{idkey=8123b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F877-rene-herde-avp-falta-di-vision-no-ta-hustifica-micromanagement-for-di-den-haag%3FItemid%3D101][title=Rene+Herd%C3%A9+%28AVP%29%3A+Falta+di+vision+no+ta+hustifica+%26quot%3Bmicromanagement%26quot%3B+for+di+Den+Haag][desc=PARLAMENTO+HULANDES+KIER+%26quot%3BMICRO-MANAGE%26quot%3B+FOR+DI+DEN+HAAG%26amp%3Bnbsp%3B+%26quot%3BE+gobierno+y+Parlamento+Hulandes+te+awe+no+a+presenta+un+vision+pa+mehora+algo+den+Reino+Hulandes.+Nan+no+kier+a+sigui+cu+e+maneho+cu+tabata+tey%2C+pero+nan+no+a+presenta+nada+nobo+na+beneficio+di+Reino+tampoco.+Al+contrario.+Nan+a+concentra+riba+e+situacion+di+crisis+na+Hulanda+y+a+purba+hinca+e+paisnan+di+Reino+den+Caribe+den+un+corset+di+%26quot%3Bone+DUTCH+size+fits+all%26quot%3B.+Nan+a+scohe+pa+purba+regla+tur+cos+for+di+Den+Haag.+Enbez+di+crea+cua]}
PARLAMENTO HULANDES KIER "MICRO-MANAGE" FOR DI DEN HAAG 

"E gobierno y Parlamento Hulandes te awe no a presenta un vision pa mehora algo den Reino Hulandes. Nan no kier a sigui cu e maneho cu tabata tey, pero nan no a presenta nada nobo na beneficio di Reino tampoco. Al contrario. Nan a concentra riba e situacion di crisis na Hulanda y a purba hinca e paisnan di Reino den Caribe den un corset di "one DUTCH size fits all". Nan a scohe pa purba regla tur cos for di Den Haag. Enbez di crea cuadronan legal y di maneho pa renoba Reino pa un siglo nobo, nan kier "micromanage" for di Den Haag. Locual nan no por y no ta nan tarea." Asina Rene Herde a duna di conoce. Siman pasa Parlamento Hulandes a bolbe trata di crea un organo nobo pa atende cu asuntonan di integridad na Corsow y Sint Maarten. Y nan kier hinca Aruba aden tambe. E asina yama "integriteitskamer" cu nan kier crea ta algo nobo y un ehempel mas di parlamentarionan cu no tin nada di haci y ta busca fama door di haci 'tof' cu asuntonan cu no ta concerni nan.

SOLUCION ENBEZ DI CONFUCION
Rene Herde': "Enbez di malusa e articulo den Statuut cu ta duna Hulanda e responsabilidad pa cuido di bon gobernacion den caso cu e paisnan Aruba, Corsow y Sint Maarten no haci'e bon, lo ta miho pa e parlamentarionan aki yuda crea maneho pa fortifica y mehora bida den tur pais di Reino uta necesario. Loke tin awor aki ta accionan di algun miembro di parlamento pa crea confusion enbez di yuda busca solucion. Un solucion cu sigur ta traha ta pa reforsa e capacidad di e tres paisnan pa nan mes atende cu asuntonan di integridad, finansa publico, siguridad pa derechonan humano, salubridad, cuido di mucha, etc. Hulanda no por goberna e paisnan aki for di Den Haag manera den tempo colonial. E no a traha e tempo aya. E no ta traha awe."

MANEHO PA DESAROYO ENBEZ DI CONFLICTO
Loke nos ta wak ta sosode den Reino awor aki ta netamente loke nos no tabata kier. Loke tin awor aki ta un maneho di punta dede y crea conflicto. Loke nos ta boga pe ta un maneho cu ta stimula desaroyo y fortificacion riba tur tereno. Rene Herde': "E maneho hopi mas racional, efectivo y cu ta respeta Statuut, ta pa hunto desaroya e capacidad y conocemento cu falta den e paisnan di Reino. Algo cu sigur Aruba a pidi pe y lo sostene. Gobierno di Parlamento di Aruba ta convenci cu nos mes mester por atende cu tur asunto cu ta responsabilidadnan di un pais autonomo, democratico, responsabel y cu kier e miho riba tur tereno pa su hendenan. Un maneho asina pa Reino lo por door di fiha norma y metanan concreto riba tur tereno cu ta haya necesario. E normanan aki lo mester conta pa tur pais di Reino y hunto ta traha pa logra esakinan y sigura cumplimento cu nan. Nos a sugeri esaki por ehempel riba tereno financiero na mas cu ocasion, pa motibo di e discucion cu Hulanda riba maneho di finansa publico y desaroyo social y economico na Aruba. E desaroyo y maneho aki ta algo cu Pueblo di Aruba y su representantenan mes mester determina. No algun parlamentario sinta na Den Haag. Pa evita un discucion sin final, nos a sugeri pa hunto nos fiha normanan cu nos tur ta tene na dje y pa yuda otro pa cumpli cu nan. E sistema aki ta funciona cu organonan internacional riba tereno financiero y di husticia. Pakico e forma di traha aki no lo funciona den Reino. Ta e diferencia den forma di wak Reino y e boluntad pa haci'e ta stroba."  Segun Rene Herde' e forma di purba regla tur cos for di Den Haag y sin tene cuenta cu nos den otro parti di Reino, no a funciona y no lo funciona. Tampoco por goberna via KB y decretonan unilateral. Na Hulanda e forma di desicionnan aki ta wordo considera totalmente anti-democratico. Dicon serca nos si lo mester accepta esaki? Rene Herde':"No por sigui cu discucionnan sin final riba tur sorto di tereno sin un vision comun pa Reino. E unico cos cu e ta haci ta daña e relacionnan entre paisnan. Nos ta perde masha hopi tempo valioso, sin cu e ta hiba nos na solucion. Mester cambia e forma di traha aki y fiha norma y metanan pa henter Reino cu nos tur hunto ta traha pa realisa y mantene." Durante di e siguiente reunionnan entre parlamentonan di Reino na fin di mei awor, e tema aki lo mester wordo trata segun algun miembro di Parlamentonan di Aruba, Corsow y Sint Maarten.

Expresionnan haci den e articulo aki no necesariamente ta refleha opinion di ArenaPoliti.co