{idkey=4857b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5621-jan-de-ruijter-locual-no-ta-duradero-den-e-maneho-riba-ensenanza-di-mike-eman-y-avp%3FItemid%3D101][title=Jan+de+Ruijter%3A+Locual+no+ta+duradero+den+e+maneho+riba+ense%C3%B1anza+di+Mike+Eman+y+AVP][desc=E+%26amp%3Bnbsp%3BNONSENSE+%26amp%3Bnbsp%3BDEN+%26amp%3Bnbsp%3BE+%26amp%3Bnbsp%3BMANEHO+%26amp%3Bnbsp%3BBERDE+%26amp%3Bnbsp%3BDI+MIKE+%26amp%3Bnbsp%3BGODfried+EMAN+%28Parti+10%29+%26amp%3Bnbsp%3B%E2%80%9CHOCUS+POCUS+PILATUS+PAS%E2%80%9D%2C+Mike+Eman+a+bisa%2Cy+mesora+ela+pisca+su+tres+expresionnan+magico+%E2%80%9Cduradero%2C+sostenibel+y+5+strea%E2%80%9D+for+di+su+sombre+halto+pa+cua+tur+magico+ta+conoc%C3%AD.Tur+cos+den+su+maneho+lo+tabata+bay+ta+duradero%2C+sostenibel+y+di+un+calidad+di+5+strea.+Pero+abo+cu+ta+un+lector+sensato+y+huicioso%2C+sa+kiko+e+%E2%80%9Chocus+pocus+pilatus+pas%E2%80%9D+aki+ta+significa.+E+ta+un+sinoni]}
E  NONSENSE  DEN  E  MANEHO  BERDE  DI MIKE  GODfried EMAN (Parti 10)  

“HOCUS POCUS PILATUS PAS”, Mike Eman a bisa,
y mesora ela pisca su tres expresionnan magico “duradero, sostenibel y 5 strea” for di su sombre halto pa cua tur magico ta conocí.
Tur cos den su maneho lo tabata bay ta duradero, sostenibel y di un calidad di 5 strea.
Pero abo cu ta un lector sensato y huicioso, sa kiko e “hocus pocus pilatus pas” aki ta significa. E ta un sinonimo (otro palabra pa) engaño, estafa y trampa.
Henter e maneho di Mike Eman y di su partido AVP durante e ultimo 8 añanan ta basá y fundá riba e tres asuntonan aki, esta engaño, estafa y trampa.
Engaño, estafa y trampa pa e pueblo Arubano, e gobierno Hulandes, Reino, e CAFT, Ministerio Publico,  VNO (“Vertegenwoordiging van Nederland in Aruba”), Gobernador, Camara di Comercio, ATIA, SKOA, y asina nos por sigui.
Cada un di esakinan a ser engañá cu su promesanan pa durabilidad, pa sostenibilidad, y pa un pais di 5 strea; casi tur a “cay”, a sucumbí pa e homber aki, kende pues a sa di burla di casi tur (“zij stonken erin!”)!
Casi tur a ser tumá haci, a ser gedal un cara abao, y casi tur a morde e hanzue!

E  MANEHO  DI  MIKE EMAN  A  RESULTA  DI  NO  TA  DURADERO  AT  ALL!
E  TABATA  SIMPLEMENTE  UN  ENGAÑO,  Y  E  NO  TA  SOSTENIBEL !!
Den un serie di articulonan mi a mustra lectornan extensamente riba e hecho cu Mike Eman no ta un salbador di mundo at all, y cu e centenares di miyones cu ela saca y horta for di e caha di Pais Aruba (lesa bon: BO placa cu bo a paga na impuesto!), pretendiendo di ta hiba un maneho riba clima pero cu realmente ta un maneho engañoso, NO a trece ningun cen aden pa Pais Aruba; tabata placa cu a bay perdí pa Aruba, cu a sirbi unicamente e imagen personal di Mike Eman den exterior como presunto salbador di planeta tera.

Tin hopi miles di cientificonan, entre cua ganadornan di premio Nobel, kendenan a demostra cu - aunke bao di nan tin cientificonan di mas di 40 disciplina diferente kendenan ta ocupa nan mes cu e clima - te awe ainda nos no ta comprende ni 5% di e funcionamento di e clima, ni con e clima ta yega na su diferente fasenan; y cu pa e motibo ey ta 100% sigur cu cambio di clima NO ta wordo ocasioná door di e CO2 cu e hende ta producí y ta manda den aire.
Y si asina mes tin hende ta keda kere cu Sĺ t’asina, e ora ey e influencia di Aruba riba e clima mundial ainda ta di solamente 1 riba 300miyon (1 : 300.000.000), pues absolutamente nada, e NO tin ningun influencia; y esaki kier meen cu e cientos di miyonnan cu Mike Eman a distribi y a destrui cu aventuranan cu Gore Al, cu Richard Virgin Branson y cu  Carbon War Room, por a wordo usá mucho mihor na instancianan manera un Casa Cuna, un SABA, e Banco di Alimentacion (“Voedselbank Aruba”) of e Fundacion Wit Gele Kruis.
E maneho di Mike Eman no solamente NO ta duradero y NO ta sostenibel at all, pero su maneho ta escandalosamente asocial, e NO ta hustificá, e NO ta sostenibel, y mester bin un fin na esaki inmediatamente.

Awor, laga nos bay tira un bista riba e durabilidad di e maneho di enseñanza.

ENSEÑANZA  DURADERO  Y  SOSTENIBEL  DI  EMAN  Y  SU  AVP??
Fundacion “Nos Ta Aruba” ya a scirbi masha hopi tocante enseñanza na Aruba, saliendo for di e pensamento basico cu enseñanza ta e fundeshi di un bon sociedad y un bon comunidad.
Den industria y comercio nos ta pone bon tino riba e educacionnan di e colaboradornan, y despues nos ta duna tur clase di entrenamento y preparacionnan adicional, cu e intencion pa hisa e IQ, e Intelligentie Quotient (grado di inteligencia) total di e empresa, considerando cu hendenan sensato y cu bon educacion, ta mihor colaboradornan pa e empresa.
Hopi contrario na locual Mike Eman a haci, e siguiente gobierno lo mester sa di mantene mesun pensamento aki.
Si di berdad nos kier un mihor comunidad cu menos criminalidad, cu menos comportacion asocial, cu mas sentido di bon ciudadania, y cu mas entendimento y comprension di bon valornan y normanan, esey lo mester crece for di enseñanza: enseñanza ta e base!
E journalista freelance Arien Rasmijn a scirbi riba esey un bon articulo den Amigoe di dia 20 di april ultimo, cu exactamente mesun pensamento y idea.
Enseñanza ta nos fundeshi; bao di e escandaloso maneho totalmente NO-duradero di Mike Eman y su AVP cu no por ser mantení mas, nos a weita sinembargo exactamente lo contrario: 

• E pueblo no ta ser permití pa desaroya su mes, pero mester wordo tení bobo, pasobra di e manera ey ta mucho mas facil pa nos (lesa: AVP) keda na mando. Nos mester djis yuda e parti grandi cu un trabao, of djis haci algun promesa, y ya nan ta vota pa nos. Hendenan cu bon educacion claro tambe ta critico, y net eseynan nos no mester! Pasobra nan lo bin mishi cu nos poder! 
• Mescos cu ta e caso cu tur otro edificio di gobierno, schoolnan no ta ser mantení; ta haci manera cu ta cu magia so por forma un “Dienst Onderhoud Overheids-gebouwen” (DOO) for di DOW! 

Lesa e siguiente articulo cu mas noticia riba e maneho no-duradero di enseñanza di AVP, e perdedor den e proximo eleccion (A.V.P.: Aankomende Verliezers Partij). 

Jan de Ruijter
This email address is being protected from spambots. You need JavaScript enabled to view it.
producí na Papiamento pa Remigio A. R. Wever, 42.10.01.44

Expresionnan haci den e articulo aki no necesariamente ta refleha opinion di ArenaPoliti.co