{idkey=6541b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4858-parlamentario-mr-xiomara-maduro-mep-e-saldo-di-gobernacion-di-nos-pais-mester-bira-positivo-atrobe%3FItemid%3D101][title=Parlamentario+mr.+Xiomara+Maduro+%28MEP%29%3A+E+saldo+di+gobernacion+di+nos+Pais+mester+bira+positivo+atrobe][desc=Nos+Pais+na+man+di+Gabinete+Eman+a+sera+a%C3%B1a+2016+cu+un+saldo+na+unda+cu+nos+debe+ta+surpasa+4000+miyon+florin+faltando+ainda+tur+e+debe+pa+paga+pa+proyecto+di+Private+Public+Partnership+%28PPP%29+cu+lo+hiba+nos+na+un+6000+miyon+na+debe+nacional.+Pa+awor+aki+caba+e+debe+cu+ta+colga+riba+cabes+di+grandi+y+chikito+ta+core+den+36.000+florin+pa+cabes+y+di+cada+florin+ya+82+cent+ta+bay+a+paga+debe.+Gabinete+Eman+a+traha+2700+miyon+florin+na+debe+y+e+pregunta+cu+Minster+Eman+te+ainda+no+por+contesta+ta%2C+k]}
Nos Pais na man di Gabinete Eman a sera aña 2016 cu un saldo na unda cu nos debe ta surpasa 4000 miyon florin faltando ainda tur e debe pa paga pa proyecto di Private Public Partnership (PPP) cu lo hiba nos na un 6000 miyon na debe nacional. Pa awor aki caba e debe cu ta colga riba cabes di grandi y chikito ta core den 36.000 florin pa cabes y di cada florin ya 82 cent ta bay a paga debe. Gabinete Eman a traha 2700 miyon florin na debe y e pregunta cu Minster Eman te ainda no por contesta ta, kiko Aruba a haya pa e 2700 miyon di debe aki? E saldo pa aña 2016 pa Pueblo na man di Gabinete Eman ta uno negativo, carga cu debe y sin progreso. Den 2017 nos mester percura pa libra nos di e gobierno aki y duna nos mes e chens di sera aña atrobe cu un saldo positivo.

Tanto debe y no a percura pa necesidad di Pueblo
Gabinete Eman a traha asina tanto debe riba cabes di Pueblo y no a percura pa cumpli cu necesidad di e Pueblo aki. Djies algun ehempel. Tanto placa na debe y ningun school nobo a wordo construi. A drecha algun school manera tur Gobierno mester haci, pero por ehempel no a traha e HAVO VWO school na Noord mas, pero a prefera di hinca 29 miyon y mas den un tram sin beneficio pa Oranjestad y Aruba. Tanto debe riba cabes di Pueblo y ningun cas social a wordo traha ya cu Minister Eman ta usa FCCA pa traha casnan na Kibaima lagando esnan den nececidad di un cas bibando den trailer, pagando huur caro pa biba den apartament of djies keda biba den camber serca mayornan. Criminalidad creciente y asina mes no a percura pa e Polisnan cu ta traha pa combati criminalidad por traha den un bon ambiente. Tuma por ehempel e Warda di Oranjestad. Gabinete Eman no a traha un Warda nobo y awor a djies bira bende e edificio pa sera buraco den prespuesto lagando e Polisnan sin un Warda di Polis Nobo pa Playa. Nos Pais ta envehece, nos Pueblo ta vergrijs y asina mes Eman a redobla nos debe nacional sin cu ela percura pa traha un solo cas pa nos grandinan. Ta tristo pa mira cuanto debe a wordo traha sin cu a percura pa e necesidad real di Pueblo. Aña 2016 ta sera nos cu un saldo negativo pa e necesidad real di e Pueblo aki.

MEP den gobierno lo a percura pa un saldo positivo
Si ta MEP lo tabata den gobierno nos Pais y tabata tin 2700 miyon na su dispocicion, e saldo pa 2016 lo tabata positivo. E Pueblo por tabata orguyoso di mira fondo publico wordo dedica na proyectonan cu ta cubri e necesidad di e Pueblo y no lo mester a mira nan placa di belasting wordo malgasta na capricho y sponser di campania di partido AVP. E aña nobo aki ta brinda nos Pueblo e oportunidad unico di libra Aruba di Minister Eman y su bende. Ban haci bon uso di nos derecho electoral y duna Aruba e chens atrobe di sera aña cu un saldo positivo pa e Pueblo di Aruba.

10 januari 2017

Expresionnan haci den e articulo aki no necesariamente ta refleha opinion di ArenaPoliti.co