{idkey=8046b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5605-dangui-oduber-mep-aruba-mester-un-cambio-pa-e-hende-por-progresa%3FItemid%3D101][title=Dangui+Oduber+%28MEP%29%3A+Aruba+mester+un+CAMBIO+pa+e+hende+por+PROGRESA%21][desc=Nos+a+a+nota+cu+den+e+ultimo+8+anjanan+cu+a+transcuri+e+hende+no+a+progresa.+E+ciudadano+cu+ta+traha+40+ora+pa+siman+no+a+conoce+progreso.+Su+situacion+no+a+mira+mihor+y+fin+di+luna+e+NO+ta+keda+cu+mas+placa+den+su+cartera.+Loke+si+a+bira+mas+pa+e+ser+humano+ta+su+debenan.+E+placa+cu+e+ta+keda+cune+fin+di+luna+no+ta+alcansa+pa+hiba+un+bida+digno.+Na+momento+un+partido+ta+tuma+gobernacion+su+tarea+ta+pa+e+ser+humano+conoce+progreso+y+sigur+esaki+NO+a+tuma+lugar+e+ultimo+8+anjanan+aki.+Ningun+hend]}
Nos a a nota cu den e ultimo 8 anjanan cu a transcuri e hende no a progresa. E ciudadano cu ta traha 40 ora pa siman no a conoce progreso. Su situacion no a mira mihor y fin di luna e NO ta keda cu mas placa den su cartera. Loke si a bira mas pa e ser humano ta su debenan. E placa cu e ta keda cune fin di luna no ta alcansa pa hiba un bida digno. Na momento un partido ta tuma gobernacion su tarea ta pa e ser humano conoce progreso y sigur esaki NO a tuma lugar e ultimo 8 anjanan aki. Ningun hende su situacion financiero ta mihor cu 8 anja pasa. Ningun famia ta biba mihor cu 8 anja pasa. Al contrario e situacion pa famianan a bira hopi mas dificil. E pobresa na Aruba ta mas bisto cu nunca. Den campanja di cas pa cas bo ta scuha dolornan di pueblo, bo ta scucha nan sufrimiento, bo ta scucha con nan ta struggle pa yega fin di luna. Actualmente e sueldo minimo na Aruba ta apenas 1639 y e bestaansminimum segun CBS a yega ja caba na 2200 florin pa 1 persona. Tin un gap hopi grandi entre e sueldo minimo y e bestaansminimum. No tin control di prijs na Aruba, no tawata tin un maneho dirigi riba esnan den necisidad. No solamente esaki sino e prijsnan di containernan na Aruba ta ABSURDO. Un container di Miami-Aruba ta costa $7500 siendo un container di Miami-Corsow ta costa $1500. E mudamento di waf a costa e pueblo aki miyones di florin y kibra cartera di famianan. Ta absurdo cu ta tolera pa un compania cobra e prijsnan aki pa transporte di containernan. Mester bin cambio den e systema aki. Gobierno di AVP no a haci nada pa trece alivio den esaki.
E maneho mas bien a wordo guia pa cartera di e ministernan y pa yuda nan amigonan cu tereno, permiso y tur sorto di otro cos.

E cambio na Aruba ta necesario. Aruba ta confrontando problemanan hopi serio y esnan cu a causa e problema aki cu ta AVP hamas y nunca por ta parti di e solucion. 
MEP lo dirigi su maneho na biniestar di e hende. E ser humano mester conoce progreso. Ki bal bo ta inverti segun bo den infrastructura y den bo pais pobresa ta bira mas, problemanan social ta bira mas, esnan cu ta cobra bijstand a auemnta cu 50% y criminalidad ta for di man completamente.
AVP a demostra incapaz pa percura pa progreso di e ser humano y pesey ta importante pa e hende ta central den e campanja aki.
MEP lo percura pa crea empleo, bin cu proyectonan innovativo, lo bin cu mihor control di prijs y pone e hende central den su maneho.

Expresionnan haci den e articulo aki no necesariamente ta refleha opinion di ArenaPoliti.co