{idkey=6911b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4155-benny-nisbet-ppa-parlamento-no-mester-trata-posibel-projecto-upgrader-bao-di-pression%3FItemid%3D101][title=Benny+Nisbet+%28PPA%29%3A+%E2%80%98Parlamento+no+mester+trata+posibel+projecto+%E2%80%98upgrader%E2%80%99+bao+di+pression%E2%80%A6%21%E2%80%99][desc=Refineria%2F+Upgrader%3AE+siman+aki+parlamento+di+Aruba+lo+mester+discuti+e+acuerdonan+cu+ta+ensera+un+posibel+re-apertura+di+nos+fascilidad+conoci+como+%E2%80%98refineria%E2%80%99+na+San+Nicolas+pero+como+un+%E2%80%98Upgrader%E2%80%99.+E+hecho+cu+lo+tin+un+%E2%80%98transformacion%E2%80%99+for+di+un+refineria+pa+un+%E2%80%98Upgrader%E2%80%99+e+propio+CITGO+Petroleum+Corporation+a+anuncia+esaki+riba+su+webpage+fecha+11+di+juni+2016.+Awor+e+pregunta+un+Upgrader+ta+mescos+cu+un+refineria+%3F+Contesta+ta+%E2%80%A6NO%E2%80%A6.un+refineria+ta+procesa+materia+bruto+d]}
Refineria/ Upgrader:

E siman aki parlamento di Aruba lo mester discuti e acuerdonan cu ta ensera un posibel re-apertura di nos fascilidad conoci como ‘refineria’ na San Nicolas pero como un ‘Upgrader’. E hecho cu lo tin un ‘transformacion’ for di un refineria pa un ‘Upgrader’ e propio CITGO Petroleum Corporation a anuncia esaki riba su webpage fecha 11 di juni 2016.

Awor e pregunta un Upgrader ta mescos cu un refineria ? Contesta ta …NO….un refineria ta procesa materia bruto dentro di productonan di valor. Nos ta cita….” A refinery is a production facility …refining certain materials or converting raw material intro products of value.

Un Upgrader ta un facilidad cu ta mehora bitumen(exta heavy oil) into synthetic oil. Cu otro palabra un UPGrader ta hasi di e ‘extra heavy oil’ tambe jama ‘tar of lodo’ y cual no por pasa den pipanan pasobra e no por core…esta e no ta ‘vloeibaar’. E proceso cu un Upgrader ta hasi ta cu e ta crea ‘synthetic oil’ for di djele…….esta su proceso ta resulta den hasciele ‘ vloeibaar’

Despues cu e Upgrader termina su trabao y a hasciele vloeibaar e ta worde manda pa un refineria cu ta bai procesele y crea ‘productonan di valor’ for di djele.

Light crude……..Heavy crude……Extra heavy crude of Bitumen…??

E sigiente concepto cu ta bon pa nos pueblo comprende ta e kiko realmente nan kiermen cu e conceptonan aki. Light crude y heavy crude in general por pasa door di pipa….nan ta ‘vloeibaar’ nan ta synthetic…..pero e ‘extra heavy crude y tambe locual ta worde jama bitumen’ NO ta….!! Pesey nan ta worde jama tambe ‘tar of simpelmente ‘thick sludge of mud’.

Awor pa logra hasi e ‘thick sludge/mud/tar’ synthetic of ‘vloeibaar’ e mester pasa door varios posibel proceso esta ‘seperation’, ‘De-asphalting’, ‘cracking’ y/of ‘Hydrotreating’ e ultimo aki ta worde ejerce pa saca e ‘sulphur’ for di djele of pa baha e nivel di nitrogen.

Awor Aruba su refineria e.p. a worde construi pa procesa e ‘heavy crude’ venezolano den curso di tempo !! Sinembargo aki ta worde hasi e eror di pensamento. Esta cu ora ta trata un Upgrader cu lo sigui procese e crudo venezolano conoci como sea ‘light crude of heavy crude’ cu engeneral tabata bin di Lago di Maracaibo. No aki ta trata ‘extra heavy crude’ cual NO ta di Lago di Maracaibo pero ‘extra heavy crude’ cual ta bin di ‘Orinoco, Venezuela’ y ta hopi pero hopi mas pisa cu locual ja kaba tabata pisa cu e refineria di Aruba tabata procesa. Pero e locual ta bai bin awor ta asina pisa cu e refineria di Aruba dentro di su structura cu e ta NO por procesele….pasobra simpelmente aki ta trata di LODO…TAR….sludge…mud…….kiko cu bo kier jamele!! Pesey dentro di e projecto presenta pa gobierno y Citgo y publica riba e portal di Citgo Petroleum ta worde anuncia cu e fascilidad na Aruba lo worde ‘transforma’ for di un refineria pa un UPGRADER…!!!

UPGRADERS…..con nan ta conoci den mundo…??

Den mundo tin un par di caminda cu ta conoci pa nan ‘upgraders’….esnan mas conoci ta Alberta Canada y Orinoco Venezuela…! Awor e pregunta ta …Con nan ta conoci ?? E compania cu ta exploita nan en general no ta publica e parti menos positivo dje fascil ey. Pero grupo/instancianan cu ta opone e exploitacion aki si.

Na Alberta Canada….e sitio unda tin majoria Upgrader a bira conoci como ‘Cancer Alley’ !! Y tin varios publicacion unda pueblo canades ta cuestiona e consecuencianan di upgraders y nan productonan riba naturaleza y salud publico. PPA ta referi na publicacionan cu e sigiente titulo: “ Alberta’s Oil legacy: Bad Air and Rare Cancers”.

Na Orinoco Venezuela….aki no ta worde publica e informacion fascilmente…pero aki tambe e pueblo cu ta biba den vecindario unda e ‘extra heavy crude’ ta worde saca y procesa a cuminsa grita y sclama pa e posibel consecuencianan. PPA ta cita lo sigiente:

“Perhaps the information in the report of greatest concern relates to the levels of pollutants at the Jose Antonio Anzoategui industrial complex, which houses the 4 upgraders that process the crude from the Belt (Orinoco) along with other related petro-chemical industries.

Some pollutants appear to be above the legal limit. Pollution due to the production of coke(petcoke) and sulphur waste from the upgrading process appears to be AN ONGOING PROBLEM at the Jose Antonio Anzoatigui industrial complex.

“There were complaints by the inhabitants of villages near to the Jose Industrial Complex that they are suffering respiratory problems and allergies due to the waste products.

‘Additional, the report warns of the ‘enormous environmental and social risks associated with the development of oil and gas mega projects (including further development of the Orinoco Belt), about which there was a lack of adequate public information regarding the environmental and socio-cultural standards that were to be applied”.

Futuro na San Nicolas y posiblemente mas leeuw ????

Awor si e uso di Upgraders pa procesa ‘extra heavy oil y/or bitumen’ a y ta causa ‘cancer’ y hopi otro tipo di ‘respitory problems’ tanto na Canada como na Venezuela….e pregunta di PPA ta …Kiko Aruba y muy enespecial San Nicolas por spera ??

E gritunan di cierto politico ….cu e apertura di un Upgrader lo ta tremendo pa nos Economia ..cu nos mester di un segundo pilar….y cu nos juinan di tera lo hanja trabao…..NO ta para banda di e problemanan riba tereno di ‘salud publico’ cu esaki lo por causa of lo bai causa !!!

Kiko lo worde hasi pa principalmente minimalisa e effectonan riba ‘salud publico’ di e trajadornan na prome lugar ….sigui pa pueblo di San Nicolas y vecindario ?? Ta bai warda pa San Nicolas bira conoci como ‘cancer district of Aruba” ?? Y si nos lesa e rapport di Raad van Advies cu ta indica cu Gobierno di Aruba mester garantisa cu e situacion economico di CITGO ARUBA na tur momento mester keda ‘igual’ esey pa PPA kiermen….cu TUR pero TUR maneho y Ley cu por worde impone riba CITGO ARUBA mester ta ‘in place’ y conoci for di prome cu e ‘UPGRADER’ officialmente cuminsa traja !!

PPA no ta bisa esaki pa crea ningun impression cu nos PPA lo ta ‘pro’ un upgrader……NO pueblo a worde priminti re-apertura di un refineria…y esey NO ta locual ta tumando lugar. Sinembargo si tin un majoria di asina jama ‘representante di pueblo’ ta cla pa vota pa un upgrader ….anto miho TUR MANEHO y TUR LEY ta ‘in place’ di e prome dia….y pa tal motibo PPA ta pidi parlamento pa NO trata e acuerdo aki cu ningun pura…….Pa expande e hora cu miembronan di parlamento ta hanja pa hiba palabra…..y pa conjuntamente suspendi reunion hora cu junto mester studia un capitula di e totalidad….p.e. e capitulo financiero…..e capitulo economico…..e capitulo Legal…..e capitulo di salud publico etc etc.

PPA ta sirbi pais y pueblo di Aruba na prome lugar. Nos PPA ta pro apertura di nos refineria como refineria y cu preferiblemente un ‘cat-cracker’ …pero PPA ta cuestiona severamente si un Isla chikito manera Aruba cu ta depende pa 90 % di turismo …..lo mester tuma un ‘Upgrader’ cu su waste/by products como alternativa… Un vez mas esey no kiermen cu Aruba nunca no a conoce pet-coke of sulfure claro cu si…..e pregunta si nos ta realisa e cantidad di ambos product cu un Upgrader ta larga atras….?? Segu PPA esaki lo affecta nos turismo seriamente den futuro y segur stroba desaroyo turistico na San Nicolas y vecindario …y affecta salud di pueblo probablemente tambe anto seriamente !!

PPA lo bin bek cu mas informacion riba e topico aki !!

Aruba, 25 di September 2016
Lider Politico di PPA
BENNY NISBET

Expresionnan haci den e articulo aki no necesariamente ta refleha opinion di ArenaPoliti.co