{idkey=3884b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2736-rene-herde-avp-dos-ana-tras-di-otro-caba-a-mustra-cu-e-presupuesto-ta-realistico%3FItemid%3D101][title=Rene+Herd%C3%A9+%28AVP%29%3A+Dos+a%C3%B1a+tras+di+otro+caba+a+mustra+cu+e+presupuesto+ta+realistico][desc=Contrario+na+e+conseho+di+Raad+van+Advies+y+CAFT+pero+si+manera+palabra%21%26amp%3Bnbsp%3B+Pa+dos+a%C3%B1a+tras+di+otro+gobierno+di+AVP+a+cumpli+cabalmente+cu+e+palabracionnan+riba+presupuesto+di+Aruba.+CAFT+y+Raad+van+Advies+den+tur+dos+a%C3%B1a+a+bisa+cu+e+presupuesto+no+lo+ta+realistico+y+cu+gobierno+no+lo+logra+e+metanan+cu+a+fiha+pa+presupuesto.+Sinembargo%2C+tur+dos+a%C3%B1a+tras+di+otro+a+logra+e+metanan%21+E+ana+aki+atrobe+e+dos+instancianan+a+bisa+cu+e+presupuesto+no+ta+realistico%2C+pasobra+gobierno+lo+a+calcula+e]}
Pa dos aña tras di otro gobierno di AVP a cumpli cabalmente cu e palabracionnan riba presupuesto di Aruba. CAFT y Raad van Advies den tur dos aña a bisa cu e presupuesto no lo ta realistico y cu gobierno no lo logra e metanan cu a fiha pa presupuesto. Sinembargo, tur dos aña tras di otro a logra e metanan! E ana aki atrobe e dos instancianan a bisa cu e presupuesto no ta realistico, pasobra gobierno lo a calcula e entradanan cu e tin cu haya e aña aki mucho halto. CAFT y Raad van Advies ta basa nan mes specialmente riba e echo cu segun nan e economia di Aruba no ta bay crece cu 3.8 % manera IMF a calcula. CAFT y Raad van Advies ta kere cu nos economia ta bay crece cu 3.5% so. Ta pesey nan a conseha gobierno pa busca mas entrada na balor di 45 miyon florin. Nan a conseha pa introduci e belasting nobo di ABB. E echo cu pa dos aña tras di otro gobierno ta cumpli cu e palabracionnan financiero ta wordo lubida. Gobierno atrobe a scohe pa NO bin cu niun medida, pero pa soluciona e reto aki di otro forma sin afecta pueblo.

2014-2015
Den 2014 gobierno a cumpli cu e conseho di cft y a pone casi 200 miyon florin mas den e fondo di pensioen di APFA pa e yega 100 cobertura di e pensioennan. Esey a hiba e presupuesto na un deficit mas halto. Si no ta pa esey e presupuesto lo tabata tin un deficit di alrededor di 5% manera tabata palabra! Na 2015 a fiha e meta di un deficit di 3.7%. Pa e aña ey tambe Cft y Raad van Advies a bisa cu e presupuesto no ta bay logra e deficit di 3.7%. Na fin di aña sinembargo e deficit riba e presupuesto a resulta manera planea: 3.7% manera palabra.

2016
Pa 2016 a palabra cu e deficit mester sigui baha te yega 2%. Atrobe CAFT y Raad van Advies a bisa cu nan no ta kere cu gobierno ta bay logra baha e deficit y pesey e presupuesto lo ta irrealistico. Gobierno a mustra con a logra su meta y palabracionnan aña tras di aña sin tuma medida. Pa 2016 gobierno di AVP a mustra cu e ta bay sigui baha gasto y aumenta entrada sin tuma medida, pasobra e ta bay cobra mas di e casi 2 BIYON florin cu tin riba caya. Kier men cu e no ta tuma niun medida, pero cobra belasting di e hendenan cu ainda no a paga nan belasting. Den e dos añanan cu a pasa ta asina a haya mas placa den caha di gobierno cu tabata tin calcula. E aña aki e strategia ta mescos. Nada di medida, pero si, cobra belasting cu companianan ya mester a paga caba di añanan atras.

REFINERIA
Den e calculacion di e presupuesto 2016 no a ni conta niun cen cu lo por haya si e refeneri a habri. Sin e refeneria ya caba lo cumpli cu e palabracion di sigui baha e deficit te yega 2%. Si e refeneria habri lo surpasa e meta aki, pasobra di entradanan extra cu lo haya. Sin conta cu e salarionan extra cu trahadornan lo haya y otro actividadnan economico rond di e refeneria.

CONCLUSION
No tin niun motibo pa kere cu e aña aki no lo yega na baha e deficit manera palabra. Al contrario. E aña aki lo por cumpli miho ainda cu e palabracionnan pa baha e deficit. Anto ainda sin conta cu apertura di e refeneria. Si esey sosode, e presupuesto lo ta mas realistico cu cualkier otro aña. E temor cu ta hiba na e grito pa baha mas gasto pa e motibonan concreto aki, no tin base real. Aruba ta sigui riba un bon caminda pa sali di e dobel crisis y su consecuencianan pa pueblo. Esaki ta e realidad y niun otro!

Expresionnan haci den e articulo aki no necesariamente ta refleha opinion di ArenaPoliti.co