cu+ta+bay+bek+na+pueblo.+Esaki+ta+un+punto+cu+semper+tabatin+un+importancia+y+Gabinete+Mike+Eman+II+ta+contento+di+por+a+logra.+E+terenonan+aki%2C+mescos+tabata+e+caso+cu+e+skina+entre+Lagoweg+y+Bernha]}
Mescos cu a haci unda awo ta Carnival Village 

ORANJESTAD – Durante e encuentro sosteni dialuna mainta cu prensa local, Minister di Asunto Economico, Energia, Comunicacion y Medio Ambiente, ing. Mike de Meza a duna un splicacion riba loke ta e terenonan cu Pais Aruba a recupera for di Valero y cu ta bay bek na pueblo. Esaki ta un punto cu semper tabatin un importancia y Gabinete Mike Eman II ta contento di por a logra. E terenonan aki, mescos tabata e caso cu e skina entre Lagoweg y Bernhardstraat cu a bira Carnival Village, lo mester bay conoce awo y despues di casi 100 aña, un cambio di destinacion na beneficio di e pueblo di Aruba.

“Den e negociacion y acuerdo cu tin, Aruba a tuma un parti bek di e terenonan cu tin na San Nicolas y Seroe Colorado cu ta conoci como Refineria di Aruba,” asina Minister Ing. de Meza a cuminsa na bisa. E prome di e cuater partinan cu ta cay bek pa Gobierno di Aruba ta e pida cu ta cuminsa patras di e murayanan grandi banda di parada di Arubus, kier men dilanti di Setar y CMB y ta bay te banda di Santana di Zeewijk.

E otro partinan, conoci como ‘Gate 8’ y cu ta keda banda di Lago Heights Hill Park. Aki ta caminda hopi biaha e trucknan ta para y ta sali cu jet fuel, gasolin y diesel pa suministra e diferente stacion di gasolin. “Eynan tin un parti relativamente grandi cu a wordo tuma over. E tereno aki ta bay den e area di e refineria cu ta e parti panort di e plantanan di crudo y e ta basta hancho,” asina e titular di Energia a splica.

E di tres tereno ta ubica na banda drechi despues cu a subi na Lago Heights. E parti ey ta inclui e calichi pit pafo di Lago Heights te dilanti di ex-Costa Riba Restaurant. Henter e area ey ta wordo tuma bek dor di Gobierno di Aruba y e ta bay aden casi un 800 meter den den direcion di lama y tin un otro parti cu ta bay hopi mas leu. Aki ta caminda cu, segun Minister ing. de Meza a duna di conoce, Gabinete Mike Eman ta trahando riba un proyecto pa establece un Parke Solar cu capacidad di produccion di energia di 5 Mega Watt.

Por ultimo, ta haya e tereno parti pariba pazuid di ex-International School caminda tin diferente trailer staciona. Minister ing. de Meza a splica cu tur e parti ey a wordo tuma bek dor di Pais Aruba tambe, mientras cu esun caminda cu International School ta y tambe un pida pariba di dje, tambe ta di Refineria di Aruba pero ta cay bou di e acuerdo di lease cu Citgo pa operacion di e refineria.

Sin duda algun mas motibo pa Aruba celebra. No solamente Gabinete Mike Eman II a logra haya un operador solido pa realisa e reapertura di refineria, pero tambe a recupera terenonan grandi di nos isla cu awo, despues di casi 100 aña ta bay bek den man di pueblo y pa beneficio y goso di pueblo tambe.

Expresionnan haci den e articulo aki no necesariamente ta refleha opinion di ArenaPoliti.co