{idkey=8724b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4102-rene-herde-avp-banco-central-ta-senala-desaroyonan-positivo-na-aruba%3FItemid%3D101][title=Rene+Herd%C3%A9+%28AVP%29%3A+Banco+Central+ta+se%C3%B1ala+desaroyonan+positivo+na+Aruba][desc=Mei+mei+di+economia+mundial+stagna.%26amp%3Bnbsp%3BMientras+cu+economianan+rond+di+mundo+ta+sigui+lucha+pa+yega+na+crecemento+substancial%2C+tin+desaroyonan+positivo+na+Aruba.+Sigur+cu+re-apertura+di+e+refineria.+Esey+ta+algun+conclusion+cu+por+saca+for+di+e+ultimo+relatonan+di+Banco+Central+riba+estado+di+economia+na+Aruba.+Entre+otro+Banco+Central+ta+se%C3%B1ala+un+crecemento+di+0.4%25+di+economia+pa+2017+y+un+reserva+di+divisa+cu+ta+hopi+mas+halto+cu+e+tres+lunanan+cu+ta+rekeri.+Esaki+ta+se%C3%B1alnan+di+stabilida]}
Mei mei di economia mundial stagna. 

Mientras cu economianan rond di mundo ta sigui lucha pa yega na crecemento substancial, tin desaroyonan positivo na Aruba. Sigur cu re-apertura di e refineria. Esey ta algun conclusion cu por saca for di e ultimo relatonan di Banco Central riba estado di economia na Aruba. Entre otro Banco Central ta señala un crecemento di 0.4% di economia pa 2017 y un reserva di divisa cu ta hopi mas halto cu e tres lunanan cu ta rekeri. Esaki ta señalnan di stabilidad y seguridad financiero, mientras cu economia di nos pais ta adapta na circunstancianan externo y interno nobo. Entre e circunstancianan externo ta e crisis na Venezuela, e didos mercado di turismo pa Aruba y economianan rond di mundo stagna.

DESAROYO MUNDIAL
Te ainda ta poco pais na mundo cu por mustra crecemento economico substancial. Hulanda ta spera un crecemento di 1.5% si desaroyo externo no daña cos pa nan. Merca ta e pais cu a recupera miho y mas lihe for di ecrisis. E ta spera un crecemento di mas o menos 3% na 2017, pero esaki tambe ta depende di loke sosode den otro parti di mundo manera China y Europa. E economia di Aruba cu ta completamente dependiente di desaroyo den paisnan rond di nos, ta crece atrobe den forma modera cu 0.4% danki na e inversionnan door di e re-apertura di e refineria y e ehecucion di proyectonan grandi manera Green Corridor y Avenida Watty Vos. Mientrastanto e maneho di turismo ta busca mercadonan nobo pa limita e efecto di e dependencia tradicionalmente grandi di nos pais bisiña Venezuela. E crisis Venezolano a nifica un caida grandi di entrada pa nos pais. Oficina di turismo ta identificando mercadonan nobo y e instrumentonan necesario pa adkiri turista cu ta gasta hopi for di otro destinacionnan. Turismo ta e sector cu a carga nos pais den tur e añanan cu nos no tabata tin e refineria ta traha. Un tremendo logro pa un pais cu a redobla su poblacion den apenas 25 aña. Ta turismo cu a saca nos pais for di e pio crisis den ultimo 25 aña!

INVERSION
Atrobe e relato di Banco Central ta mustra riba e importancia di inversion den nos economia pa sigura crecemento. E inversionnan grandi cu ta bay haci pa re-activa e refineria ta bin na prome luga. E inversionnan cu gobierno a haci den proyectonan di infrastructura tambe a yuda enormemente pa crea crecemento economico, crea trabou, pone mas placa den economia y a yuda pa hende gasta mas. Esaki ta netamente e efecto cu gobierno tabata kier cu e inversionnan den proyectonan grandi. E no ta bay solamente pa e proyecto mes. Cada uno di nan ta importante pa nos pais.  E ta bay tambe pa e forma cu nan ta genera trabou pa nos hendenan, crea entrada pa hende por gasta y asina stimula circulacion di placa den pueblo. Ta asina economia ta traha y e proyectonan a haci netamente esey. Nan ta proyectonan importante pa nos pais y nan a y ta sigui crea trabou y entrada pa hopi hende.

Expresionnan haci den e articulo aki no necesariamente ta refleha opinion di ArenaPoliti.co