{idkey=3300b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5807-benny-nisbet-ppa-man-pisa-bahando-riba-gab-mike-eman-poco-poco-pero-sigur%3FItemid%3D101][title=Benny+Nisbet+%28PPA%29%3A+%E2%80%98Man+pisa+bahando+riba+Gab.+Mike+Eman+%E2%80%A6Poco+poco+pero+sigur%21%E2%80%99][desc=]}
E investigacion rond di ministro Paul Croes ta birando mas y mas cayente….mientras tanto ja ta cuatro persona cu a worde aresta pa worde cuestiona y algun ja kaba a ricibi un prolongacion di Huez comissario. Ultimo aparentemente un comerciante tambe a worde detini pa worde cuestiona. Tur esaki ta crea un nuvia hopi ‘scur’ riba futuro di gabinete Mike Eman (AVP). Ta manera un man ta bahando poco poco riba gabinete Mike Eman pa posibel maldad comete den curso di tempo.

Tambe rumornan ta masha fuerte cu tin mas investigacion andando y cu dentro di poco nos por spera informacion cu lo tin mas ministro cu ta bao investigacion pa actonan illegal cometi…poniendo un nuvia scur riba credibilidad y integridad di gab. Mike Eman (AVP).

Tur esaki ta crea e impression cu gabinete Mike Eman (AVP) lo a participa den actonan illegal na un forma hamas visto den politica di pais Aruba.

Locual NO ta worde comprende den henter Reino Hulandes ta e hecho con gobierno Eman, Prome Ministro Eman y fraccion di AVP den parlamento por a bai di acuerdo pa manda ministro Paul Croes cu vacacion !! Hamas un aresto di un ciudadano (si acaso cu el a baha) por worde compara cu e aresto di un Ministro despues cu varios ciudadano a worde aresta y lo sirbi como testigo den e caso eventual contra Ministro Paul Croes. E bell di Reino Hulandes lo bai zona …..y lo worde tendi den tur skina di Reino.

E hecho cu Gabinete Mike Eman, Prome Ministro Mike Eman y henter e fraccion di AVP por a bai di acuerdo cu e ‘vacacion’ di ministro Paul Croes ta e ‘bobedad’ mas grandi cu mi a mira den e 4 decada cu mi ta participa den politica. Un aresto di un ministro den function mester tin consecuencia dramatico pa e gobierno na mando….ningun gobierno por keda goberna si acaso esaki sosode segun mi humild parecer.

Realidad di bida ta cu varios ministro di gabinete Mike Eman ta drumiendo hopi malo mes……cualkier sonido den oranan di marduga ta pone nan lanta den panico…..y keremi mi informacion ta di bon fuente….y tin varios combersacion ta tuma lugar entre colega ministro ta con leeuw realmente nan por permiti e asunto aki bai ?

No ta pornada cu diferente miembro di parlamento cu pa anjas ta bisa cu nan lo no regresa riba lista a worde pidi pa regresa pasobra simpelmente e senjalnan ta malo y e liderato ta desea mas politico cu cierto experiencia den parlamento di Aruba en vez di caranan nobo cu por subi lista di partido AVP meimei di e crisis mas grandi cu cualkier partido a pasa den…..den historia politico di pais Aruba.

PPA ta keda sigui e desaroyo tristo aki di acerca….y nos lo tene nos pueblo informa di e ‘novel green green’ aki cu tin varios capitulo pa bai ainda. Info ta bisa cu e capitulo final lo tuma un ‘dos luna’ ainda pero hora e tuma lugar …..e futuro di AVP lo ta ‘green green’ esta nan cu nan mes…..

PPA lo bin bek riba e materia aki.


Aruba, 15 juni 2017
Lider Politico di PPA

BENNY NISBET

Expresionnan haci den e articulo aki no necesariamente ta refleha opinion di ArenaPoliti.co