{idkey=6999b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3744-benny-nisbet-ppa-san-nicolas-tin-hopi-potencial-pa-desaroyo-turistico-pero-planifica-no-ad-hoc%3FItemid%3D101][title=Benny+Nisbet+%28PPA%29%3A+%26quot%3BSan+Nicolas+tin+hopi+potencial+pa+desaroyo+turistico+pero+planifica+no+%26%23039%3Bad+hoc%26%23039%3B%21%21][desc=PPA+tabata+e+unico+partido+cu+a+boga+pa+desaroyo+di+turismo+na+San+Nicolas.+Nos+a+worde+hari+chercha%E2%80%A6.etc+%26amp%3Bnbsp%3Bpasobra+%26amp%3Bnbsp%3Bsegun+otro+partido+San+Nicolas+ta+e+ciudad+di+refineria+%26amp%3Bnbsp%3By+no+tin+posibilidad+pa+desaroyo+turistico.+PPA+a+presenta+nos+vision+pa+desaroyo+di+turismo+na+San+Nicolas+bao+di+e+titulo+%E2%80%98San+Nicolas%2C+Our+Caribbean+Town%E2%80%99.+E+vision+aki+ta+basa+riba+e+historia+real+di+San+Nicolas.+For+di+e+districto+di+%26amp%3Bnbsp%3Bcunucero+y+piscador+pa+primeramente+un+districto+cu+desaroyo+]}
PPA tabata e unico partido cu a boga pa desaroyo di turismo na San Nicolas. Nos a worde hari chercha….etc  pasobra  segun otro partido San Nicolas ta e ciudad di refineria  y no tin posibilidad pa desaroyo turistico.

PPA a presenta nos vision pa desaroyo di turismo na San Nicolas bao di e titulo ‘San Nicolas, Our Caribbean Town’. E vision aki ta basa riba e historia real di San Nicolas. For di e districto di  cunucero y piscador pa primeramente un districto cu desaroyo di fosfaat ( 1874 pa 1914) pa un districo cu primeramente un bunkerstation y despues pa un refineria(1927 -1986…….1990 pa awor). Realidad ta si cu e desaroyo di un refineria a desaroya San Nicolas y a trece miles di trajador for di Caribe henter y Sur America pa establece nan mes na San Nicolar. Awendia  e descendientenan di e trajadornan aki ta plama rond di Aruba.

E trajadornan aki cu a establece nan mes   grandemente na San Nicolas  a trece nan cultura, nan custumbernan, nan musica, nan diferente plato di cuminda cu nan y dentro di e  casi 100 anja esaki a integra su mes dentro di e cultura arubiano cu Aruba a conoce prome cu e epoca aki. E ejempel di mas bibo ta e  musica  di steelband, Calypso, Soca y Carnaval den cual esaki a bira e raiz pa e fiesta mas grandi di aruba  esta Aruba su Carnaval. PPA ta di opinion cu San Nicolas cu su historia, su cultura mescla etc tin un potencial enorme.  Lamentablemente  esnan cu tabatatin e signatura di gobernacion no a  kere realmente den e capitulo importante aki di e historia di Aruba. Pasobra esaki e capitulo aki ta ensera casi 100 anja di historia arubano di e parti pariba di nos Isla cu nos a larga bai  perdi  y no a usa e potential aki. Ta PPA tabata esun cu a mustra eleccion tras di eleccion riba p.e. e necesidad di ‘renovacion di nos watertoren na San Nicolas, di e necesidad di e.o. renovacion di Nicolaas Store, di e necesidad di pinta riba e muraya di e refineria (pero) e historia social economico  di San Nicolas y no ‘ad hoc’ manera  ta tuma lugar awe.

Awor   AVP  cu den pasado a hari y cherche tur  e plannan aki ta ejecutando esaki   ‘ad hoc’ y no basa riba un plan integral pa un desaroyo real di turismo na San Nicolas y vecindario.

PPA su  vision ta  di un ‘San Nicolas, Our Caribbean Town’ y basa riba nos plannan publica repetida vez den nos ‘Agenda for San Nicolas’ ta senjala e.o. esaki :

1. Reconocimento di  tur  ciudadano cu a bini di  rond Caribe pa nan a establece nan mes na San Nicolas y vecindario y a contribui cu ‘energia y sodo’ pa desaroyo di  Aruba en general y San Nicolas en particular !!
   
   
2. Reconocimento pa nan contribuiccion na desaroyo di nos cultura arubiano cu nan  contribuiccion den curso di e ultimo 90 anja aki !!
   
   
3. Basa riba esaki San Nicolas lo mester  por bira un parti esencial di e producto turistico di pais Aruba si gobernacionan dedica atencion real na desaroyo di San Nicolas .
   
   
4. Aruba ta ricibi anualmente mas cu 1 million turista ‘stayover’ y un 600.00 turista crusero……! Cuanto di nan ta jega den districto di San Nicolas ???  Y kiko gobierno di Aruba su maneho ta pa stimula e desaroyo aki ??  Te awe masha masha  poco !!
   
   
5. Pa logra  un desaroyo turistico parti pariba  e  infra-structura turistico mester ricibi e atencion debido.  Cu e infra-structura aki PPA ta referi  na  prepara cierto sitio pa por ricibi bishita di nos turistanan p.e.  e  ‘bunker’  na  Juana Morto  cu tabata un sitio unda e soldanan tanto hulandes como mericano a funciona durante segundo guerra mundial (Lastima AVP a larga basha e edificionan abao unda e soldaatnan tabata drumi na 1987 anto pa malo !!). Otro infra structura ta pa nan bishita e ‘grot di Lourdes’  aki PPA ta pensa riba pone poco ‘sleeping polis’ pa frena  e trafico y traha algun sitio official di parkeer, apunta y mantene  un of dos cas di pasado pa por worde bishita pa nos turistanan … wak si no ta posibel pa usa e  weg seroe preto project di fin di anja  pa por worde bishita durante anja tambe…….mejora y mantene e  actual ‘golfcourse’ existente cu a worde traha door di LAGO……..!
   
   
6. Stimula e par di organisacion cu ainda tin un club p.e. Bonaire club, Suriname Club etc pa reorganisa nan mes y subsidia un sala den nan unda lo tin e historia di esnan cu a bini di Bonaire, Suriname y otro sitio pa projecta nan historia dentro di e historia di San Nicolas.
   
   
7. PPA tabata e prome y UNICO partido politico cu anjas largo a projecta un ‘Carnival Village combina Carnival Museum’ y ainda nos ta kere den e combinacion aki pa motibonan  economico di e projectonan aki !!
   
   
8. PPA ta kere den un Museum Historico di desaroyo di San Nicolas ……na unda e  participacion di TUR grupo descendencia di cualkier pais den Caribe lo worde reconoci.  P.e. e or abo drenta un museum asina segun vision di PPA  bo ta drenta prome:
   
   

9. Construccion bek di e  ‘Mercado di San Nicolas’.
   
   
10. San Nicolas tin hopi  artesano.  Sosten pa desaroyo di nan articulonan lo ta un sosten enorme na e  producto necesario pa duna San Nicolas un nomber dentro di producto Aruba………  ‘ made in San Nicolas, Aruba !” Gobierno  mester por duna sosten y espacio pa e artesanonan por  bende nan materia….no solamente anochi di un ‘Carubbean’  pero tur dia,,,,,, dia y anochi !!
    
    
11. PPA su ‘Agenda pa San Nicolas’ tambe ta projecta pa un Hotel di Deporte  worde construi na e (x scol) unda antes tabata e edificio di nos grandinan patras di YMCA.
    
    

E vision di PPA ta demonstra cu San Nicolas lo por tin hopi potencial pero na prome lugar e gobernacion cu ejecuta algo asina mester  kere den San Nicolas  y  no pretende cu nan ta kere den…..anto  ora ta cerca e periodo di eleccion.

PPA ta continua riba e topico aki den e sigiente  articulo.

Aruba,  18 di juli 2016                                           Lider Politico di PPA

                                                                                 BENNY NISBET,

Expresionnan haci den e articulo aki no necesariamente ta refleha opinion di ArenaPoliti.co