{idkey=155b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5635-otmar-oduber-por-por-a-lansa-hoben-profesional-eromil-bakmeyer-como-candidato-nobo-riba-lista%3FItemid%3D101][title=Otmar+Oduber+%28POR%29%3A+POR+a+lansa+hoben+profesional+Eromil+Bakmeyer+como+candidato+nobo+riba+lista][desc=Mas+cu+15+a%C3%B1a+di+experiencia+sirbiendo+comunidad+den+area+di+Salubridad+%26amp%3Bnbsp%3B+%26amp%3Bnbsp%3BAyera+durante+di+un+encuentro+cu+prensa+partido+Pueblo+Orguyoso+y+Respeta+%28POR%29+a+lansa+un+candidato+nobo+riba+nan+lista+esta+Eromil+Bakmeyer.+Esaki+ta+haci+cu+e+famia+di+POR+ta+crece+un+tiki+mas+y+awo+ta+consisti+di+12+miembro.+Den+e+proximo+10+dianan+lo+ta+presentando+4+candidato+nobo+di+e+plataforma.Segun+lider+di+POR+Otmar+Oduber%2C+e+ultimo+7+pa+8+simannan+a+combersa+varios+biaha+cu+Eromil.+Un+persona+cu+un+]}
Mas cu 15 aña di experiencia sirbiendo comunidad den area di Salubridad    

Ayera durante di un encuentro cu prensa partido Pueblo Orguyoso y Respeta (POR) a lansa un candidato nobo riba nan lista esta Eromil Bakmeyer. Esaki ta haci cu e famia di POR ta crece un tiki mas y awo ta consisti di 12 miembro. Den e proximo 10 dianan lo ta presentando 4 candidato nobo di e plataforma.

Segun lider di POR Otmar Oduber, e ultimo 7 pa 8 simannan a combersa varios biaha cu Eromil. Un persona cu un curason enorme como ser humano y como tata di famia. Porfin a yega e dia pa cual mi ta sumamente contento di por anuncia Eromil Bakmeyer como candidato di partido POR E Forsa Nobo den e proximo eleccion 22 di september venidero. ‘Locual cu a haci cu nos ta haya Eromil un persona asina importante pa uni riba lista di POR ta e hecho cu e ta un profesional hoben cu un experiencia amplio den Salubridad Publico. Eromil ta studia na nivel di HBO y tin mas di 15 aña di experiencia den e ramo di salubridad. Actualmente e ta traha cu ‘dialyse pashenten’ y ta enfoca riba prevencion di e malesa aki y diabetes.

Particularmente e aspecto di prevencion ta diferencia POR for di otro partidonan unda cu otronan ta dirigi nan mes riba e parti curativo. POR ta kere den traha pa futuro y baha e cantidad di pashentnan cu ta sufri di e malesa aki a base di prevencion. Banda di esaki Eromil ta para pa proteccion contra abuso di mucha den diferente sentido. Eromil hunto cu un otro persona Jairo Maduro a percura pa mas cu 8000 firma wordo recauda y entrega na Parlamento na januari pa loke ta e tema aki. Segun sr. Oduber esaki ta un motibo extra pa cual a acerca su persona.

Eromil Bakmeyer: ‘Esaki tabata un proceso largo p’ami por a tuma e decision pa por ta sinta aki awe. Ultimo tempo mi a wak con e politica ta bay na Aruba y mi no tabata kier forma parti di esaki. Mi ta kere den un politica nobo, mas integro y uno cu ta mas habri cu otro, pero tambe uno unda cu tin e espacio pa dialoga cu otro a base di respet. Si ami ta bay para pa derechonan di mucha, nos mester siña nos muchanan kico ta respet mutuo, nos mester ta e ehempel y mester guia nan. Mi ta un tata di 3 yiu y ta para pa nan, pero mi kier para tambe pa tur otro famianan. Mi ta considera mi mes un Rubiano di e pueblo aki y for di hoben mi a scoge pa sirbi un Aruba digno di prosperidad. Awe mi ta boso dilanti cu e oportunidad aki cu mi a haya pa sirbi comunidad na un nivel un poco mas halto.’ Eromil ta enfatisa cu e kier hiba un politica sano, habri y uno unda cu nos ta respeta otro.

Programa Partido POR 
Durante di e ultimo lunanan E Forsa Nobo a hiba e proceso di “bottom-up approach” pa yega na loke ta e programa di partido cual ta wordo lansa na final di juni. Sinembargo otro siman diamars lo presenta algo innovativo den politica, caminda cu na un forma transparente y habri POR lo haci e plan di accion (cu ta keda un documento den proceso pa e proximo 6 simannan) conoci na comunidad di Aruba.  ‘Lo duna e oportunidad pa tur hende cera conoci cu loke nos a haya como resultado a base di e mas di 70 grupo, instancianan y otronan cu a reuni cu ne, pa por yega na un programa cu oficialmente ta wordo presenta na comunidad. 

Expresionnan haci den e articulo aki no necesariamente ta refleha opinion di ArenaPoliti.co