{idkey=891b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5896-benny-nisbet-ppa-e-asercamento-cu-a-fracasa-tabata-di-sra-trudy-hassel-como-ciudadano-no-di-red-a-lo-menos-esey-a-worde-informa-na-ppa%3FItemid%3D101][title=Benny+Nisbet+%28PPA%29%3A+%E2%80%98E+asercamento+cu+a+fracasa+tabata+di+sra.+Trudy+Hassel+como+ciudadano%E2%80%A6.+No+di+RED+a+lo+menos+esey+a+worde+informa+na+PPA%21%E2%80%99][desc=]}
Cu cierto emocion sr. Ricardo Croes Lider di RED a hasi un esfuerzo pa splica pueblo di Aruba cu RED lo a hasi un esfuerzo pa combina lista cu demas partido (Chikito!) pero cu e partidonan aki (6) lo a rechasa esaki. Berdad cu net despues cu sr. Ricardo Croes a worde elehi como Lider di partido RED …nos a topa otro pafor di Hit 94 unda sr. Ricardo Croes a informami cu si acaso nos lo ta interesa pa papia riba e topico aki nan lo ta dispuesto. Despues saliendo for di Mariott Hotel e dia di e conferencia di prensa di KvK el a bolbe cuminsa riba e topico pero ora mas persona a bin acerca nos no a termina e conversacion. Esey ta locual ta trata e intercambio entre RED cu PPA riba e topico aki.

Asercamento di sra. Trudy Hassell riba e topico aki:

Fecha 15 di juni(diabierna) mi a worde pidi pa mi number di telefon. Despues cu mi a manda esaki pa e persona a bin resulta cu tabata sra. Trudy Hassel (Comisario di Polis) pero cu NO tabata acercando PPA como tal. El a splica cu como ciudadano E kier a hasi un esfuerzo pa wak si e partidonan chikito lo ta dispuesto pa bin hunto pa discuti un eventual combinacion di lista.

Mi a splica cu mi NO por accepta un invitacion asina sin cu mi directiva y partijraad dunami e bendicion aki y mi a splica cu mi impression ta cu e lo ta dificil mirando cu nos a jega hopi leeuw den prepara partido pa bai eleccion. Mi a bisele pa jamami bek diamars di e sigiente siman !!

Sin embargo diasabra net prome cu nos reunion di directiva/partijraad mi a ricibi un invitacion p/m di messenger…..cual mi a presenta den nos reunion. Unanimamente partido a tuma e decision pa no bai den e direccion aki pa motibonan cu nos partido a evalua.

Dialuna mi a informa sra Trudy Hassell di esaki !! El a cuestionami na e argumentacion di PPA cual eigenlijk nos no debe ningun hende. Pero mi a splica hopi cla cu PPA ta desea di bai eleccion como PPA pa sirbi bienestar general di Aruba y el a informami cu e ta respeta esey.

Declaracion sr Ricardo Croes na Top 95 (noticiero di mainta di sr. Hans Geerman):

Cu un stem basta emocional mi por a scucha sr. Ricardo Croes splica cu TUR partido lo a nenga pa forma un lista combina cu partido RED !! Despues el a cuminsa splica y ataca varios lider individual cuminsando cu Lider di MAS sr. Ommi Henriquez pa despues ataka mi persona. Splicando cu sr. Benny Nisbet a laga nan sa cu E (BENNY NISBET) ta bai su so campanja etc. !! Mi pregunta ta na ki momento PPA/Benny Nisbet a declara esaki na RED.

Sra Trudy Hassell a splicami claramente cu E NO ta representa NINGUN partido …hasta ora el a manda e invitacion el a sinti e deber di splica pakiko e reunion lo a bai tuma lugar na oficina di RED..!! Con por ta cu si sra Trudy Hassell NO a aserca ningun partido den nomber di RED pero como persona…..esaki ta duna sr. Ricardo Croes Lider di RED derecho di ataka Lidernan cu NO a bai di acuerdo cu e invitacion di sra T. Hassell ??

Mi kier ta masha cla…..den PPA NO ta Benny Nisbet ta dicidi riba algo asina pero directiva y partijraad di partido !! Y ta UNANIMAMENTE a worde dicidi di NO bai e direccion aki !!

Awor varios partido SI a accepta e invitacion di sra. T Hassell y a bai reuni na sede di RED. Nan lo a ricibi un proposicion di RED pa nan bai como lista combina cu e nomber di RED PA TUR !! Esta un insulto pa inteligencia di e partidonan cu a bai !!

Despues cu PPA a tuma nota di esaki y mucho mas, PPA a keda hopi satisfecho cu nos NO a bai e reunion aki !!

Nos info ta cu sr. Ricardo Croes lo a actua bastante ‘arogante’….! SI 5 (cinco ) partido a rechasa RED su proposicion ‘concreto’ ……‘por algo sera !!’

Cannabis ….?

Na e momento aki ta hopi cla cu TUR partido ta dispuesto pa regla ‘cannabis medicinal’ cual e.p. no ta un issue mas pero lo mester worde atendi pa esnan cu logra mandato di pueblo dia 22 di September proximo. Pa locual ta trata e ‘cannabis recreacional’ majoria partido no ta desea di legalisa esaki cu excepcion di RED. Nos di PPA tampoco ta desea esaki ! E por ta dificil pa Lider di RED Ricardo Croes accepta e posicion aki di demas partido pero e mester sinja duna ‘respet’ na kada Lider di partido envez di actua arrogante pasobra e no ta logrando su kier. Si e a priminti algun cu interes ajeno cu e lo hasciele legal ta su responsabilidad NO di lo demas partido !!

Den pueblo di Aruba tin un cantidad enorme di pueblo cu tin e mesun opinion, claro lo tin cu tin un otro opinion. Tempo lo demonstra con pueblo realmente ta pensa di esaki !! Y si esaki ta mas importante cu un hala di otro ‘issue’ manera e crisis financiero, e crisis economico, pobreza , ensenansa etc etc cu lo forma parti di e discussion democratico. PPA ta di opinion cu door di mustra respet pa opinion di otro nos lo por jega mucho mas leeuw cu practica un arogancia .


Aruba, 4 di juli 2017
Lider Politico di PPA
BENNY NISBET

Expresionnan haci den e articulo aki no necesariamente ta refleha opinion di ArenaPoliti.co