{idkey=1694b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3878-benny-nisbet-ppa-apertura-di-un-upgrader-ta-crea-e-impression-cu-aruba-ta-cai-di-panchi-den-candela%3FItemid%3D101][title=Benny+Nisbet+%28PPA%29%3A+%E2%80%9CApertura+di+un+%E2%80%98upgrader%E2%80%99+ta+crea+e+impression+cu+Aruba+ta+cai+di+panchi+den+candela%3F%3F%E2%80%9D][desc=Diasabra+pasa+tabata+13+di+augustus+2016+exactamente+3+luna+pasa+cu+gabinete+Mike+Eman+p%2Fm+di+Ministro+Mike+de+Meza+alias+The+Mess+a+anuncia+na+pueblo+di+Aruba+cu+gobierno+a+jega+na+un+acuerdo+cu+ta+ensera+cu+a+logra+e+re-apertura+di+e+refineria.+Sigui+cu+un+supuesto+acto+ceremonial+fecha+10+di+juni+ultimo+na+Caracas%2C+Venezuela+unda+dilanti+Presidente+di+Venezuela+sr.+Nicolas+Maduro+a+firma+algun+MOU%E2%80%99s+largando+un+impression+atras+cu+Aruba+a+firma+cu+CITGO+PETROLEUM%28International%29.+E+dia+despu]}
Diasabra pasa tabata 13 di augustus 2016 exactamente 3 luna pasa cu gabinete Mike Eman p/m di Ministro Mike de Meza alias The Mess a anuncia na pueblo di Aruba cu gobierno a jega na un acuerdo cu ta ensera cu a logra e re-apertura di e refineria. Sigui cu un supuesto acto ceremonial fecha 10 di juni ultimo na Caracas, Venezuela unda dilanti Presidente di Venezuela sr. Nicolas Maduro a firma algun MOU’s largando un impression atras cu Aruba a firma cu CITGO PETROLEUM(International). E dia despues esta 11 di juni 2016 Citgo Petroleum(International) situa na Houston a pone un declaracion riba nan website cu a duna un total otro situacion cu gobierno Eman a desea pa e pueblo di Aruba en general y e pueblo en particular San Nicolas kere.

Den e declaracion aki pa mundo henter Citgo Petroleum (International) na Houston a declara:

1. Cu esun cu a firma NO ta nan pero Citgo Aruba….PPA ta cita for di e declaracion aki “ gathered to witness the execution of a commercial agreement between Citgo Aruba and the Aruban government…’.
2. Ora pueblo a worde informa cu ta e refineria lo worde habri bek…….e declaracion aki ta bisa textualmente: ‘This project wil TRANSFORM the refinery into an UPGRADER for Venezuela extra-heavy crude within 18 months to two years’. 
3. Gobierno a informa pueblo di Aruba cu nan a pone como condicion cu e planta/refineria lo mester worde habri y exploita riba gas………e declaracion di Citgo Petroleum ta bisa ‘A complementary project under consideration would allow the utilitization of excess natural gas available in the Paraguana region of Venezuela, etc ‘/

En corte informacion cu a mustra claramente unda gobierno di Aruba/ministro Mike de Meza alias The Mess a crea un impression totalmente otro esta ….cu a firma cu Citgo Petroleum International, cu ta e refineria mes cu lo habri y cu ta gobierno di Aruba a pone como condicion cu lo mester exploita e refineria riba gas pero aki ta mustra e ta un projecto ‘complementario’ esta e no ta sigur ainda awor ta bai studiele.

Mientras tanto despues cu a larga pueblo di Aruba y pueblo di San Nicolas celebra tumando pueblo hasi un otro aspecto remarkable a sali na cla.

*** Na momento cu gobierno di Aruba a firma na Venezuela cu e compania riba papel esta Citgo Aruba gobierno NO tabata tin un acuerdo cu Valero y cu gobierno no tabata donjo di e refineria pa por a firma un acuerdo encuanto e fascilidad na Aruba ! Y te na e momento aki Aruba NO ta donjo di e refineria..!!

Esaki naturalmente tabata un eror gigantesco …pasobra esaki a pone Valero den e ‘driverseat’ …esta gobierno di Aruba tin mester di e refineria awor dus nan ta lomba contra muraya !!!

Mientras tanto nos ta 90 dia/ 3 luna despues cu gobierno di Aruba a anuncia cu nan a jega na un acuerdo cu Citgo Petroleum y 60 dia(2 luna) despues cu a firma na Venezuela …..anto NO tin nada ainda officialmente. Ja cu gobierno no a manda e ‘documentacion’ pa parlamento di Aruba esaki ta implica cu gobierno lo no a jega na un acuerdo definitivo cu Valero a lo menos no undo cu ta duna gobierno e ‘go ahead’ pa anunciele.

Parlamento mientras tanto a hasi uso di su reces/vacacion completo SIN cu a jega ni un pagina di e mas cu 2000 pagina cu supuestamente a negocia entre gobierno di Aruba y Citgo pa parlamento studia ???

SITUACION FINANCIERO DI PDVSA………..

Mientras tanto den prensa internacional nos por lesa e situacion financiero di nos futuro partner PDVSA como compania di crudo…..esta na rand di bancarota !! PPA a bisa for di comienso cu si gobierno Venezolano no por paga ni e devisas cu nan debe companianan di aviacion rond mundo…..con nan lo hasi paga e compania Citgo Aruba pa evita cu kada periodo derrepiente no tin fondo pa paga e.o. salario di trahador. Un 1500/2000 trajador di cual 80% Venezolano na Aruba cu no cobra na salario ta un peliger serio pa e sociedad di Aruba. E pregunta ta keda: Despues di e crisis financiero ……e debe nacional gigantesco, despues di e ‘hedging’ …awor den kiko mas ministro Mike de Meza alias THE MESS a hinca pais Aruba …..?????

DIFERENCIA DI UN REFINERIA CU UN UPGRADER……..y su eventual consecuencianan…

Fuera di esaki partido PPA a accentua cu tin un diferencia cardinal entre habri un refineria y/of habri un upgrader…..! Un upgrader cu lo procesa e ‘lodo’ di mas pisa for di e aerea di Orinoco, Venezuela cu tur respet pa e pais aki y su pueblo. Den mundo ta conoci cu na Alberta, Canada e area unda nan ta usa upgraders esta Alberta ta worde jama ‘Cancer Alley’. Na venezuela tambe tin indicacion fuerte cu un parti di e region unda nan ta saca e ‘lodo’ pisa pisa aki e pueblo a cuminsa keha di ‘respitory problems y cancer’.

Awor ta con nos flamante gobierno y ministro ta kere cu si esaki ta e caso den exterior cu un upgrader lo no trece esaki na Aruba, pa e trahadornan y e pueblo di San Nicolas ? Un upgrader di ‘extra heavy heavy crude’ tambe conoci na Alberta Canada como ‘bitumen’ ta larga dos ‘by products’ atras…esta sulphur/asucre y petroleum coke. Ambos tin effecto serio pa un pueblo. Pa cuminsa e sulphur lo worde mescla cu un producto cu ta duna e holor di ‘webo putri’ esey kiermen cu San Nicolas lo sufri pa 15/25 anja awor di e holor di ‘webo putri’ !!! Ta con ta bai desaroyo San Nicolas bao di un holor asina ?? E otro ‘by-product’ ta worde jama ‘petroleum-coke or pet-coke’ y e ta worde considera cu lo ta 1/3 parti di kada ‘bari’ di e crudo pisa pisa aki. E pet-coke ta trece cunele cu e planta/upgrader lo larga mucho mucho mas CO2 bai den aere cu of sin filters……!! Cu otro palabra Aruba cu tabata projecta su mes como un isla ‘green/green’ awor ta bai forma parti di e paisnan cu ta manda mas CO2 bai den mundo ….esta verguenza…..anto ainda parlamento y gremionan ta drumi.

PPA ta kere fielmente den re-apertura di nos refineria eventualmente cu su propio ‘cat-cracker unit’ pero PPA ta duna sumamente hopi den e pregunta si un UPGRADER lo por ta ‘na interes’ di Aruba un isla cu ta depende di turismo ….e contrast aki ta demonstra cu si gobierno di Aruba no a hasi un analisis di e efectonan di un upgrader mes. E solo hecho cu gobierno derrepiente ta anuncia un scol pa juda prepara nos localnan pa traha den e refineria ta indica cu gobierno mes a spanta ora e resultadonan di e solicitantenan a cuminsa drenta esta apenas 600 hende interesa na Aruba y mas cu 7000 venezolano. Esaki so ta indica cu Aruba su upgrader lo funciona den futuro cu 12 % mas o menos di trahador local y un 88 % di venezolano. Esey ta larga nos cu e pregunta clave…..Pakiko a boga pa habiele y peor ainda habriele como UPGRADER ??? Mientras tanto parlamento cu mester controla locual gobierno a firma ta sin documento y ta den un silencio mas cu por tende ta cu ta parlamento a logra e re-apertura cual ta pone parlamento/fraccionan den e ‘dilemna’ cu nan no por controla e acuerdo y toets ey na interes general di pais aruba obhetivamente. Nan a bende nan posicion kaba !!

PPA lo bin bek riba e materia aki !!

Aruba, 14 di augustus 2016
Lider Politico di PPA
BENNY NISBET

Expresionnan haci den e articulo aki no necesariamente ta refleha opinion di ArenaPoliti.co