{idkey=3117b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5609-dangui-oduber-mep-gobierno-di-avp-a-haci-tur-corrupcion-bira-legal%3FItemid%3D101][title=Dangui+Oduber+%28MEP%29%3A+Gobierno+di+AVP+a+haci+tur+corrupcion+bira+LEGAL%21][desc=E+ta+obvio+y+bisto+cu+e+gobierno+di+AVP+bao+liderazgo+di+Mike+Eman+a+haci+tur+practica+di+corrupcion+bira+legal.+Ta+parce+cu+e+gobernantenan+di+AVP+a+perde+gevoel+y+no+tin+cuero+di+cara.+Ta+masha+hopi+corrupcion+a+tuma+lugar+e+ultimo+8+anjanan+aki.+Tin+un+rapport+cu+a+wordo+traha+riba+otorgamento+di+permiso+y+e+conclusion+tawata+cu+pa+haya+algo+regla+serca+gobierno+mester+paga.+Asina+e+gobierno+aki+a+duna+un+famia+mas+cu+120.000+M2+di+tereno+pa+pone+na+benta.+Cua+ciudadano+ta+haya+120.000+M2+for]}
E ta obvio y bisto cu e gobierno di AVP bao liderazgo di Mike Eman a haci tur practica di corrupcion bira legal. Ta parce cu e gobernantenan di AVP a perde gevoel y no tin cuero di cara. Ta masha hopi corrupcion a tuma lugar e ultimo 8 anjanan aki. Tin un rapport cu a wordo traha riba otorgamento di permiso y e conclusion tawata cu pa haya algo regla serca gobierno mester paga. Asina e gobierno aki a duna un famia mas cu 120.000 M2 di tereno pa pone na benta. Cua ciudadano ta haya 120.000 M2 for di gobierno pa bende? No solamente e famia a haya tereno pa bende sino coordinador di minister Sevinger tambe ta haya tereno pa bende. Banda di esaki senjora di coordinador ta tramita permiso cu e casa mes ta fix cu minister Sevinger. Mas leu aun propio casa di minister ta fix permiso y ta tramita permiso. Ta bon pa pueblo ta informa kende tin e negoshi di tramita permiso cu yama Red Apple y kende ta e minister encarga pa firma e mesun permisonan cu su senjora mes ta tramita.

Pa 8 anja OM tawata na sonjo y despues di 8 anja a bin realiza cu tin negoshi cu permiso. Nos no sa kiko lo ta e resultado di e investogacion contra minister Paul Croes pero hecho ta cu a haci un inval pisa na cas y tambe a gara un trahador illegal na su cas. Na momento cu gara un persona illegal ta labora na cas caba ta un acto castigabel pa ley pero pa gobierno di AVP tur cos a bira normal y tur cos ta legal. Partido AVP no tin integridad y mucho menos moralidad. Loke nan ta haciendo cu e pais aki ta duna e ehempel cu tur cos malo ta bon. Nan semper kier praat recht wat krom is.

Mirando tur loke ta pasando riba e pais aki partido MEP a bisa cu ta basta cu tanto corrupcion. Mester bin un ley di integridad cu porcierto partido MEP ta trahando riba dje pa asina por entrega esaki na presidente di parlamento. Banda di esaki mester bin cu e ley di financiamento di partidonan politico. Nos ta nota cu anja di campanja patido AVP tin masha hopi placa disponibel pa campanja siendo cu nos nunca a mira of tende cu nan lo a tene un fundraising. Anto e orae pregunta principal ta surgi, ta di unda tur e placanan aki ta bin? Ta kende ta esnan cu ta financia campanja politico di AVP? Kende ta esnan cu ta wordo benefcia durante period di gobernacion? Pasobra ta obvio y bisto cu e puebo no a progresa e ultimo 8 anjanan aki y ta e grupito di friends with benefits a haya tur cos. E famia Arends cu ta donjo di AVP a haya tereno, a haya contract di radio, tur sobrinonan a haya contract di mas cu 10,000 florin pa luna, a haya a contract pa transporta materialnan di hospital.

Tur loke ta pasando mester yega na un fin. No por ta asina cu AVP ta goberna pa famia y ta lubida riba e homber chikito, ta lubida riba e pueblo! Mester bin un cambio pa pone hendenan responsabel y integro den gobierno.

Expresionnan haci den e articulo aki no necesariamente ta refleha opinion di ArenaPoliti.co