{idkey=3888b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F6146-anchelino-vrolijk-por-un-maestro-cu-e-compromiso-pa-aporta-na-su-comunidad%3FItemid%3D101][title=Anchelino+Vrolijk+%28POR%29%3A+Un+maestro+cu+e+compromiso+pa+aporta+na+su+comunidad][desc=]}
Recientemente ami, Anchelino Vrolijk, a disidi di drenta mundo politico formando parti di partido POR y asina participa den e eleccion di e aña aki.
Drenta e contienda politico tabata un desishon nada fasil, mas tanto door di e tristo realidad politico cu nos ta biba na Aruba actualmente.
Pero mirando e necesidadnan cu ta biba den nos comunidad, keda afor di politica no tabata un opcion mas pa mi. Mi ta consciente cu si mi kier trese cambio, mi mester por forma parti di e cambio y esey ta e motibo principal cu a hasi cu awe mi ta riba e lista di partido POR.

Como tata soltero mi ta compronde e contratemponan cu hopi mayor ta pasa aden na nivel perdonal, como tambe loke ta e parti huridico di un separacion.
Como mayor responsabel bo mester por ta para den bo sapato pa brinda bo yui(nan) e mihor cu bo por ofrece, pa asina mayan nan por ta un persona ehemplar den comunidad.
Pa ta un mayor soltero ta exigi hopi di bo y pa es motibo aki mi persona por identifica mi mes cu esnan cu tambe ta den e mesun situacion cu mi, lantando nan yiu(nan) nan so.

Mi meta pa drenta den politica ta pa yuda na crea un Aruba sostenibel y duradero pa nos yiunan y pa e generacionnan nos dilanti.
Nos grandinan merece nan atencion pasobra si no tabata pa nan, nos lo no conoce e Aruba cu nos conoce awendia.
Nos generacion actual mester tuma e responsabilidad di cuminsa construi un Aruba responsabel pasobra nos ta esnan cu ta creando e Aruba pa esnan cu ta bin mayan. Un Aruba caminda nos yiunan y nan yiunan por biba respetando y cuidando otro, pasobra nan merece un Aruba cu nan por ta orguyoso di ta parti di dje. Nos mester construi un mihor Aruba semper cu e pensamento cu ta e generacionnan futuro lo carga tur consecuencia di nos actonan y nos desishonan.

Nos mester percura pa crea un aparato gubernamental sostenibel y efectivo, un medio ambiente sostenibel unda e presion di e desaroyo economico y proteccion di nos flora y fauna ta bon defini y proteha pa ley.
Esnan mas chikito lo mester ta protehi unda nan por desaroya nan mes sanamente y pa asina mayan nan por ta personanan ehemplar den nos comunidad.

Preparacion academico

Despues di a termina Colegio Arubano, mi a sigi mi rumbo na Hulanda unda mi a studia na Nijmegen, Aardrijkskunde 2de graads, na 2005 mi a skirbi mi thesis cu e thema “Terrorisme Bestrijding op Aruba” unda cu e parti di seguridad di aeropuerto y waf a bai bou di un quickscan, como tambe e leynan vigente cu mester tin pa combati financiamento di terorism basa riba e aanbevelingen di FATF. Na final di 2005 te cu mei 2006 mi a funciona como “Aanspreekpunt Logistiek Levensloop Campagne” na ABN AMRO na Nijmegen, Hulanda. Despues di esey mi a regresa Aruba unda mi a ocupa diferente posicion manera: Compliace officer na un Banco y tambe na un Money Transfer Company.
E tempo ey mi tabata miembro di ACAMS cual ta un associacion international di Compliance den Anti Money Laundering, unda cu e combinacion di mi conocimento di Terrorism Financing a sa duna su aporte na companianan y banconan local.
Na aña 2009 mi a cuminsa duna les na Abraham de Veerschool y hopi biaha mi persona ta yuda otro schoolbesturen na San Nicolaas dunando les y asina aportando na nos Sistema educacional.
Na aña 2011 mi a termina mi Masters den Special Education Needs (SEN), unda cu mi thesis a bay over di e taalvaardigheid di e alumnonan cu ta drenta un MAVO school y aki a crea un programma pa boost up e conocemento di un mucha riba e idioma Hulandes.  

Expresionnan haci den e articulo aki no necesariamente ta refleha opinion di ArenaPoliti.co