{idkey=2704b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4832-benny-nisbet-ppa-contribuiccion-di-ppa-na-e-solucion-di-e-crisis-den-centro-di-oranjestad%3FItemid%3D101][title=Benny+Nisbet+%28PPA%29%3A+Contribuiccion+di+PPA+na+e+solucion+di+e+crisis+den+centro+di+Oranjestad%21%21][desc=Anja+2017+a+inicia+y+un+di+e+prome+topico+cu+merece+di+ta+riba+agenda+di+Conseho+di+Ministro+y+parlamento+di+Aruba+ta+%E2%80%98Oranjestad+nos+capital%E2%80%99+esta+e+centro+di+Oranjestad+muy+enspecial.E+maneho+fatal+di+gab+Mike+Eman%28AVP%29+y+x+ministro+Otmar+Oduber%28P.O.R%29+a+causa+suficiente+danjo+na+nos+capital+Oranjestad.PPA+ta+cuminsa+reconoce+cu+gab+Mike+Eman+a+inverti+basta+finanzas+den+Oranjestad+contrario+na+otro+districto+cu+a+ricibi+masha+poco+mes+..+%E2%80%A6hasta+PPA+ta+projecta+esaki+como+mas+cu+2000+mil]}
Anja 2017 a inicia y un di e prome topico cu merece di ta riba agenda di Conseho di Ministro y parlamento di Aruba ta ‘Oranjestad nos capital’ esta e centro di Oranjestad muy enspecial.

E maneho fatal di gab Mike Eman(AVP) y x ministro Otmar Oduber(P.O.R) a causa suficiente danjo na nos capital Oranjestad.

PPA ta cuminsa reconoce cu gab Mike Eman a inverti basta finanzas den Oranjestad contrario na otro districto cu a ricibi masha poco mes .. …hasta PPA ta projecta esaki como mas cu 2000 million esta 2 billion di florin na Oranjestad. Oranjestad berdad a hanja un inversion enorme pero na mes momento Oranjestad nos capital no a hanja un bida manera el a merece despues di un inversion asina.

Pakiko ? Di con ? Unda gab. Mike Eman a faya anto ?

Esaki a consecuencia di algun decision unda otro interes a worde mara na e funcionamento di Oranjestad como nos capital. Gab. Mike Eman cu x ministro de Mezaalias the Mess como ministro di Finanzas a hinca Aruba den un crisis financiero creando un debe nacional di otro mundo. Esaki a causa cu caha financiero di gobierno a keda sin suficiente fondo pa funciona. Basa riba esaki gab. Mike Eman (AVP) a tuma e decision pa pone un paro na e ‘subsidio’ cu gobierno ta duna anualmente na e compania di transporte publico esta Arubus. E Ministro principalmente responsabel pa e decision aki tabata Min Pres Mike Eman, Min Mike de Meza alias THE MESS y min Otmar Oduber encarga cu Arubus NV y Min di Finanzas sr. Bermudez. Esaki a pone cu x-ministro Otmar Oduber(awe P.O.R) a lanza e idea pa crea un ARU-PARKING na unda cu ARUBUS lo mester por logra fondo p/m di e idea aki. ARU-PARKING su meta a bira cobra pueblo pa parkeer nan auto den centro di Oranjestad pa despues move banda di e hotel grandi y seguidamente na Noord, Sta Cruz, Savaneta y San Nicolas unda cu lo por tin un concentracion di pueblo sea pa comercio of pa sitio unda gobierno ta duna servicio !! Pero e introduccion di Aru-parking den centro di Oranjestad a dal pueblo hopi duro esta cobra pueblo pa parkeer riba sitio cu a worde traha cu belasting di pueblo y pa colmo usa di un ‘klem’ pa klem propiedad di pueblo a causa un tsunami di malcontento !! ……Pueblo a stop di bai Oranjestad nos capital pa hasi nan ‘shopping’ y comercio a bira esun cu a worde seriamente perjudica !!

E introduccion di e ‘street-trolley’ na forma robez tambe a hasi danjo na e centro di Oranjestad !!

Y e decision pa ‘stop’ trafico den centro di Oranjestad esta nos caya grandi tambe tabatatin un effecto negativo riba Oranjestad nos capital !

Entodo caso cu tur e inversion den ‘Oranjestad nos capital’ e locual a desea di mira esta un movicion di henter contento bishitando nos capital tanto local como bishitante no a tuma lugar. Manera PPA ta menciona hopi ciudadano no ta bishita Oranjestad y esnan cu bishitele ta hasi esaki den un pura di otro mundo…nan kier sali for di Oranjestad pa kaba e pensamento di nan auto geklem ta enforsa e pensamento aki.

Awor cu anja 2017 a habri …PPA ta exigi pa gab Mike Eman (AVP) tuma e sigiente decisionan:

Esaki como soluccion pa e epoca ‘scur’ di ‘Oranjestad nos capital’.

1. Ta ELIMINA e tarea di Aru-parking inmediatamente ! Cu esaki ta prohibi e uso di ‘klem’ den cualkier forma riba e isla di Aruba !! Ta prohibi pa e tarea di Aru-parking por bai pa cualkier otro sitio riba nos Isla. Un punto final na e capitulo scur aki !!
2. Ta introduci un tarea positivo pa Aru-parking esta un ‘Aru-guide & Information Service’ pa juda nos pueblo como nos bishitante cu informacion durante e bishita pa Oranjestad. E personal cu antes ta pone boet y klem lo mester hanja un adaptacion di nan tarea den ‘historia’ di Aruba y naturalmente e historia y desaroyo di Oranjestad pa nan por duna e informacion na pueblo y bishitante.
3. Gobierno lo mester duna D.O.W e instruccion pa inmediatamente crea un plan pa un ‘plaza’ na final di Caya G.F. Croes net p’ariba di x Niki Habibe…un plaza cultural na unda lo bende souvenir, arte, cultura y presente nos folklore den tur su faceta. Esaki pa hasciele atractivo pa turista baha na final di caya tambe !!(anotacion…..tuma un ejempel di con un ambiente positivo tin rond di ‘djiespi’s diabierna atardi).
4. Na mes momento gobierno en cooperacion cu Mambo lo mester presenta un plan di mercadeo pa e ‘centro di Oranjestad’ na tur instancia envolvi den e ‘mercadeo y sales’ di Aruba como destinacion turistico y e linea di barco turistico cu ta sirbi nos pais !!
5. Gobierno di AVP lo mester realisa cu nan NO a presenta nunca ningun vision di con e gobierno Eman ta mira desaroyo di Oranjestad y como tal maske ta hopi laat gab Mike Eman (AVP) mester presenta un ‘vision’ pa desaroyo di Oranjestad y den cual parti di Oranjestad gobierno lo prefera di mira cierto desaroyo p.e. commercial, turistico y financiero. Gobierno lo por ofrece un pakete di incentivo fiscal tambe pa logra e vision aki ! Como tal Consejo di Ministro lo mester tuma un decision pa un comission di gobierno, MAMBO y/of otro instancia comercial pa traha un vision asina …pa jena e vacio awor cu gobierno di AVP a faya barbaramente casi ocho anja largo.

Esaki ta un par di idea di PPA cu lo por contribui na un solucion pa ‘Oranjestad nos capital’ e Centro di Oranjestad y nos Caya grandi commercial/turistico pa nos lubida nos mundo financiero !! Nos pueblo mester realisa e importancia di ‘Oranjestad como nos capital’ pa nos Isla, nos pueblo pero mas ainda como un destinacion turistico den Caribe. Pesey PPA tin nos vision pa inverti den un vision/projecto di un Aruba World Trade Center pa expande y accentua e ‘rol’ cu Oranjestad nos capital ta junga den nos economia arubano. PPA lo bin bek riba esaki den futuro.

Aruba, 7 januari 2017
Lider Politico di PPA
BENNY NISBET

Expresionnan haci den e articulo aki no necesariamente ta refleha opinion di ArenaPoliti.co