{idkey=8122b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5725-booshi-wever-upp-avp-kier-lusten-pero-no-e-lasten-cu-e-servidor-publico-si-tin-conforme-lma%3FItemid%3D101][title=Booshi+Wever+%28UPP%29%3A+AVP+kier+%26quot%3BLUSTEN%26quot%3B+pero+no+e+%26quot%3BLASTEN%26quot%3B+cu+e+servidor+publico+si+tin+conforme+LMA%21][desc=]}
Diaranzon ultimo tabatin un reunion publico unda lo mester a trata e ley di iniciativa di un miembro di fraccion di AVP, na unda lo a regla ken lo por bira minister y ken no y esaki basa riba e normanan di integridad.

UPP tin e aspecto aki den su programa y ta para 100% tras tipo di leynan aki. Sinembargo un biaha mas nos mester a constata cu AVP no ta kere realmente den loke nan kier a regla. Con por ta posibel cu un ley cu mester ta uno cu no tin espacio pa ningun hende "get away," nos mester constata cu un biaha mas AVP kier acomoda hendenan cerca di nan. Pues un biaha mas trece cambionan al respecto djies pa e acusado Paul C. wordo acomoda di tal manera cu esaki por sigui cobra su honorario dushi asina na su cas. Esaki ta un ehempel di un "gelegenheidswetgevig" den optima forma.

Alabes nos por ripara cu e ley aki ta uno discriminatorio si nos compar'e cu nos LMA, pues ta contra articulo 1 di nos Constitucion. Cu e cambio cu a trece na ultimo momento nos por constata alabes con hipocrita AVP ta.

Na aña 2014, AVP kier a trece cambio den e areglo di e salario pa parlamentario y nan tabata kier un "rechttrekking" pa loke ta trata e "voor- y najaarspremie" cu e ambtenaar nan ta goza di dje. Pues aki AVP kier ta mescos cu e ambtenaar pa cobra e primanan aki, pero ora cu ta trata di un violacion di ley of acusacion penal, e ambtenaar SI ta wordu geschorst of kita for di trabao, pero nan minister cu tin 4 cargo contra dj'e den un investigacion  penal y ta un sospechoso, AVP kier dun'e un trata preferencial. Esaki simpelmente no por. Dus ora cu nos ta papia di sanccion cu SI ta conta pa e ambtenaar, e ora ey  AVP no kier tende di "gelijktrekking".

Esaki ta loke a ser trata dos aña pasá:
Artikel 2 di e Ontwerp: 
"Alle wettelijke regelingen die voor ambtenaren, in dienst van het Land Aruba, gelden en betrekking hebben op de rechtspositie"!!! Mas aleu den e Memorie van Toelichting tin para:
"Met het onderhavige ontwerp wordt derhalve beoogd een volgens de ondergetekende met bedoelde omissie te herstellen en daarbij zorg te dragen dat de politieke ambtsdragers in aanmerking kunnen komen voor de overeenkomstige secundaire voorwaarden op dezelfde voet als ambtenaren zouden krijgen." A base di esaki tambe algun siman atras a manda un rondschrijven pa asina duna ambtenaarnan cu ta non-actief, pero ta den Staten of ta Minister, e chens pa entrante e aña aki cobra tambe nan ambtsjubileum.

Dus cu otro palabra: AVP kier "LUSTEN" pero no e "LASTEN" manera e ambtenaarnan SI tin.

UPP ta spera cu e ley aki por wordo manda “ter vernietiging” pa Hulanda dor di Gobernador, sino manera e Parlamento nobo sinta na oktober, un di e prome leynan cu mester wordo coregi sigur ta e ley aki, unda ta pone e.o. sancionnan pa no cumplimento di ley y mescos tambe cambia e parti cu por exonera un minister na momento cu e ta sospechoso di un of otro delito. En todo caso, cu e ley aki AVP a duna cara di no ta respeta e espirito, e esencia y e intencion di nos fundadornan di nos pais mas di 30 aña pasa ora cu nan a prepra e constitucion di Aruba. UPP, pa un mihor mañan.


Lider di Partido UPP 
Booshi Wever 
1 juni 2017

Expresionnan haci den e articulo aki no necesariamente ta refleha opinion di ArenaPoliti.co