{idkey=3672b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5582-jan-de-ruijter-e-maneho-berde-sin-sentido-di-mike-godfried-eman-parti-8%3FItemid%3D101][title=Jan+de+Ruijter%3A+E+maneho+berde+sin+sentido+di+Mike+Godfried+Eman+%28parti+8%29][desc=E+%26amp%3Bnbsp%3BHENDE+%26amp%3Bnbsp%3BPETERS+%26amp%3Bnbsp%3BEY+%26amp%3Bnbsp%3BDI+%26amp%3Bnbsp%3BE%26amp%3Bnbsp%3B%E2%80%9CBUREAU+%26amp%3Bnbsp%3BONZINNOVATIE%E2%80%9D+Y+%26amp%3Bnbsp%3BSU+%26amp%3Bnbsp%3B%E2%80%9CHACKATONS.%E2%80%9D%26amp%3Bnbsp%3B+%26amp%3Bnbsp%3BWEITA+%26amp%3Bnbsp%3BCON+%26amp%3Bnbsp%3BBRUH%C3%81+%26amp%3Bnbsp%3BY+%26amp%3Bnbsp%3BENLOKEC%C4%BA+%26amp%3Bnbsp%3BUN+%26amp%3Bnbsp%3BHENDE+%26amp%3Bnbsp%3BPOR+%26amp%3Bnbsp%3BBIRA%21%26amp%3Bnbsp%3BE+persona+di+Peters+ta+parce+di+ta+completamente+enlokec%C3%AD%2C+y+lo+mi+splicabo+esey.%26amp%3Bnbsp%3BE+asina+yam%C3%A1+%E2%80%9Chackatons%E2%80%9D+por+tin+nan+balor+manera+e+ta+splica%2C+tanten+cu+ta+trata+di+it-ers%2C+apps%2C+smartphones%2C+computors%2C+Google%2C+Apple%2C+Microsoft%2C+Samsung+y+Nokia%2C+pero]}
E  HENDE  PETERS  EY  DI  E “BUREAU  ONZINNOVATIE” Y  SU  “HACKATONS.”   

WEITA  CON  BRUHÁ  Y  ENLOKECĺ  UN  HENDE  POR  BIRA! 
E persona di Peters ta parce di ta completamente enlokecí, y lo mi splicabo esey. 
E asina yamá “hackatons” por tin nan balor manera e ta splica, tanten cu ta trata di it-ers, apps, smartphones, computors, Google, Apple, Microsoft, Samsung y Nokia, pero pa loke ta trata desafionan y temanan di comunidad, muher, consulta cu un bon dokter y laga e saminabo; pa algo asina bo no ta bay pensa na invita recien nacínan, teenagernan, y amateurnan chicito toch?!
E problema di e centro di ciudad, cu by the way NO yama mainstreet, pero Caya G. F. – Betico – Croes, señora, bisa e fastioso di Mike Eman ey, cu bo ta resolve e problema ey cu participacion activo, voz y voto (inspraak) di esunnan directamente envolví, esta entre otro e comerciantenan y e doñonan di e pacusnan perhudicá, kendenan sa exactamente kiko ta e problema.
Sra. Peters ta sigui bisa: “Y Oranjestad, y especificamente e mainstreet y tur e region alrededor di esey, den e ultimo añanan a wordo drechá hopi bunita mes”, y asina ta lembe y ta smeer e stropi acompañá pa un smaak vies den su boca, causá door di e lembemento.
Nada a wordo drechá “masha bunita”, e cayanan den vecindario di Caya Betico Croes NO ta cla, e fonteinnan NO ta traha, y e ciudad mes ta asiiiiina bunita cu ningun hende no ta yega eybanda…asiiiiina  buniiiita!!

E PALABRA MAGICO TA SIMPLEMENTE: 
PARTICIPACION ACTIVO, “VOZ  Y  VOTO”; “INSPRAAK”
Tur locual e tal Peters ta sigui scirbi den su articulo di dia 2 di mei den un corant local encuanto e huntamento (“samenbundelen”) di forzanan, “co-creatie”, traha riba e futuro, un mundo cu ta cambiando, y otro comportacion di consumidornan, no ta nada pa “pubernan” y teenagers, muchanan chicito y amateurnan, pero pa expertonan, profesionalnan y tur esunnan envolví cu mester tin e “inspraak” mencioná mas ariba.
Bo kier tende kiko ta e receta di dokter pa nos Caya G. F. – Betico - Croes?
Ate aki:

1. Cubri e caya na un manera simpel manera ta e caso na Renaissance Marketplace, sino bo NO ta haya e turistanan ta bini entre 11’or y 4’or. Esaki ta e berdad: e consumidor a cambia, y e NO ta bay cana of keiro mas den un fierno di mas cayente, y tampoco den un caya cu no ta cubrí.

2. Deshaci di e parkeermeternan di Otmar Oduber y Mike Eman (no kiboka: esakinan ainda ta 4 man bao di un barica! – 4 handen onder één buik).
   
   
3. Ta basta cu e pretencion y e ilusion di un hotel di 5 strea Hyatt Place; na su lugar traha diferente apartamento pa hobennan. Ta conocí cu unda tin hende ta biba, di mes e ambiente ta bira agradabel.
   
   
4. Pues, habri mas restaurant chicito, bistro, bar, terasanan, y hacié hopi “gezellig”! Pero di mes, duna esakinan di biaha tambe un permiso pa nan keda habrí anochi! Na e momentonan aki e restaurant Italiano den Caya Betico Croes MESTER SERA 6’OR; PA HOPI AñA CABA nan ta wordo nenga un permiso pa nan habri anochi!!

5. Meimei riba e parti bashi pone un “landmark”, un atraccion di un prestigio internacional, algo cu mester haya fama internacional, por ehempel un superbar manera e Rosie O’Grady’s Good Time Emporium na Orlando, Florida, of un Pat O’Briens of un Beachbum Berry’s Latitude na New Orleans, Louisiana, cu entretenimento y un ambiente agradabel y placentero!
   
   
6. Na entrada di Caya G. F. (Betico Croes) por habri un restaurant specializá di Paella y Sangria cu entretenimento di shownan di flamenco, mariachi y tango.
   
   
7. Organisa nochinan di compra (“shopping nights”) especial.
   
   
8. Analisa hopi bon ki clase di pacus turistanan kier y ta gusta bishita, y percura pa e pacusnan establece nan mes tambe; planea e cos aki y no warda riba cualkier prome aventurero cu tambe kier habri un tienda.
   
   
9. Kiko cu bo haci, hacié cu “inspraak” (voto y voz) di expertonan,  profesionalnan y e comerciantenen y doñonan di e pacusnan envolví.

E  EMAN-NAN  Y  E  OMAN-NAN
By the way, tur esaki no ta ningun noticia nobo! Tur e cosnan aki a wordo skirbí y comentá hopi biaha caba, y e comerciantenan a pidi pa e cosnan aki hopi biaha y pa basta tempo caba. Pero e gobiernonan di e Eman-nan y e Oman-nan no kier scucha y ta haci net lo contrario:

1. tur e comerciantenan y doñonan di pacus mester bati bancarota;
2. nos ta logra esey door di sera Caya Betico Croes pa 6 aña largo;
3. nos ta logra esey door di e compra inutil di tramnan;
4. nos ta logra esey door di bini cu e “parkeermeter”-nan;
5. nos ta logra esey cu e “autoklem”-nan;
6. pero tambe nos ta logra esey door di bini cu proyectonan fantasma of di fantasia, manera un Hyatt Place di 5 strea, djis pa mantene apariencianan. (“apariencia engaña!”)

Y, ata: eyden tambe e tal Mens Peters ta hunga un papel estupido, pasobra e ta kere cu e “hackaton”-nan tin algun sentido of algun exito cerca e dictadornan Emancito y Omancito.

Kiko? Bo ta puntra ta kendenan ta e Eman-nan y e Oman-nan?
Naturalmente: e Eman-nan ta e mitad rumannan Henny y Mike, mientras e Oman-nan ta para pa e O.O. - Otje Oduber, e hombrecito “O” (O-mannetje).
No kiboka bo mes si: e Eman-nan y e “O”man-nan te awor aki ainda ta forma un pareha hopi uní, y hunto nan ta 4 man bao un barica (“vier handen onder 1 buik”).
Despues di dia 22 di september nan ta loco pa sigui goberna den un coalicion entre AVP y POR.

KIKO  TA  E  RECETA  DI  DOKTER?
ATE  AKI:
VOTA  MEP,  E  PARTIDO  CU  TA  NA  FABOR  DI  VOTO  Y  VOZ  (“INSPRAAK”) !
Mientras tanto, no keda straño ora bo weita riba medionan social e dos nombernan di cariño di e dosnan aki, esta e E-man-nan y e O-man-nan, y, ken sa, mas cos cu por ta bo no tabata sa di nan.

Jan de Ruijter – This email address is being protected from spambots. You need JavaScript enabled to view it.
Presentá na Papiamento pa Remigio A. R. Wever

Expresionnan haci den e articulo aki no necesariamente ta refleha opinion di ArenaPoliti.co