{idkey=2086b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5568-benny-nisbet-ppa-ppa-su-masterplan-pa-desaroyo-di-oranjestad-lo-ejecuta-maneho-y-projecto-strategico-y-lo-hiba-oranjestad-pa-e-proximo-nivel%3FItemid%3D101][title=Benny+Nisbet+%28PPA%29%3A+%E2%80%98PPA+su+masterplan+pa+desaroyo+di+Oranjestad+lo+ejecuta+maneho+y+projecto+%E2%80%98strategico%E2%80%99+y+lo+hiba+Oranjestad+pa+%E2%80%98e+proximo+nivel%E2%80%99%21%21%E2%80%99][desc=E+actual+gobierno+di+AVP+a+%26amp%3Bnbsp%3Bhasi+Oranjestad+%26amp%3Bnbsp%3B%E2%80%98prioridad+number+UNO%E2%80%99+di+su+maneho+%21%21+Esaki+a+keda+demonstra+pa+e+inversion+di+mas+cu+4+billion+florin+den+Oranjestad+mientras+demans+districto+di+Aruba+no+a+ricibi+mucho+%26amp%3Bnbsp%3Batencion+%21+%26amp%3Bnbsp%3BRealidad+sinembargo+ta+cu+tur+e+inversion+aki+Oranjestad+como+centro+di+comercio+y+turismo+a+bai+atras+barbaramente+esaki+a+keda+demonstra+ultimamente+cu+un+grupo+di+comerciante+y+trahado+a+demonstra%2C+protesta+y+a+demanda+pa+stop+di+pone+%E2%80%98klem]}
E actual gobierno di AVP a  hasi Oranjestad  ‘prioridad number UNO’ di su maneho !! Esaki a keda demonstra pa e inversion di mas cu 4 billion florin den Oranjestad mientras demans districto di Aruba no a ricibi mucho  atencion !  Realidad sinembargo ta cu tur e inversion aki Oranjestad como centro di comercio y turismo a bai atras barbaramente esaki a keda demonstra ultimamente cu un grupo di comerciante y trahado a demonstra, protesta y a demanda pa stop di pone ‘klem’ riba auto di bishitante di Oranjestad.

Realidad di bida ta cu gobierno di AVP su maneho no a logra hasi Oranjestad nos Capital  …e Capital di cual nos pueblo ta orguyoso…e capital cu nos pueblo ta content di bishita. E solo pensamento cu pueblo ta bishita Oranjestad cu un miedo panico di no hanja un ‘klem’ riba nan auto ta suficiente….fuera di esey e solo hecho cu turista a hanja ‘klem’ riba nan auto a manda un mal mensahe  pa esnan cu ta bishita nos Isla.

Mester cambia e imagen negative cu Oranjestad tin …e mester purba hasi Oranjesta nos capital bek e centro di comercio, turismo, negoshi cu e tabatata y lo mester bira bek. Pa tal motibo PPA ta preparando nos ‘masterplan  pa  hiba Oranjestad na e Proximo Nivel’ !! Nos lo accentua e.o. lo sigiente.

MASTERPLAN PPA 2017 !!

1. JFK school lo mester bira e proximo ‘Warda di Polis di Oranjestad y Dakota’. Esaki cu e meta di pone nos Cuerpo di Polis funciona for di e sitio mas ‘strategico’ for di unda nan por ranca sali den tur direccion mas efficiente, for di unda nan lo tin un bista riba nos ‘Ontvanger der Belastingen’ cu ta apenas un par di cien meter for di lama…..for di unda nan lo tin un bista riba e desaroyo nobo dilanti  x Talk of the Town y for di unda nan lo ta ‘strategicamente situa’ ora di nos fiesta di Carnaval riba crusada di e ‘ruta’ Vondellaan y L.G. Smith Boulevard. Esaki ta cu e meta pa contribui pa limita ‘criminalidad y insiguridad’ for di e sitio mas strategico. 
2. Expancion di nos haf di Oranjestad cu awo ta ricibi 2 of 3 crusero grandi y 1 chikito. PPA su vision ta ensera cu Oranjestad su haf lo mester ricibi 6 of 7 crusero pareeuw…esaki basa riba un masterplan cu APA NV lo mester ta encarga di djele. Esaki lo crea e espacio cu e cantidad di turista cu Aruba ta ricibi di ‘cruise-turism’ lo aumenta cu un par di cien mil turista extra…despues di e expancion aki. Tambe Aruba cu awor ta un ‘Port of call’ lo mester studia e impacto di un ‘Departure port’ pa nos isla y su impacto riba e.o. Oranjestad den futuro. 
3. Stimula inversion den un ARUBA WORLD TRADE CENTER (AWTC) esaki combina cu un Universidad International cu su facultadnan lo por ta ‘Business, IT y Idioma’ combina cu 1 of 2 business hotels. Esaki lo bira e sigiente pilar economico di nos Isla. Cu lo crea hopi cupo di trabao pa ‘young professionals’ e.o. ! Tambe e lo trece miles y miles di bishitante extra pa nos Isla cu un ‘spin-off’ hopi grandi y positivo pa nos Isla, Oranjestad y caha di gobierno! 
4. Edificio di x DOW mester worde destina pa e.o  ATA si acaso nan desea di tuma esaki !! Pero na mes momento segun PPA mita di djele  mester worde destina pa desaroyo di  Museum cu lo mester projecta  historia y cultura di  nos pueblo en general Oranjestad en particular. E lo por carga e nomber di MUSEUM NACIONAL DI ARUBA/ARUBA’S NACIONAL MUSEUM of un nomber den e direccion aki !! E museum aki su contenido lo mester bira un atraccion pa majoria bishitante na nos Isla….e lo mester duna un projeccion di e crecemento di pais Aruba e momentonan impactante y e desaroyo cultural di nos Pais. 
5. Lo mester pone un final na Aru-parking y crea un instancia cu un tarea positivo….PPA ta propone un Aruba Guide & Security cu lo duna informacion na e bishitante di Oranjestad  y mas un tarea positivo. 
6. PPA ta prefera pa gobierno NO benta e edificio di ‘Bushiri Hotel’ abao esaki PPA ta considera esaki ‘destruccion di kapital’. E edificio aki ta e ‘drama’ di tanto AVP como MEP…pero PPA ta di opinion cu e por worde usa pa varios alternativa. 

1. Un hotel den cuadra di e maneho di ‘Health & Wellness’ cu PPA ta e UNICO partido cu ta projecta desde 2005 ! 
2. Un espacio por worde dedica na un ‘Centro pa nos Grandinan’ unda nos grandinan tanto kedando na centronan existente pero tambe cu ta na nan cas por keda un par di siman pa anja como ‘vacacion’ riba nos Isla. Esaki lo aumenta e calidad di bida di nos grandinan cu ta worde hinca den un ‘Cas pa grandi’ y maske cu tin cu ta den bon condicion no ta ofrecenan pa bandona nan ‘cas pa grandi’ di vacacion y e sitio aki lo por contribui na esaki !! 
3. Tambe tin espacio pa un ‘boutique hotel’ ! 
4. E  beach  pabao di  Bushiri hotel lo worde manteni como ‘beach publico’ locual e ta kaba !! 

PPA su maneho lo ta pa hasi uso di nos ‘historia y cultura’  pa mehora e resultado di e desaroyo economico pa Aruba henter, Oranjestad nos capital  pero tambe otro districto manera San Nicolas, Noord, Sta Cruz y demas districto. Tambe maneho di PPA lo ensera cu PPA pa medio di nos vision pa un Aruba World Trade Center lo planta e semiy pa e proximo pilar Economico.

Meta di PPA ta pa hiba ‘ARUBA…..pa e PROXIMO NIVEL’ …y na mes momento aumenta e status di   kada ciudadano riba nos Isla. Pa logra esaki …..LEVELUP……Switch y vota PPA !!

Aruba, 10 di mei 2017
Lider Politico di PPA
BENNY NISBET

Expresionnan haci den e articulo aki no necesariamente ta refleha opinion di ArenaPoliti.co