{idkey=4312b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5769-benny-nisbet-ppa-e-pobreza-na-aruba-cu-tey-den-forma-structural-y-ningun-signatura-ni-mep-ni-avp-no-a-hiba-un-maneho-pa-frene-ni-elimine%3FItemid%3D101][title=Benny+Nisbet+%28PPA%29%3A+%E2%80%98E+pobreza+na+Aruba+cu+tey+den+forma+structural+y+ningun+signatura+ni+MEP+ni+AVP+no+a+hiba+un+maneho+pa+frene+ni+elimine%21%E2%80%99][desc=]}
I.LO. (International Labour Organization) a duna un mensahe cla den direccion di autoridad di Aruba na 2005 den nan rapport den cual nan a bisa ‘Aruba has a system that creates poverty & maintains poverty’….un ponencia hopi fuerte y nan a propone pa Aruba tene un discussion nacional pa trece cambio den e sistema pero ningun signature NI MEP NI AVP no a dedica atencion na e problematica aki !

Prome cu PPA bai un vez mas den e sistema cu I.L.O ta senala ..PPA kier referi na e historia di nos salario minimo..!

A. Ora Aruba a drenta su Status Aparte …Aruba a hereda un sistema di Antiyas Neerlandes cu tabatatin 4 categoria di salario minimo. Un pa esnan cu ta biba y traha na cas y tres categoria pa e Mercado laboral di Aruba. E tempo ey categoria no 1 (trahadornan den construccion y refineria tabata ganando cerca di f. 1000,-- pa luna, categoria no 2 tabata ganando mas of menos f. 800,-- y categoria no 3 un algo menos cu f. 700,-- pa luna. E diferencia tabata sinta cu e diferente tipo di negoshi no por a paga e mesun salario minimo basa riba nan desaroyo economico. Gobierno a dicidi di crea UN salario minimo cual e.p. a zona positivo. Sin embargo NO a hasi un estudio pa mira cuanto anja atrasa di pago den ‘indexering’ basa riba inflaccion tabatatin na e momento ey ! Gobierno a manda un carta Staten bisando cu nan no a ricibi informacion cu e salario minimo di categoria 3 (cu a worde usa como e base) lo NO ta jega pa un famia por biba.. Esaki tabata un mentira flagrante.
Entodo caso a dicidi di ‘freeze’ salario di categoria number 1 pa un periodo di entre 6 pa 8 anja. Cu otro palabra e categoria aki NO a ricibi indexering pa e periodo aki cual naturalmente a affecta nan forza di compra seriamente. Categoria no 3 a worde permiti pa crece pa jega categoria no. 3 y despues nan dos hunto a crece bai na e salario minimo di categoria no. 1. Consecuentemente esnan cu tabata den categoria 2 y 3 a crece substancialmente den salario minimo pero esnan den categoria 1 (refineria y contratistanan) a perde entre 6 pa 8 anja di indexering na un averahe di 2.5 % pa anja, cual ta nifica un atraso di entre 15 pa 20 % di un salario minimo. Na mes momento apesar cu categoria 2 y 3 a crece substancialmente …e realidad ta cu e procedura aki tambe tabatatin consecuencia cu nan nunca no a jega na e nivel di e salario minimo cu lo mester ta esta un 15 pa 20% mas.
Nunca mas …ningun studio a worde hasi si trahado cu ta traha den e x sector Uno esta (construccion/refineria) lo por ta worde teni na un ‘salario minimo’ mas abao cu nan realmente lo tin derecho riba djele…si nunca no a entroduci esaki ?

B. E MENSAHE DI I.LO…..? ARUBA CU POBRESA STRUCTURAL !! FORSA DI COMPRA BAIENDO ATRAS !! …PAKIKO ? DI CON ?
I.L.O. analisando e forma cu ta hasi pa jega na e ‘inflacion’ y despues aplica esaki como indexering a informa bon cla cu fuera cu autoridad di Aruba tin vez NO ta duna e trahado e ‘indexering’ cu e tin derecho riba djele …cual NO duna ta nifica cu e trahado su forza di compra ta bai atras. Ora cu gobierno di Aruba si duna esaki…nunca gobierno ta duna esaki completo pero gobierno ta duna 0.8% di locual e trahado tin derecho riba djele !! Y aki ta unda I.L.O. ta bisa cu un maneho asina ta sigui affecta e forza di compra di e trahado anualmente cu den curso di tempo ‘mediano y/of largo’ Aruba su sistema ta crea pobresa y ta mantene pobresa. P.e. si den un periodo di 20 anja …. Varios anja NO a paga e indexering y ora paga ta paga solamente 0.8% …esaki ta affecta e ‘forsa di compra’ di e trahado seriamente …te cu e ta crea pobresa y ta mantene pobresa pasobra e ‘forsa di compra’ di e trahado ta bai sistematicamente atras. Esaki ta causa tambe cu bo ta affecta bo economia den curso di tempo pasobra si e trahado NO tin e forsa di compra y no por cumpra cu consecuencia cu bo ta affectando e negoshinan local seriamente tambe !!

C. Sigiendo cu e mensahe di ILO na 2005 !! E crecemento economico di nos pais ??
ILO a sigui splica cu e sistema di C.P.I ‘consumer price index’ no ta sirbi pa economia chikito pasobra e ta affecta e ‘forsa di compra’ den diferente forma. I.L.O a splica cu e sistema di C.P.I. NO ta duna e trahado cu ta depende di un salario minimo y poco riba djele un parti di locual ta worde jama e ‘crecemento economico di nos pais’.
Fuera cu e trahado den e sistema di CPI y e maneho di gobierno di Aruba NO tur anja ta ricibi su ‘indexering’ basa riba inflacion…..ora cu si paga esaki NO ta pagele ‘completo’ na e trahado tampoco.
Pero pa colmo den e sistema di C.P.I. NUNCA e trahado no ta ricibi un parti di e crecemento economico di nos pais !! Cu otro palabra I.L.O. a mustra claramente cu e crecemento economico di nos pais ta worde parti grandemente den un grupito chikito riba nos pais!! Esey ta splica tambe pakiko e asina jama ‘Lorenz Curve’ di Aruba ta asina ‘dobla’ cual ta nifica cu NO tin un reparticion husto di e entrada nacional di pais Aruba. Aruba tin un entrada ‘per capita’ halto cual e.p. lo mester refleha den un pais rico cu un pueblo cu entrada husto y un bon ‘forsa di compra’. Pero na Aruba esaki NO ta e caso.
Pa tal motibo I.L.O a propone na gobierno di Aruba na 2005 pa tene un ‘decussion nacional’ riba e topico aki …cu e meta pa evalua e sistema di C.P.I ‘consumer price index’ versus un otro sistema cu jama N.A.W.I. esta Nacional Average Wage Index cual sistema ta garantisa pago di ‘indexering’ completo basa riba e ‘inflaccion’ y cual sistema ta garantisa cu junto cu e indexering lo worde paga anualmente un parti di e crecemento economico di nos pais na kada trahado arubiano.
Pero te awe NI e signatura MEP ni e signatura AVP NO a dedica atencion serio na e problematica aki.

Y nos no mester lubida cu TUR ciudadano cu ta biba di un ‘onderstand, bijstand, pensioen y salario minimo y hasta un poco mas halto cu esaki ta depende di un sistema di ‘indexering’ husto pa nan por mantene nan ‘forsa di compra’ y participa den crecemento economico di nan pais. Locual I.L.O. ta bisa NO ta e caso na Aruba ..na Aruba ta crea pobreza ..pasobra e sistema cu Aruba ta usa NO ta na bienestar di e trahado…E NO ta mantene su forza di compra di e trahado !!!

Splicando esaki na pueblo….Si acaso PPA participa den Staten y/of Gobierno …PPA lo organisa un ‘descussion nacional’ entre gobierno, donjo di trabao y trahado pa evalua cambio di e sistema den curso di tempo. Cu e meta pa mira con por jega na un sistema cu ta ‘garantisa’ e clase trahado su forza di compra p/m di un sistema di indexering husto y un parti di e progreso economico (ora tin !) pa TUR !!...Esaki ta meta di partido PPA …un maneho laboral husto….un sistema di indexering basa riba inflaccion husto…..y un reparticion di e crecemento economico husto..!

Cu e splicacion aki PPA a splica pakiko segun I.L.O Aruba conoce un sistema di pobresa ‘structural’ y cu esun pober ta den un spiral di pobresa cu su ‘forsa di compra’ no ta worde atendi husto p/m di gobernacion !!

Aruba, 11 di juni 2017
Lider Politico di PPA
BENNY NISBET

Expresionnan haci den e articulo aki no necesariamente ta refleha opinion di ArenaPoliti.co