{idkey=5042b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5122-karel-maduro-mep-mi-pueblo-ta-bay-perdi-pa-falta-di-conocemento%3FItemid%3D101][title=Karel+Maduro+%28MEP%29%3A+%E2%80%9CMi+pueblo+ta+bay+perdi+pa+falta+di+conocemento%E2%80%9D][desc=Digno+pueblo+di+Aruba%2C+e+scritura+aki+ta+berdad%2C+cual+ta+conta+tambe+pa+e+pueblo+di+Aruba%2C+politicamente+bisa.+Si+AVP+sigui+na+mando%2C+Aruba+su+perdicion+ta+sigur.+%26amp%3Bnbsp%3BMi+ta+referi+na+e+echo+cu+PM+Eman+ta+cana+den+pueblo%2C+door+cu+ta+a%C3%B1a+di+eleccion%2C+y+cu+prensa+comprometi%2C+ta+publica+comentarionan+elocuente+di+esnan+bishita.+Comentarionan+manera+%E2%80%9Ce+tabata+un+sorpresa+hopi+grandi+y+bunita%2C+pasobra+e+ta+haciendo+hopi+trabao+di+mehoracion%E2%80%9D%2C+duna+mi+di+conoce+%28cu+si+ta+berdad%29+e+habitantenan+c]}
Digno pueblo di Aruba, e scritura aki ta berdad, cual ta conta tambe pa e pueblo di Aruba, politicamente bisa. Si AVP sigui na mando, Aruba su perdicion ta sigur.  

Mi ta referi na e echo cu PM Eman ta cana den pueblo, door cu ta aña di eleccion, y cu prensa comprometi, ta publica comentarionan elocuente di esnan bishita.
Comentarionan manera “e tabata un sorpresa hopi grandi y bunita, pasobra e ta haciendo hopi trabao di mehoracion”, duna mi di conoce (cu si ta berdad) e habitantenan concerni, NO sa mes kico ta pasando riba Aruba. E berdad ta cu di tur e placa cu Eman a fia, mas cu 3 biyon, ta 1% so PM Eman a inverti den Aruba, segun IMF y otro instancianan financiero.

Tambe pasobra Aruba awor aki tin masha hopi luga bunita pa muchanan (parkenan), careteranan moderno y un bunita centro di ciudad. Kisas nan ta referi na Linear Park? Esaki mester a costa 4 miyon pero na final PM Eman su gobierno a gasta mas cu 10 miyon pa DOW termin’e. Muchanan cu hamber por hunga feliz riba klinkers? Careteranan moderno cu ta costa Aruba su pueblo (abo mes) 97 miyon pa aña pa 18 aña largo? Saca bo som cuanto placa abo mes tin cu bay paga! Bon trabao? Un bunita centro di ciudad, den cual masha hopi pacus y tiendanan renombra ta cerando nan portanan pa motibo di e mal planificacion di gobierno di PM Eman y DOW. No tin business at all.

Tambe ta ser bisa cu PM Eman lo bini cu cosnan grandi y bunita pa Aruba. Aki kisas e sra. tabata referi na e brug riba Spaans Lagoen di 18 miyon? Un di cuater (4) brug riba Spaans Lagoen cu no ta ni 50 meter hancho. Cua medida ta bay bin pa paga brug? Cu PM Eman tin hopi bon idea pa mucha y hende grandi. Bon idea pa hende grandi ta subi nan pensioen pa 67 aña y pa mucha un debe di mas cu 8 biyon pa paga na interes haltisimo pa mas cu 20 aña?

Resumiendo kico posiblemente e pueblo bishita a comenta, mi ta keda convenci cu ainda e pueblo NO ta na haltura di kico PM Eman a haci cu nan país. Nan ta alabando e hacido di maldad y e destructor di e comunidad Arubano. Dicho actitud ta posibel solamente door cu e hendenan ta den completo ignoracia tocante e berdad di e echonan di gobierno di AVP. Kisas PM Eman a bisa nan cu tur esakinan ta por nada y nan a ker’e tambe. Kico mas falta pa pueblo mira e berdad? 

Expresionnan haci den e articulo aki no necesariamente ta refleha opinion di ArenaPoliti.co