{idkey=6321b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4263-parlamentario-marlon-sneek-avp-reapertura-di-refineria-ta-positivo-pa-aruba%3FItemid%3D101][title=Parlamentario+Marlon+Sneek+%28AVP%29%3A+Reapertura+di+refineria+ta+positivo+pa+Aruba%21][desc=E+echo+cu+refineria+ta+habri+su+porta+nan+back%2C+lo+tin+su+efectonan+super+positivo%2C+tanto+pa+Aruba+como+pa+San+Nicolaas+en+particular.+Loke+ta+hacie+mas+positivo+ainda%2C+ta+e+echo+cu+despues+di+mas+di+90+a%C3%B1a%2C+pueblo+di+Aruba+por+bisa+nos+tin+un+refineria%2C+e+refineria+a+bira+propiedad+di+pais+Aruba.+Ora+cu+e+refineria+ta+den+operacion+esaki+lo+representa+15%25+di+nos+econom%C3%ADa.+Mester+bisa+cu+pa+loke+ta+keda+di+a%C3%B1a+aki%2C+lo+bay+mira+un+crecemento+economico+di+no+menos+cu+5.7%25+como+efecto+di+e+reape]}
E echo cu refineria ta habri su porta nan back, lo tin su efectonan super positivo, tanto pa Aruba como pa San Nicolaas en particular. Loke ta hacie mas positivo ainda, ta e echo cu despues di mas di 90 aña, pueblo di Aruba por bisa nos tin un refineria, e refineria a bira propiedad di pais Aruba. Ora cu e refineria ta den operacion esaki lo representa 15% di nos economía.

Mester bisa cu pa loke ta keda di aña aki, lo bay mira un crecemento economico di no menos cu 5.7% como efecto di e reapertura di e refineria. Mester corda cu e impacto lo ta positivo pa nos fondo nan social, esta e fondonan di AOV y AZV lo bira mucho mas fuerte. E reparetura di e refineria simplemente, ta garantisa nos di dos pilar economico, banda di turismo, hunto nan lo bay produci entradanan substancial pa Aruba. Banda di esaki e tin un impacto positivo riba e situacion social y di salud di nos poblacion. Ta importante pa nos recorda cu  nos sistema di pensioen AOV, ta wordo carga pa e trahado activo pa medio di e prima cual nan ta paga tur luna. E prima aki ta bay den e fondo nan di S.V.B, cual fondo ta wordo usa pa paga entre otro nos pensionado nan. Tambe e fondo nan aki ta garantisa nos fondo di sesantia, e fondo di males di S.V.B. Mester corda cu ultimo aña nan nos fondo di pensioen tabata bou di hopi precion, paso Aruba tambe a han’e enfrenta cu “vergrijzing”,  esaki ta ora e grupo di esnan cu mester cobra ta crece y grupo di trahadonan cu mester contribui na e fondonan ta bahando. E hecho cu ta bay haya 3000 persona mas cu ta bay haña trabou y sucesivamente por contribui cu e primanan di AOV, di e forma aki juda fortifica e fondo mas ainda. Mirando e  ahustenan cu nos a haci caba, pa loke ta e fondonan di pensioen di S.V.B mester bisa cu e contribucion di e refineria lo bay consolida e fondo mas ainda. Pesey mester bisa cu nos ta hopi contento cu e impacto cu e refineria lo tin riba e Fondo di Pensioen pa nos grandinan. Banda di esaki mester bisa, cu mirando e echo cu nos seguro general esta AZV cual ta traha den un forma paresido na  esun di AOV. Caminda cu tur ciudadano na Aruba tin acceso na dje, pa medio di un  carchi. Esaki ta nifica cu e cantidad di hendenan cu ta traha y cu ta contribui via di primanan of BAZV, lo percura cu tin suficiente fondo pa por sigui garantisa e cuido cu AZV ta brinda. Awor cu tin mas o menos 3 mil persona adicional, lo yuda na consolida e fondo di AZV esaki ta otro contribucion importante. E refineria lo bay contribucion tambe, cu Loonbelasting, Winstbelasting y e primanan, esaki nan ta wordo calcula na 90 miyon florin pa aña. Banda di esaski lo tin contribucion adicional na un lease di $10 Miyon dollar annualmente pa un periodo di  tres aña, despues di e 3 aña nan e lease lo subi na 18.5 Miyon dollar. Banda di esaki ainda tin un ‘profit tax’ di 10 Miyon dollar si haci ganashi of no. Si nan haci ganashi, e ‘profit tax’ tambe ta bira mas.

Expresionnan haci den e articulo aki no necesariamente ta refleha opinion di ArenaPoliti.co