{idkey=809b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2952-benny-nisbet-ppa-un-aruba-world-trade-center-lo-por-eleva-aruba-den-direccion-di-un-destinacion-di-calidad%3FItemid%3D101][title=Benny+Nisbet+%28PPA%29%3A+%E2%80%9CUn+%E2%80%98Aruba+World+Trade+Center%E2%80%99+lo+por+eleva+Aruba+den+direccion+di+un+destinacion+di+calidad%21%21%E2%80%9D][desc=PPA+ta+keda+projecta+nos+vision+di+hopi+anja+pa+hasi+Aruba+un+HUB+international+den+Caribe+na+unda+nos+a+hasta+jamele+%E2%80%98Aruba+Hong+Kong+di+Caribe%E2%80%99+den+nos+programanan+politico+anta+anjas+largo.+Pa+hasi+esaki+posibel+PPA+a+projecta+e+vision+di+muda+nos+Containerhaven+for+di+Oranjestad+pa+Barcadera.+Un+vision+cu+NO+a+cai+den+bon+tera+serca+diferente+partido+politico+ora+PPA+%28x+Ministro+Benny+Nisbet%29+a+firma+un+acuerdo+cu+ECT+pa+muda+nos+containerhaven+pa+Barcadera.+Mucho+placa%E2%80%A6.sonjando+lan]}
PPA ta keda projecta nos vision di hopi anja pa hasi Aruba un HUB international den Caribe na unda nos a hasta jamele ‘Aruba Hong Kong di Caribe’ den nos programanan politico anta anjas largo.

1. Pa hasi esaki posibel PPA a projecta e vision di muda nos Containerhaven for di Oranjestad pa Barcadera. Un vision cu NO a cai den bon tera serca diferente partido politico ora PPA (x Ministro Benny Nisbet) a firma un acuerdo cu ECT pa muda nos containerhaven pa Barcadera. Mucho placa….sonjando lanta y LUBIDA tabata e mensahe cu PPA a tende. Despues di algun anja varios a purba bende pueblo cu e ‘vision’ aki ta uno grandi y ta di nan !! Casi 20 anja despues ‘porfin’ e parti aki di e vision grandi a bira realidad ….Containerhaven a muda for di Oranjestad pa Barcadera.
2. Consecuencia di e mudamento aki ta cu un parti grandi di tereno (antes den uso pa nos haf) ta bin liber y e pregunta ta na kiko Aruba por destina esaki ? No kabe duda un parti lo completa e fascilidad necesario pa nos ‘Cruise tourism’. Pero ta keda cu e pregunta…Kiko hasi cu e parti mas grandi un ‘prime location’. Si duna e sitio aki un destinacion cu menos ‘impacto economico’ Aruba lo ta mara na esaki pa e proximo 3O pa 50 anja …of mas. Pesey e discussion y e ‘controle’ di pueblo y comercio riba gobierno ….den ki direccion esaki ta bai segun PPA ta hopi importante. 

UN ARUBA WORLD TRADE CENTER !!

PPA ta kere cu Aruba ta un destination cu su futuro NO mester keda depende solamente riba ‘turismo’ na e nivel cu nos conocele y un posibel re-apertura di nos refineria. PPA ta di opinion cu Aruba mester ‘reach for the sky’….door di ejecuta projectonan cu lo tin un ‘impacto economico’ grandi riba nos economia y posiblemente crea un Pilar economico acerca.

Pesey PPA ta boga pa un ARUBA WORLD TRADE CENTER combina cu dos ‘five star’ business hotels. Segun PPA a ‘formula’ di e escogencia aki ta locual lo hasi esaki un impacto grandi pa Aruba y pa region. Na prome lugar Aruba ta un isla cu ta bai bao di Reino Hulandes, pais cu tin lasonan estrecho cu Union Europeo pero tambe cu Merca. Na di dos lugar Aruba ta ofrece e ‘paz y tranquilidad’ politico necesario pa un movimento commercial internacional asina. Na di tres lugar Aruba tin un parti ‘substancial’ di nos pueblo cu ta domina 3/4 of mas idioman riba cual nos mester por construe mas. Na di cuatro lugar, presencia di un AWTC lo pone un pression riba casi tur sector pa eleva no snivel di servicio ainda mas esta hasi esaki ainda mas professional.

Tin cu ta hasi nan mes e pregunta…..Ki clase di ‘International Trade’ Aruba por ofrece mundo International ? Aki tin un eror di pensamento of eror di comprende e tarea di parti di un World Trade Center !! Un World Trade Center dependiente di e ‘formula’ cu a worde escogi ta pone ‘fascilidadnan y expertisio’ disponibel pa su clientenan por hasi uso di djele pa asina hasi e ‘International Trade’ di nan clientenan mas facil etc. Y aki ta unda Aruba cu nos ‘caracter cordial y dinamico’ por expande nos servicion na mundo International segun PPA.

E impacto positivo di su presencia lo trece cunele:

‘Convention tourism’ algo cu Aruba a desea pero cu Aruba no tabatatin suficiente fascilidad y e grandura di e fascilidadnan y e organisacion di e experticio pa por ofrece esaki na mundo internacion di MCI (Convention Tourism)….cu presencia di un AWTC e porta aki ta habri !!

‘Business Tourism’ tabata un sector di turismo international cu simpelmente Aruba NO tabata bin na remarca pele pasobra Aruba NO tabatatin e fascilidadnan pa por ta participante den esaki. Cu presencia di un AWTC e porta aki tambe ta habri. Y ora di ‘conventions grandi ‘ lo tin un ‘spill over affect’ pa nos otro hotelnan riba nos isla. Cu otro palabra e impacto economico di presencia di un AWTC riba nos sociedad lo ta grandi y positivo.

Upgrading di diferente taki di servicio di nos pais !

Tuma p.e. e taki di seguridad cu ta worde duna na hotelnan y actividadnan. Cu presencia di un AWTC e servicio di seguridad lo mester ‘upgrade’ nan mes severamente y lo tin un impacto positivo di servicio pero tambe di salario y beneficionan pa e trahador den e sector di seguridad. Y asina e presencia di un AWTC lo tin su beneficionan.

E Finanzas necesario ???

No kabe duda cu un projecto asina lo ensera un ‘injeccion financiero’ hopi grandi …y pa hasi esaki bira algo exitoso PPA ta kere den un ‘Public –Private-Partnership”. Ta un PPP project cu lo mester formula un ‘business plan’ cu ta tene cuenta cu e ‘capacidad’ di nos pais tanto presente como arubiano biba den exterior y futuro generacionan. Un vez mas ….e formula escogi pa esnan cu tuma e ‘venture’ aki riba nan ‘schouder’ cu sosten di gobierno y sector commercial/turistico lo por hasi e projecto aki un projecto cu den futuro lo bira un pilar economico nobo pa pais Aruba.

E presencia di un AWTC lo eleva Aruba su calidad como destinacion den Caribe e lo tin un impacto positivo riba nos aeropuerto cu lo por desaroya su mes mas ainda den un hub di aviacion naturalmente e ponencia aki ta basa riba hopi otro aspecto y maneho cu PPA lo discuti den futuro.

PPA ta keda invita tur cu kier expresa nan opinion, critica etc tocante e vision aki pa hasi esaki libremente . Y si e vision/projecto aki NO ta bon….anto presenta un otro vision cual su impacto riba nos sociedad economico/social/cultural lo ta ainda miho !!

Aruba, 10 di maart 2016
Lider Politico di PPA
BENNY NISBET

Expresionnan haci den e articulo aki no necesariamente ta refleha opinion di ArenaPoliti.co