{idkey=8160b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3530-mike-eman-nos-por-drumi-trankil-pasobra-e-reapertura-di-e-refineria-ta-un-realidad%3FItemid%3D101][title=Mike+Eman%3A+%E2%80%9CNos+por+drumi+trankil+pasobra+e+reapertura+di+e+refineria+ta+un+realidad%E2%80%9D][desc=Prome+Minister+Mike+Eman+den+celebracion+na+San+Nicolas+despues+di+firma+acuerdo.%26amp%3Bnbsp%3BORANJESTAD+%E2%80%93+Prome+Minister+Mike+Eman+cu+hopi+sentimento+di+emocion+a+dirigi+su+mes+na+e+publico+presente+dilanti+refineria+diabierna+anochi%2C+ora+cu+el+a+caba+di+yega+for+di+Venezuela+despues+di+a+firma+e+acuerdo+di+reapertura.+E+firmamento+na+Palacio+Miraflores+tabata+un+momento+importante+pa+yega+na+e+reapertura%2C+faltando+solamente+pa+e+acuerdo+wordo+aproba+door+di+Parlamento+di+Aruba.+%E2%80%9CNos+por+drumi+tra]}
Prome Minister Mike Eman den celebracion na San Nicolas despues di firma acuerdo. 

ORANJESTAD – Prome Minister Mike Eman cu hopi sentimento di emocion a dirigi su mes na e publico presente dilanti refineria diabierna anochi, ora cu el a caba di yega for di Venezuela despues di a firma e acuerdo di reapertura. E firmamento na Palacio Miraflores tabata un momento importante pa yega na e reapertura, faltando solamente pa e acuerdo wordo aproba door di Parlamento di Aruba. “Nos por drumi trankil awe nochi,” e mandatario a bisa. Y a cu esaki tabata posibel pasobra e Gobierno a wordo guia door di nos Creador.

Na inicio di su discurso, e mandatario a recorda e tempo cu tanto su persona como su colega di Asuntonan di Energia Mike de Meza a drenta politico na 2001, pero tambe e campaña cu nan a hiba hunto durante cual e team di De Meza a bini cu e slogan 'The better Mike'. “Mi amigonan nos ta para aki awe nochi na inicio di reapertura di e refineria pasobra di berdad e ta 'The better Mike'. E berdad mester wordo bisa. Mi ta traha mes duro manera e Mike aki riba reapertura di e refineria na 2009, 2010, 2011 y 2012 pero na 2014 mi no tabata mira posibilidad mas pa e reapertura. E cabayero aki cu su pensamento y compromiso pa San Nicolas y tur esnan cu a yega di traha den e refineria, el a sigui busca. Hasta ora cu a presenta e ultimo chens pa haya un compania cu ta dispuesto pa habri e refineria aki. Awe cu nos ta para aki, laga e ta cla pa historia, cu esaki ta danki na e determinacion di  'My Better Mike de Meza', di kende mi ta masha orguyoso cu e ta mi colega.”

Tambe a mandatario a splica cu e reapertura di e refineria ta parti di e slogan cu nan a bay campaña cu ne cu tabata bisa 'Bon trabou, pero ainda falta'. El a bisa cu ora cu na aña 2013 nan a cana e cayanan di Aruba, a bishita casnan, a brasa e comunidad y a comparti speransa y “nos a bisa 'Bon trabou pero ainda falta' y awe nochi nos por celebra loke ainda tabata falta. Esaki ta e parti di loke 'ainda falta'. Y ainda tin mas pa bin,” sr. Eman, cu un bos yena di emocion y orguyo, a expresa.

El a sigui bisando cu alabes a demostra cu Aruba por ta chikito, pero cu ta debi na e forma di pensa y trahando cu curason ta logra cosnan positivo manera reapertura di e refineria. “Ora cu hendenan ta traha cu nan curason, cu conviccion, cu amor, y e Creador cu ta inspira nos pa haci e trabou cu nos ta haci aki tur dia pa tur hende, sin importa unda nan a nace, color di nan cuero of nan religion; esey ta prueba cu Aruba por ta un ehempel pa resto di mundo. Ora cu nos mira paisnan grandi unda lidernan ta papia di division, encuanto construccion di muraya, encuanto color y religion, esaki ta un pais cu ta respeta tur religion, tur color. Nos ta stima e hendenan y e hendenan ta stima nos.”

Na final e mandatario a gradici tur hende y a expresa cu si no tabata pa e fe y inspiracion den e Creador nada di esaki no por a wordo logra. “Cu e sentido di conviccion y devocion aki, inspira pa nos Creador, tabatin masha poco cu nos no por haci cu fe den Dios. Laga awe nochi ta un testimonio di algo cu tabata parce imposibel, pero a bira posibel debi na devocion y trabou duro. Amigonan masha danki, e team cu a apoya Mike de Meza den e proceso aki masha danki. Aruba awe nochi ban drumi cu un curason trankil no pasobra nos a trece e noticia di reapertura di e refineria cu awe nos a firma e contract, pero ban drumi cu curason trankil pasobra esaki lo no tabata posibel si no tabata pa nos Creador cu a wak riba e poblacion aki. Danki ban sigui lucha pasobra ainda falta.”

Expresionnan haci den e articulo aki no necesariamente ta refleha opinion di ArenaPoliti.co