{idkey=288b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5767-benny-nisbet-ppa-ni-gobierno-ni-parlamento-no-tabata-tin-atencion-debido-pa-lucha-y-frena-pobreza-riba-nos-isla%3FItemid%3D101][title=Benny+Nisbet+%28PPA%29%3A+%E2%80%98Ni+gobierno+ni+parlamento+no+tabata+tin+atencion+debido+pa+lucha+y+frena+pobreza+riba+nos+isla%21%E2%80%99][desc=]}Un otro periodo di gobernacion ta jegando su final. Si tin un problematica cu a merece hopi mas atencion di parti di gobierno y parlamento segun PPA esaki tabata e pobresa grandi riba nos isla. Un pobresa asina grandi cu e consecuencianan di djele ta mishi diariamente den diferente forma cu nos sociedad. Aumento di crimen riba nos isla ta un di e consecuencianan cu pobresa ta crea…! E pregunta ta …Kiko a worde hasi durante un period di 16 anja di gobernacion pa dos signature ambos ocho anja di gobernacion. 

Rapport I.L.O 2005: 

Na 2005 un rapport a worde traha pa I.L.O. International Labour Organization riba peticion specifico di Staten di Aruba pa analisa nos sector social di nos pais y tur nos leynan riba e tereno aki. E rapport aki tabatatin un mensahe hopi fuerte pa gobernacion y parlamento di nos pais. E rapport a bisa bon cla ‘Aruba has a system that creates poverty & maintains poverty’. 

E pregunta ta di con I.L.O a jega na e conclusion aki y kiko ambos signatura a hasi pa mejora y baha pobresa riba nos isla ? 

I.L.O a splica cu Aruba ta usando un sistema cu basa riba nos inflacion ta crea un ‘indexering’ cu ta basa riba e asina jama CPI system. I.L.O a splica cu e sistema di CPI no ta duna esun pober e inflacion cu e tin derecho riba djele y mas ainda no ta larga esun cu ta depende riba ‘indexering’ pa mantene su forza di compra. Kada vez su forza di compra ta bai mas atras. I.L.O ta splica cu kada vez cu ‘indexering’ mester worde duna….ta duna basa riba 0.8 % di locual e tin derecho riba djele cu ta 4/5 di locual e mester hanja. Tambe e sistema di I.L.O ta splica cu e C.P.I nunca ta laga nan participa den e progreso economico di nos pais. Cu otro palabra e grupo cu ta depende di indexering pa mantene su forza di compra cual ta e.o. onderstand/bijstand, pensionado y esnan cu ta cobra ‘salario minimo’ of un poco mas.

I.L.O a propone gobierno pa cambia e sistema di CPI pa un sistema di NAWI cual ta National Average Wage Index cual sistema si ta garantisa esun cu pober entrada un ‘indexering’ completo y un parti di e crecemento economico di nos pais.

I.L.O a propone pa tene un discussion nacional riba e topico aki cu e meta pa jega na cambio pero NINGUN di e dos signatura di gobierno a dedica atencion na e problematica aki cu I.L.O. a senjala y corda bon e rapport specificio di 2005 a worde traha riba peticion di parlamento di Aruba.

Kiko esaki ta nifica den practica esta ‘medium or longterm’ ?

Imaginabo cu un persona tin salario minimo na f. 1700,-- y durante 20 anja a worde duna un aumento di indexering basa riba inflacion di 1%..... Esaki ta nifica cu den practica 20 anja largo e persona a ricibi 20 x 0.8 % envez di 20 x 1 %...cu otro palabra despues di 20 anja e berdad ta cu su ‘forza di compra’ a baha 20 x 0.2% cual ta un atraso di 4 % !! Banda di esaki mester tene cuenta cu a base di e CPI system e gruponan aki NO ta participa den ningun forma den e crecemento economico di nos pais. Esaki ta worde parti entre e riconan y esnan cu tin un entrada acceptable !! E sistema di NAWI ta garantisa cu ki ora un pais progresa…si e progreso p.e. ta 2 % cu un parti di progreso aki lo worde defini y duna na esnan cu como parti di nos pais tambe merece esaki.

Un vez basa riba esaki y mucho mas I.L.O. a propone pa un discussion nacional tuma lugar unda ta evalua e sistema di CPI versus e sistema di NAWI cu meta pa jega na un cambio.

Ni signatura di MEP NI signatura di AVP no a duna atencion na e ejecucion di e rapport di I.L.O. y nos ta ripiti basa riba e rapport aki I.L.O su conclusion tabata sumamente serio esta: “Aruba has a system that creates poverty & maintains poverty’ un ponencia hopi serio.

PPA ta e unico partido cu anjas largo ta boga pa un discussion nacional riba e materia aki !! Pasobra PPA ta e unico partido cu realmente ta logra contra di pobresa !! Pero tin otro partido cu ta prefera di mantene pobresa pa asina nan keda tene esnan pober den un posicion di dependencia.

Pesey PPA su mensahe ta: ‘ Aruba pa ……e Proximo Nivel’ den cual PPA lo hasi un esfuerzo maximo pa limita probresa riba nos isla.


Aruba, 9 di juni 2017
Lider Politico di PPA
Benny Nisbet

Expresionnan haci den e articulo aki no necesariamente ta refleha opinion di ArenaPoliti.co