{idkey=9113b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5346-remigio-wever-ex-director-ata-mientras-cu-otmar-oduber-y-e-dos-mike-nan-eman-y-de-meza-a-destroza-nos-turismo-e-industria-aki-ta-sigui-prospera-y-florece-den-henter-resto-di-caribe-ta-na-aruba-so-esaki-no-ta-e-caso%3FItemid%3D101][title=Remigio+Wever+%28ex-director+ATA%29%3A+Mientras+cu+Otmar+Oduber%2C+y+e+dos+Mike-nan%2C+Eman+y+de+Meza%2C+a+destroza+nos+turismo%2C+e+industria+aki+ta+sigui+prospera+y+florece+den+henter+resto+di+caribe%3B+ta+na+Aruba+so+esaki+no+ta+e+caso%21%21][desc=E+%26amp%3Bnbsp%3BCRISIS+%26amp%3Bnbsp%3BGRANDI+%26amp%3Bnbsp%3BDEN+%26amp%3Bnbsp%3BNOS+%26amp%3Bnbsp%3BTURISMO+%28parti+13%29.%26amp%3Bnbsp%3BATA+%26amp%3Bnbsp%3BAKI+%26amp%3Bnbsp%3BE+%26amp%3Bnbsp%3BGANADORNAN%3A%26amp%3Bnbsp%3BTurismo+pa+Turks+%26amp%3Bamp%3B+Caicos%2C+Belize%2C+St.+Lucia%2C+Antigua+y+Barbuda%2C+Jamaica%2C+Republica+Dominicana%2C+e+costa+Caribense+di+Mexico+y+Cuba%2C+tur+ta+desaroyando+nan+mes+y+ta+floreciendo+fantasticamente.+Con+por+ta+otro+si+cerca+nos+competidornan+aki+inversionistanan+ta+construyendo+e+hotelnan+di+mas+bunita+y+di+mas+fabuloso%2C+y+esaki+den+nan+mayoria+cu+capital+Spa%C3%B1o%2C+Arabe%2C+Chine]}
E  CRISIS  GRANDI  DEN  NOS  TURISMO (parti 13). 

ATA  AKI  E  GANADORNAN: 
Turismo pa Turks & Caicos, Belize, St. Lucia, Antigua y Barbuda, Jamaica, Republica Dominicana, e costa Caribense di Mexico y Cuba, tur ta desaroyando nan mes y ta floreciendo fantasticamente.
Con por ta otro si cerca nos competidornan aki inversionistanan ta construyendo e hotelnan di mas bunita y di mas fabuloso, y esaki den nan mayoria cu capital Spaño, Arabe, Chines y Mericano.
Durante e ultimo 10 añanan e producto hotelero a cambia substancialmente, y awendia TUR COS den cualkier hotel moderno ta hopi diferente, compará cu e producto hotelero di añanan 60 y 70 di siglo pasá (!!), manera esaki, pues e producto hotelero, tabata ser ofrecí door di cadenanan renombrá di e tempo ey, manera Holiday Inn, Hilton, Sheraton y InterContinental.
Realidad ta cu awor ya a pasa pa historia e cambernan minisculo di 28 meter cuadrá, e tapijtnan vies, e “wall-to-wall carpeting” den e cambernan, e bañonan chicito cu un combinacion di ducha (douche) y bañera (badkuip).
Ya bo no ta weita mas e balconnan chicito, bashí y sin gracia, tampoco e pasiyonan smal y pretá entre e cambernan, of e coffeeshopnan estupido y e restaurantnan “all-purpose” (restaurantnan chapo y ya for di moda, sirbiendo desayuno, almuerzo y cena, y cu ainda lo bo topa na gran cantidad den nos hotelnan anticuá, contrario na e hotelnan nobo y moderno, cu nan restaurantnan sirbiendo especialidadnan, manera un “bistro” cu su especialidadnan Frances; un restaurant “all-purpose” lo desea di ta tur cos pareu, pero no tin e capacidad at all pa esey), cu a lo mejor ta sirbi platonan hopi mediocre, acompañá ademas pa un servicio malo y poco amistoso.
E areanan di recepcion (“lobby”) y e frontdesknan cu rijnan largo di espera, tambe ya a pasa pa historia.

E  PRODUCTO  HOTELERO  NOBO  Y  MODERNO.
E producto hotelero nobo, moderno, particularmente den e asina yama “resort-hotel”-nan (hotel unda e huesped ta pasa su vacacion durante 1 of 2 siman, contrario na un hotel comercial), ta consisti entre otro di “jr. suites”, siendo e cambernan di mas chicito di 61 m2, y ademas e suite-nan regular mes, vilanan, pabeyonnan y condominionan estilo penthouse condo’s, tur cu nan propio facilidadnan di cushina, mobilario di camber “residencial” (mobilario cu ta inspira trankilidad manera cu lo bo kier tin e den bo propio hogar, cu colornan neutral, hopi gris, y en todo caso no tropical “bruto” manera antes un camber tabata wordo prepará cu colornan fel manera blauw, berde y corá ), vloernan cu marmol (marmer), e azulehonan di mas bunita, of otro material moderno, bañonan grandi cu un baño di spa apart, balconnan completamente ekipá (“ingericht”) cu e mobilario di pafor di mas bunita, PLUS cu un asina yama “sky pool” (piscina, parti di e balcon, cu ta parce manera e ta “zweef”), aparatonan di television smart, aparatonan tablets, sistemanan di entretenimento pa musica y pelicula segun e gusto individual, suitenan “swim-up” (cu acceso via rio cu e piscina), restaurant-nan cu ta ofrece experiencianan culinario fascinante, y cushinanan “fusion” (cushinanan cu ta mescla diferente manera di preparacion cu otro, por ehempel e cushina Frances cu e cushina Japones/Chines) cu nan chief-cooknan di calidad Celebrity y Star, marina-nan (facilidad di mara yatenan na pier) y yacht club-nan, e mihor spa-nan, camanan y sobre-camanan y lakennan di un calidad supremo, piscinanan gigantesco, servicio di butler, y areanan di recepcion (“lobby”) cu a bira centronan di entretenimento.
E ideanan tras di diseñonan di hotelnan, nobo y moderno, ta fascinante, pero aki na Aruba ainda nos a keda sintá cu un producto hotelero totalmente anticuá di siglo pasá, mientras cu tur rond di nos e hotelnan di mas fantastico y fabuloso ta wordo construí ……. ainda bo ta haya straño y inexplicabel cu Aruba ta keda leu atras pa motibo di un serie di hotelnan desechá y di categoria dos of tres??
Wel, ami si no!!!

UN  POTRET  TA  PAPIA  MAS  CU  MIL  PALABRA!
Bisando esey, lagami mustra nos lectornan algun ehempel di magno inversionnan nobo den area di Caribe..... y tur esaki ta socede bao di nos nanishi……y no ta capta atencion di nos ilustre ministernan, sea cu nan ta carga nomber di Mike Eman, di Otmar Oduber, of di Mike de Meza; sea nan no sa di e situacion aki, of –pio ainda – no ta importanan un bledo, y no ta interesanan......y nan no tin y no ta tuma tempo pa esaki tampoco! ……..e propio interesnan y e propio saco tin prioridad, ta pa esaki so nan lo tin tempo!!

Permitimi reproduci potret- y descripcionnan di inversionnan nobo cerca nos competidornan, manera esakinan a wordo presenta door di e partidonan envolvi, manteniendo tambe e idioma Ingles pa no riska perde ningun particularidad di e proyectonan.

Remigio A. R. Wever
Ex-director ATA
(Eventual reaccionnan semper ta bonbini via e-mail:
This email address is being protected from spambots. You need JavaScript enabled to view it.)

1. A major new hotel is coming to the Xcaret Park eco-destination on Mexico’s Caribbean coast.
2. The long-awaited Baha Mar resort project in the Bahamas has finally gotten its certificate of occupancy.The long-awaited Baha Mar resort project in the Bahamas has finally gotten its certificate of occupancy.
3. A major new resort project has broken ground in Antigua and Barbuda: Callaloo Cay.
4. The Pointe, the $200 million project in downtown Nassau, has officially broken ground on a seven-acre waterfront site.
5. The new Kimpton Resort in Antigua
   
   
   
   

Expresionnan haci den e articulo aki no necesariamente ta refleha opinion di ArenaPoliti.co