{idkey=2106b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5385-rene-herde-avp-nada-lo-stop-nos%3FItemid%3D101][title=Rene+Herd%C3%A9+%28AVP%29%3A+Nada+lo+stop+nos][desc=Di+sigui+traha+pa+pone+Aruba+y+tur+nos+hendenan+na+e+nivel+di+bida+cu+nunca+prome+nos+a+yega%21+%26amp%3Bnbsp%3B%26quot%3BE+noticia+cu+un+miembro+di+nos+partido+den+e+funcion+di+minister+ta+wordo+sospecha+di+ta+envolvi+den+cosnan+contra+ley%2C+a+cay+manera+un+bom+serca+nos.+Nos+no+a+wak+niun+preuba+ainda+y+no+ta+na+nos+pa+huzga+niun+hende.+Pero+nunca+nos+a+pensa+cu+hasta+un+sospecho+asina+lo+por+bolbe+sosode+na+Aruba%2C+manera+a+sosode+pa+mucho+hopi+a%C3%B1a.+No+na+Aruba+y+sigur+no+di+un+miembro+di+nos+organisacion+politico]}
Di sigui traha pa pone Aruba y tur nos hendenan na e nivel di bida cu nunca prome nos a yega!  

"E noticia cu un miembro di nos partido den e funcion di minister ta wordo sospecha di ta envolvi den cosnan contra ley, a cay manera un bom serca nos. Nos no a wak niun preuba ainda y no ta na nos pa huzga niun hende. Pero nunca nos a pensa cu hasta un sospecho asina lo por bolbe sosode na Aruba, manera a sosode pa mucho hopi aña. No na Aruba y sigur no di un miembro di nos organisacion politico. Nos a traha mucho duro pa combati y preveni abuso di poder, corupcion y actonan ilicito door di hende den funcionnan publico manera a sosode bou gobierno anterior. Nos sa mucho bon kico tur a sosode bou di gobierno anterior y cuanto nos a haci pa sigura cu hamas e cosnan ilicito ey lo por bolbe sosode na Aruba. Nos a traha mucho duro pa saca Aruba for di tur e diferente crisis y abismonan cu nos pais tabata aden na fin di 2009. Ni un sospecho manera esaki no tin mag di sosode mas. No na Aruba y sigur no den AVP". Asina Rene Herdé di e fraccion di AVP a declara siman pasa.

NADA LO STOP NOS 
Rene Herdé a sigui bisa cu normanan di integridad ta essencial y indispensabel pa gobernacion di nos pais. Nos (AVP) ta tene e normanan aki halto. Nan ta conta pa tur hende y den tur situacion. Pero tanten cu no presenta preuba, nos no por huzga tampoco. Pesey nos ta contento cu a yega na e acuerdo pa e minister bay "non activo" den su funcion, tanten cu e envestigacion ta anda. Asina ta sigura cu Ministerio Publico por haci su trabou sin niun apariencia di intrevencion of estorbo. Rene Herdé: "Mientrastanto tur trabou di goberna nos pais ta sigui. Nos a yega hopi leu den saca nos pais for di e multiple crisis cu MEP a bay laga nos pais aden. E ultimo relato di e bishita di IMF di siman pasa ta preuba di esey. Nos ta wak un cantidad di asunto riba diferente tereno cu nos mester sigui traha riba dje. En particular e creasion di un economia nobo, mas amplio y berde, cu e meta pa sigura Aruba mas stabilidad y mas oportunidad den futuro. E generacion di Arubianonan den futuro mester sigui biba den un Aruba sigur y cu mas oportunidad pa trabou na nivel di nan estudio y nan esfuerso. Esey ta un di nos puntonan di focus principal. Awor cu nos a restaura y mehora e base economico compara cu loke e tabata prome cu 2009, nos por capitalisa y crea e ditres pilar economico. Pero nos mester actua awor y no perde tempo. Tin hopi pa haci pa logra esey y nos ta bay haci'e. No tin nada pa kita nos atencion of stop nos. Ta nos responsabilidad y nos deseo pa pone nos pais na e nivel economico, financiero y social, cu nunca prome nos a yega di logra. Nos ta sumamente motiva door di entre otro e raport di IMF y no tin nada pa stop nos awor!" Asina Rene Herdé a termina.

Expresionnan haci den e articulo aki no necesariamente ta refleha opinion di ArenaPoliti.co