{idkey=661b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4331-parlamentario-chris-romero-mep-di-berdad-e-calidad-di-bida-di-nos-arubianonan-a-bay-dilanti%3FItemid%3D101][title=Parlamentario+Chris+Romero+%28MEP%29%3A+Di+berdad+e+calidad+di+bida+di+nos+Arubianonan+a+bay+dilanti%3F][desc=Costo+di+bida+na+Aruba+ta+hopi+halto+y+definitivamente+nos+sa+cu+un+salario+minimo+no+ta+suficiente+pa+mantene+un+famia+mas.+Aki+ta+unda+cu+bo+ta+haya+ambos+mayor+mester+traha+pa+por+cumpli+cu+nan+obligacionnan.+Pero+si+nos+tuma+ehempel+di+un+mayor+cu+tin+tur+responsabilidad+riba+su+mes+pa+cria+su+famia%2C+e+ora+mas+sigur+e+lo+mester+busca+un+di+dos+trabou.+Naturalmente+esaki+lo+por+tin+consecuencia+riba+e+muchanan+cu+ta+lanta+sin+un+guia+adecuado+y+por+lo+general+lo+tin+consecuencia+den+nos+socie]}
Costo di bida na Aruba ta hopi halto y definitivamente nos sa cu un salario minimo no ta suficiente pa mantene un famia mas. Aki ta unda cu bo ta haya ambos mayor mester traha pa por cumpli cu nan obligacionnan. Pero si nos tuma ehempel di un mayor cu tin tur responsabilidad riba su mes pa cria su famia, e ora mas sigur e lo mester busca un di dos trabou. Naturalmente esaki lo por tin consecuencia riba e muchanan cu ta lanta sin un guia adecuado y por lo general lo tin consecuencia den nos sociedad.

Gasto di utilidad ta loke ta hasi cu costo di bida na Aruba ta asina halto.
Awa y coriente ta un necesidad y un compania di utildad di pueblo no ta supuesto na hasi ganashi riba lomba di pueblo. Logicamente cu un compania mester cubri tur nan gastonan y tin reserva pa projecto y mantencion den futuro, pero por limita esaki y maneha e dos companianan aki den un manera “non profit” pa asina yuda baha gasto di e comunidad.

Otro aspecto cu ta contribui na mantene nos costo di bida riba un nivel halto ta gastonan di alimentacion.
Ora nos mira e gastonan grandi cu Aruba tin, e prome cu ta resalta ta e gasto di salubridad. Aunke Aruba ta privilegia di tin un seguro medico general (AZV), e gasto pa manten’e ta bira cada aña mas y mas halto. Un manera cu lo por yuda baha e gasto medico di AZV, ta pa alimenta nos mes na un mihor forma pa nos por mantene nos mes mas saludabel posibel. Pero e problema na Aruba ta cu hopi hende no por paga e costo pa biba y come mas saludabel.
Aunke cu pa fruta y berdura no tin mester di paga impuesto ora nan drenta Aruba, asina mes e prijsnan ta keda ridiculamnete halto. Esaki ta pone cu, por ehempel, un mama di famia mester cumpra loke por y ta extrictamente necesario pa alimenta su famia, pero mayoría di biaha loke por cumpra no necesariamente lo ta e opcion mas saludabel.
Un solucion practico pa regula e prijs di fruta y berdura na Aruba lo por ta di hiba un control estricto na tur supermercado y asina stipula un prijs accesible pa tur hende por paga. Amplia e canasta basico door di inclui fruta y berdura tambe ta un solucion factible, cu lo sigura cu menos hende lo bira malo y asina alivia e costo halto den salubridad na Aruba.

Gastonan di vivienda tambe ta contribui na e prijs halto cu nos ta pagando pa por sobrebibi na Aruba.
Cumpra of huur un cas na Aruba casi ta birando un luho cu hopi no por paga p’e.
Tereno pa construi riba nan ta birando menos cada dia. Banconan ta hopi cauteloso cu prestamo di un hypotheek y FCCA su porcentahe riba financiamento di un cas ta hopi halto. No ta resta mucho opcion cu keda biba mas largo na cas di mayornan of huur un cas of apartament pa por tin un dak riba bo cabes. Esaki tin como consecuencia cu bo ta haya barionan cu ta bay atras hopi liher y ta bira “probleem wijken”.

Impuesto ta algo cu tur persona mester paga y ultimamente nos a haya mas pa paga. Grondbelasting ta un di e impuestonan cu a subi, inkomstenbelasting pa un pareha ya no ta bay hunto mas, y si tin placa pa haya bek nos por wel di lubida di dje pasobra nan lo desconta esaki for di impuestonan cu lo mester paga eventualmente.

Ainda tin e nubia scur di BBA cu ta na caminda, y na lugar di stimula e comerciantenan ta chica nan mas y mas.
Aunke cu Raad van Advies, CAft, Fitch, Standard & Poor´s y IMF, tur ta conseha Gobierno pa baha su gastonan, no ta tumando e consehonan aki den consideracion. Na lugar di busca pa baha gasto, Gobierno ta tuma mas hende den servicio cu consecuencia cu pueblo mester paga mas impuesto pa paga nan salario.
E pregunta ta keda na abo e ora; di berdad bo a bay dilanti den bo calidad di bida?

Expresionnan haci den e articulo aki no necesariamente ta refleha opinion di ArenaPoliti.co