{idkey=5168b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5449-rudy-richardson-mep-nos-hubentud-lo-concretisa-nos-vision%3FItemid%3D101][title=Rudy+Richardson+%28MEP%29%3A+Nos+hubentud+lo+concretisa+nos+vision][desc=Esfuersonan+riba+nivel+politico+ta+apenas+e+comienso.+Desde+2001+mi+a+drenta+e+arena+politico+Arubano+y+desde+2013+mi+ta+miembro+di+Movimiento+Electoral+di+Pueblo+cu+honor.+Mi+a+atende+varios+reunion+den+nos+partijraad+di+MEP.+Nos+a+bin+cu+varios+iniciativa+durante+a%C3%B1anan+pa+nos+eleva+e+calidad+di+bida+di+nos+hubentud.+Nos+lo+duna+e+ideanan+aki+contenido+un+bes+den+gobernacion+2017-2021.+Nos+mester+percura+pa+participacion+husto+den+tur+districto.+San+Nicolas+su+hubentud+mester+hopi+mas+partici]}Esfuersonan riba nivel politico ta apenas e comienso. Desde 2001 mi a drenta e arena politico Arubano y desde 2013 mi ta miembro di Movimiento Electoral di Pueblo cu honor. Mi a atende varios reunion den nos partijraad di MEP. Nos a bin cu varios iniciativa durante añanan pa nos eleva e calidad di bida di nos hubentud. Nos lo duna e ideanan aki contenido un bes den gobernacion 2017-2021. Nos mester percura pa participacion husto den tur districto. San Nicolas su hubentud mester hopi mas participacion den nos sociedad. Cifranan ta mustra un discriminacion contra nos hendenan biba den e districto aki. Ora nos wak cu no por completa Havo/Vwo na San Nicolas pero cu mayoria di mucha cu ta bayendo Havo NO ta di San Nicolas cu mas di 30.000 habitante esaki no ta corecto. Nos hubentud mester concretisa locual nos ta bin ta haci pa nos pais. Nos no por tin nos hubentud den un bida marginal. Nos kier trato igual pa tur nos hendenan. 

Situacion actual ta pesimo 
Nos lo percura pa un Bibliotheek atrobe, school di arte funcional henter siman, complehonan deportivo den varios bario di San Nicolas y vecindario. Opvang pa nos hobennan despues di school. Soluciona problemanan Social/laboral. E situacion actual ta pesimo unda cu deporte a wordo neglisha totalmente. Formacion di gang y drop-outs a bira e norma enbes di e excepcion. Nos tin varios docente den nos organisacion politico prestigioso. Nos a inventarisa mayoria di nos problemanan actual y a papia cu varios stakeholders den nos comunidad. Aruba mester un cambio. Nos kier nos fair share den tur sentido. Academico, Profesional, Deportivo, Economico, Cultural y Social. 

Oportunidad igual 
Movimiento Electoral di Pueblo lo percura pa niun hende keda atras. Nos lo caba cu e discriminacion cu tin cu ta wanta nos pueblo atras. Sea bo ta Preto of Blanco, sea bo ta Protestant of Catolico, sea bo a nace aki of di otro origen. Nos lo hiba un política Social democrata manera Betico su vision tawata desde su inicio na 1971. Nos lo duna tur nos conciudadanonan nan espacio pa logra nan soñonan sin discriminacion algun. Aruba a logra cosnan grandi den pasado pero awo nos mester un vision mas inclusivo, participativo y duna tur hende un oportunidad igual irespecto bo districto, bo rasa, religion, origen of orientacion sexual. Na SEPTEMBER 22, 2017 deposita boso confiansa den mi persona pa representa San Nicolas y e resto di Aruba na un manera digno pa un y tur.

Expresionnan haci den e articulo aki no necesariamente ta refleha opinion di ArenaPoliti.co