{idkey=6268b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5750-joselin-croes-por-e-forsa-nobo-por-tin-bista-pa-problema-grandi-y-chikito-di-nos-isla%3FItemid%3D101][title=Joselin+Croes+%28POR%29%3A+E+Forsa+Nobo+POR+tin+bista+pa+problema+grandi+y+chikito+di+nos+isla][desc=]}
E forsa nobo ta un partido pragmatico cu no solamente tin bista riba e problemanan grandi manera nos economia cu ta basa solamente riba un pilar economico, nos leynan cu ta hopi anticua, nos cuido medico cu ta carese di calidad halto, nos siguridad di nos hendenan cu dia pa dia ta un problema mas grandi y no ban lubida e debe grandi di nos isla tin cual lo mester wordo paga dor di no y dor di e proximo generacion. E forsa nobo tin bista tambe riba problemanan chikito manera problema di cacho di caya cu dia pa dia ta birando un problema mas grandi. E consecuencia di e problema di e tantisimo cachonan di caya cu tin na Aruba ta cu e tin consecuencia riba e salud di nos hendenan, e tin consecuencia riba e percepcion di e turista di nos isla y nos hendenan, e tin consecuencia pa e siguridad di nos hendenan riba caya pero mas importante aun e ta inhumano pa nos mester para mira bestianan sufri di hamber, sarna, auto ta dalnan, abandono. E forsa nobo hunto cu un grupo di expertonan riba e tereno ta trahando riba un plan di sterilizasion, adopcion y den un tipo di "dog farm".

Un otro problema cu tambe POR ta trahando riba dje ta mehoracion di nos transporte publico. Hopi hende te e dia di awe mester cana oras largo di bushalte pa nan cas paso no tin un bus ta yega serca di nan cas. E ta hustamente e grupo mas nesesita cu ta hasi uso di bus. POR lo bai scucha di e bus chaufeurnan chikito y Arubus kico ta e rutanan mas usa y mira e posibilidad den traha hunto pa asina e usuarionan di bus no mester cana tanto pa yega nan cas y pa asina mejora e servicio di transporte publico. 

Un bon servico di transporte publico lo trece cune cu mas hende lo hasi uso di dje cual tambe lo yuda proteha nos medio ambiente y lo baha e problema di fila di auto. 

Un otro problema cu POR tin atencion pele ta e hecho cu por lo menos 50 porciento di tur nos camindanan ainda ta di santo cual ta danja y susha bo auto y ta baha e balor di bo cas. POR banda di traha un plan detaya pa soluciona e problemanan grandi di nos pais e tin plannan tambe pa soluciona problemanan menos grandi pero cu ta biba den e curason di nos hendenan. Un voto pa POR ta un voto pa un cambio sigur. Abo mester POR trece e cambio cu Aruba tanto ta anhela, abo ta bai defini e futuro di nos isla pa nos yiunan.

Expresionnan haci den e articulo aki no necesariamente ta refleha opinion di ArenaPoliti.co