{idkey=1898b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4134-benny-nisbet-ppa-relaciona-cu-e-deal-cu-citgo-min-mike-de-meza-alias-the-mess-a-mantene-su-titulo-creando-otro-one-big-mess%3FItemid%3D101][title=Benny+Nisbet+%28PPA%29%3A+%E2%80%9CRelaciona+cu+e+%E2%80%98deal+cu+CITGO%E2%80%99+Min+Mike+de+Meza+alias+The+Mess+a+mantene+su+titulo+creando+otro%E2%80%A6.+%E2%80%98One+Big+Mess%E2%80%99%21%21%21%21%E2%80%9D][desc=Por+fin+e+documentacion+%26amp%3Bnbsp%3By+e+Ley+cu+ta+trata+%26amp%3Bnbsp%3Bre-apertura+di+un+UPGRADER+%26amp%3Bnbsp%3Briba+tereno+di+e+fascilidad+%26amp%3Bnbsp%3Ba+jega+parlamento+di+Aruba.+Esaki+4+%C2%BD+%26amp%3Bnbsp%3Bluna+despues+cu+Ministro+Mike+de+Meza+fecha+13+di+mei+2016+a+anuncia+cu+e+documentacion+lo+worde+manda+pa+Staten+dentro+di+2+siman+%21%21Awor+cu+e+documentacion+y+e+Ley+a+jega+Staten+di+Aruba+%E2%80%A6awor+Staten+di+Aruba+e+instancia+di+mas+halto+di+pais+Aruba+no+mag+di+ricibi+copia%E2%80%A6.mag+di+wak+e+mas+cu+2000+copia+solamente+%E2%80%98ter+inzage]}
Por fin e documentacion  y e Ley cu ta trata  re-apertura di un UPGRADER  riba tereno di e fascilidad  a jega parlamento di Aruba. Esaki 4 ½  luna despues cu Ministro Mike de Meza fecha 13 di mei 2016 a anuncia cu e documentacion lo worde manda pa Staten dentro di 2 siman !!

Awor cu e documentacion y e Ley a jega Staten di Aruba …awor Staten di Aruba e instancia di mas halto di pais Aruba no mag di ricibi copia….mag di wak e mas cu 2000 copia solamente ‘ter inzage’….cu otro palabra na un forma irresponsabel gab Mike Eman y min Mike de Meza alias THE MESS kier pone parlamento di Aruba lomba contra muraya na momento di vota pa e projecto aki.  No kabe duda cu gab Eman ta sali for di e punto di salida …….Si oposicion tanto Dem Real y MEP a hiba un campanja cu ta gracias na nan e  fascilidad na San Nicolas lo worde habri bek….cu esaki lo ta pone cu ni maske ki malo  tin den e acuerdo aki….nan of un parti di nan lo ta forza pa vota PRO e projecto di apertura di un UPGRADER.

Na e momento aki partido PPA a logra hanja un copia di e conseho di Raad van advies for di cual nos kier a cita e capitulo cu ta referi na e ‘risico cu Aruba’ lo mester carga den e projecto aki. Esaki contrario na hopi den pueblo cu a kere cu aki ta bin un PDVSA/CITGO cu lo bai inverti …y cu lo NO tin risico pa pais Aruba. Ata Aruba dilanti un Aventura grandi di ‘risico’ esta garantia atrobe ….anto hopi hopi mas cu e aventura di pasado pa cual pueblo ta pagando anualmente un 18 million florin ainda.

E  capitulo aki…..PPA ta referi na schema 3.  Financiele risico’s Land CITGO-deal.

1. Garantia di pais Aruba den nomber di ‘Refineria di Aruba’  direccion CITGO si acaso ‘Refineria di Aruba’ no por cumpli cu su obligacionan.  Aki ta trata un garantia di minimal $ 300 million dollar cual ta f. 540 million florin y no tin ningun indicacion kiko lo ta e maximum/plafond. ‘Raad van advies ta bisa textualmente’garantie is minimaal  300 mln en maximaal onbegrensd’.
2. Un garantia di  Land Aruba direccion pa CITGO pa stabilidad di locual ta worde jama e ‘kader juridico’…..aki tambe Raad van advies ta bisa y nos ta cita: ‘Orde van financiele impact voor het Land hiervan is onbegrensd.’
3. Gastonan di desmantelaccion  na final di e termino. E gastonan di desmantelaccion  na final di e termino ta pa 50 % riba cuenta di pais Aruba. ‘onduidelijk is hoe groot deze kosten zullen zijn voor Land’.
4. Gastonan di limpieza…. E gastonan aki ta completamente riba cuenta di pais Aruba. No ta conoci con hopi e gastonan aki lo ta….solamente ta conoci cu Aruba lo tuma over e  ‘fondo di 21.6 million florin.  Raad van Advies a referi cu na Corsow e gastonan aki por jega e suma di 1,5 billion florin…..

Cu otro palabra e ‘risico’ pa pais Aruba den e asina jama reapertura di nos fascilidad  den un upgrader ta hopi hopi mas cu majoria di pueblo por a imagina nan mes. Y ainda e dolornan di e ultimo aventura di AVP e asina jama ‘garantieproblematiek’ ta bibo bibo….!!  E pregunta ta si pais Aruba kier core risico den e negoshi di crudo …cu ta un negoshi ‘capitalista’ …locual presupuesto di pais Aruba un Isla chikito no ta !!

PPA kier informa nos pueblo cu na promer lugar PPA a keda descepciona ora nos a comprende cu no ta trata apertura di nos refineria manera nos a conocele, pero basa riba informacion poni riba e portal di CITGO petroleum su webpage….cu aki ta trata ‘transforma den un upgrader’. Y un upgrader tin totalmente un otro tarea cu un refineria. Hasciendo nos ‘huiswerk’ PPA a hanja sa cu e apertura di un upgrader pa procesa   e  ‘extra heavy crude’ di Venezuela cu ta trata asina jama ‘by-products’ cu por crea hopi mas cancer cu ora tin un refineria. PPA kier referi na  e upgraders na Alberta, Canada cu ta worde jama ‘cancer alley’ y na Orinoco, Venezuela unda tin problema cu cancer y problema cu nan ‘longnan’ respitory problems.

Pero awor a bin acerca cu pais Aruba awor ta bai carga un risico/garantia pisa cual ta indica minimalmente un $ 300 million dollar/f. 540 million florin y maximalmente lo por bai core den algun BILLION dollar/florin cu algo bai robez, pueblo di Aruba awe, nos juinan majan y nos nietonan y hasta kizas nos bisanietonan lo mester carga e concecuencianan di e ‘deal’ cu CITGO pa cual min Mike de Meza, alias THE MESS.  Aparentemente hopi a lubida cu Ministro Mike de Meza ta responsabel pa e crisis financier/deba nacional bao di cual pueblo di Aruba ta sufri……….Cu Ministro Mike de Meza ta responsabel pa e lista di medida cu ta riba lomba di pueblo……Cu Ministro Mike de Meza ta responsabel pa e consecuencianan di ‘hedging’ pa cual pueblo ta pagando e prijs………!! No ta por nada cu pueblo a duna   min  Mike de Meza cu e titulo ‘Mike THE MESS’…!!  

Awor PPA mester constata basa riba e poco informacion menciona den e conseho di Raad van Advies ….cu Min Mike de Meza alias THE MESS a duna honor na su nomber den e acuerdo cu CITGO/VALERO/PDVSA ……Mike de Meza a crea OTRO MESSS…….PPA kier a termina cu e palabranan ‘WHAT A MESS’…..Anto pueblo tin di paga e prijs aki atrobe …anto pa alrededor di  30 anja !! Awor nos ta comprende pakiko Ministro Presidente Mike Eman kada vez ta declara cu Min Mike de Meza ta carga e honor di e acuerdo aki ta dje E ta ……!! PPA a declara kaba cu na momento cu un EMAN dunabo credito….wak bon rond di bo ……..pasobra e consecuencianan ta pabo tambe…!! PPA ta spera cu miembronan di parlamento hasi nan trabao ……y cuestiona y acuerdo aki  fuertemente….!! Den un otro articulo PPA lo bin cu mas pensamento riba e aventura aki  di AVP den cual kier hinca Aruba.

Aruba, 22 di September 2016                                        Lider Politico di PPA

                                                                                           BENNY NISBET

Expresionnan haci den e articulo aki no necesariamente ta refleha opinion di ArenaPoliti.co