{idkey=9650b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5450-benny-nisbet-ppa-aruba-pa-e-proximo-nivel-levelup-switch-y-vota-ppa%3FItemid%3D101][title=Benny+Nisbet+%28PPA%29%3A+%E2%80%98Aruba+%E2%80%A6.Pa+e+proximo+nivel%E2%80%99%21+Levelup+switch+y+vota+PPA%21%E2%80%99][desc=PPA+%26amp%3Bnbsp%3Bta+den+un+proceso+di+%26amp%3Bnbsp%3Bhopi+reunion+di+tanto+directiva%2C+conseho+di+partido+y+nos+%E2%80%98ThinkTank%E2%80%99+den+preparacion+di+e+proximo+encuentro+democratico+cu+lo+ta+22+di+september+2017.+%26amp%3Bnbsp%3B%26amp%3Bnbsp%3BPPA+a+analisa+%26amp%3Bnbsp%3Be+%26amp%3Bnbsp%3Bperiodo+di+gab.+M.Eman+2009+pa+2017+como+di+gab.+Oduber+2001+pa+2009.%26amp%3Bnbsp%3BPregunta+cardinal+den+nos+seno+tabata+e+pregunta+si+realmente+%26amp%3Bnbsp%3BAruba+por+papia+di+un+crecemento+economico+%26amp%3Bnbsp%3Bcu+a+worde+comparti+cu+nos+pueblo+di+Aruba+%3F+%26amp%3Bnbsp%3BSi+realmente+bao+di+e+si]}
PPA  ta den un proceso di  hopi reunion di tanto directiva, conseho di partido y nos ‘ThinkTank’ den preparacion di e proximo encuentro democratico cu lo ta 22 di september 2017.   PPA a analisa  e  periodo di gab. M.Eman 2009 pa 2017 como di gab. Oduber 2001 pa 2009. 

Pregunta cardinal den nos seno tabata e pregunta si realmente  Aruba por papia di un crecemento economico  cu a worde comparti cu nos pueblo di Aruba ?  Si realmente bao di e signatura ‘geel y/of berde’  gobernacion a usa e expansion di nos instrumento cu Status Aparte a duna nos pa hiba nos pais/pueblo dilanti....si a progresa ….y si a reparti e progreso ?  Gobernacion 16 anja largo bao di un solo partido ….a elimina pobresa riba nos Isla ?  A reparti e eventual progreso ?   Aruba a jega na e nivel unda kada ciudadano realmente a progresa y na unda pobreza no ta existi mas ?  Locual nos por jama tambe ‘Justicia Social’ !  Contesta  ta cu NO …signatura geel y berde No a logra  den esaki, pobreza tin tur caminda riba nos Isla !

30 anja largo  nos Isla/pais a worde goberna pa signatura berde of geel !!  30 anja largo Aruba a conoce cierto problematica cu te awe tey. Pobreza, e Dump na Parkietenbos, Bushiri hotel, falta di mas pilar economico, diversificacion di nos producto turistico, criminalidad, atencion pa drogadiccion  etc.   30 anja largo e pregunta ta realistico……Aruba a progresa riba tereno social ?  Aruba a progresa riba tereno di Ensenansa y Educacion ?  Aruba ta cumpli cu e norma di UNESCO den inversion den Ensenansa  cu mester ta 6% di bo GDP.  Bao di MEP e averahe di inversion tabata 4.4 %...bao di AVP 4.8 %. Aruba a progresa riba tereno economico nos a diversifica nos producto cu nos ta ofrece nos bishitante ?  Aruba  a logra crea un of mas pilar economico acerca  cu ta juda trece nos studiante cu termina nan estudio den exterior bek pa nos Isla ?   Contesta ta NO….!! Pesey e momento pa un cambio a jega !!

No kabe duda tabata tin algun logro …..pero e logro  realmente tabatatin un impacto  grandi riba nivel di bida di nos pueblo ?  E logronan aki a baha pobreza riba nos isla ?  E logronan aki a juda e pueblo pa su ‘takehome pay’ y/of su ‘spending power’  engrandece ?   Contesta NO !!

Nivel di Gobernacion ?

E nivel di gobernacion a mehora esta e calidad di gobernacion durante e  periodo di signatura di tanto  ‘berde y/of geel’ ?  A mehora  e  30 anja  largo  gobernacion cu e signatura di sea  ‘berde of geel’ e nivel di gobernacion di nos Isla realmente a worde engrandece ?  E.o. den e respet cu gobernante ta duna otro den nan funcionamente y ta duna na parlamento,  oposicon y pueblo. E respet cu gobernacion ta duna parlamento.  Realidad ta cu Aruba ta biba bao di un debe nacional enorme….bao di e consecuentenan fatal di hedging….bao di un racha di posibel acto di corupcion…bao di mal gobernacion etc…esey ta nos realidad amargo.

Nivel di Parlamento ?

30 anja di representacion di nos pueblo den parlamento ….nos a mira un progreso den e forma cu miembro  di parlamento ta funciona y ta  trata otro ?  Ta respeta opinion di otro ?  Ta sostene e preguntanan di otro cual ta forza gobernacion di respeta TUR miembro di parlamento y contesta nan na un forma respetoso …y completo ?   Ta worde duna suficiente tempo pa parlamento por repasa y studia un concepto di Ley ?  Ta respeta otro  y e derecho di otro pa por tin un diferente opinion riba cualkier ley den tratamento ?  Parlamento den su totalidad ta duna respet y ta demanda respet di gobierno pa e organo importante aki ?  Parlamento ta respeta e conseho di otro instancia cu ta basa riba nos constitucion manera  Raad van Advies of Algemene Rekenkamer  ta tene cuenta suficiente cu e contenido di e consejonan aki ?  Parlamento durante 30 anja di funcionamento a bai na un nivel mas halto ?  Contesta NO !

Conclussion di PPA:    ARUBA MESTER HISA SU NIVEL…..! ‘ARUBA…….. PA E PROXIMO NIVEL  !’

PPA su conclusion ta:

Gobernacion su calidad  no  a mehora !!  Sigur NO bao di  periodo di un solo partido ! Di parlamento menos ainda !!  Durante 30 anja esnan cu tabatatin e honor di por ta e ‘signatura’ di gobierno NO a aumenta e nivel di gobernacion !  No a implementa  ‘respet’ pa otro di tal forma cu esaki ta refleha  diariamente den nan funcionamento..  No a implementa ‘norma’ nobo y visiblemente NO a funciona basa riba e principio di ‘good governance’. Pa anjas kaba PPA a propone un ‘Codigo di Conducta’ pa partido politico, gobernacion y parlamento pero esnan cu tabatatin e ‘signatura’ a sera wowo pa e proposicion aki.  Parlamento su nivel visiblemente a baha.  Oposicon di MEP  tabata ‘zwak’ y no a logra impone su ‘voz’ manera debe ser.  Esey nos ta nota tambe den e pression Hulandes pa introduci un asina jama C.A.F.T. cual ta nifica entrego di e ‘autonomia financiero’ di nos pais desde 1954.

E hecho cu riba tereno economico….Aruba a conoce desde 1927 e sector Industrial cual a sera desde 1985 a worde habri bek y sera tanto na 2009 como na 2012. Y awo lo worde transforma den un Upgrader.

Durante 30 anja e signatura responsabel especialmente e signatura di UN partido  no a logra planta semia cu lo por indica crecemento di un of mas pilar economico. No ta por nada cu hopi di  nos hoben ….nos posibel ‘young professionals’ no ta regresa nos pais pa falta di cupo di trabao di nivel.

PPA SU SLOGAN PA CAMPANJA 2017 !

Tur esaki a conduci cu PPA a dicidi di scoge como titulo/slogan pa e proximo campanja ‘ARUBA pa  PROXIMO NIVEL’…..’ARUBA to the NEXT LEVEL !’.  Reconociendo locual nos tin y unda nos ta faya ….pero consciente cu lo mester ‘clean up the mess’  pa nos bai pa un nivel mas halto.

PPA  su programa lo presenta alternativa pa crea mas  pilar economico acerca …ARUBA PA E PROXIMO NIVEL …  ‘ARUBA TO THE NEXT LEVEL !’ PPA su programa cu nos principio ‘ e ser humano ta central’  lo ofrece nos pueblo un maneho fresco unda e manera di formula un presupuesto lo worde adapta …unda gasto lo worde baha na un forma responsabel. Cu e prioridad pa  Ensenansa, Salud Publico y nos lucha contra criminalidad. Inversion den ensenansa lo aumenta pa 6.5 % di nos G.D.P.  Na unda cierto cambio necesario lo worde implementa pa hiba  salud publico pa un nivel mas halto sirbiendo e patient. PPA  lo  contribui na un maneho serio pa diversifica nos producto turistico y duna Aruba e ‘competitive edge’.   PPA lo stimula inversion cu lo conduci na un economia mas competitivo  y unda Aruba lo bira un participante economico cu mas impacto den region.

PPA su  programa  lo carga e titulo ‘ARUBA…….PA E PROXIMO NIVEL’…ARUBA TO THE NEXT LEVEL…….y nos lo usa tambe e expression  ‘LEVELUP switch y vota PPA ’ cu e meta di pone accento riba mehoracion di e status ‘individual’ di kada ciudadano riba nos Isla.  PPA su programa lo ta basa riba e vision pa ‘Aruba bira un HUB den region’.

PPA tin e principio   ‘Cu esnan cu a causa e caos/crisis/desaster NO por ta parti di e solucion’. Ta hora pa ‘clean up the mess’.

PPA  lo ta ‘un forza independiente’ cu lo sirbi bienestar general di nos pais.  

Aruba,  15  april  2017
Lider Politico di PPA
BENNY NISBET 

Expresionnan haci den e articulo aki no necesariamente ta refleha opinion di ArenaPoliti.co