{idkey=4293b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5688-jan-de-ruijter-maneho-di-ensenansa-berdaderamente-duradero-di-un-gobierno-nobo-despues-di-22-di-september-2017-parti-5%3FItemid%3D101][title=Jan+de+Ruijter%3A+Maneho+di+ense%C3%B1ansa+berdaderamente+duradero+di+un+gobierno+nobo+despues+di+22+di+september+2017+%28parti+5%29][desc=E+%26amp%3Bnbsp%3BMODELO+%26amp%3Bnbsp%3BFINLANDES+%28%E2%80%9CFINS+MODEL%E2%80%9D%29%26amp%3Bnbsp%3BMi+kier+duna+un+splicacion+chicito+relaciona+cu+mi+ultimo+articulo+encuanto+ense%C3%B1anza%3A%26amp%3Bnbsp%3BE+base+di+e+modelo+di+Finlandia+ta%2C+cu+-+for+di+e+alumnonan+y+e+studiantenan+na+Finlandia+-+ta+pre-selecta+e+top-mihornan%2C+y+ta+acercanan+pro-activamente+pa+nan+haci+di+ense%C3%B1anza+nan+carera%3B+p%E2%80%99esey+tambe+e+ta+un+posicion+hopi+bon+pag%C3%A1+mes%2C+cu+ta+goza+di+un+respet+y+prestigio+social+halto%2C+di+berdad+un+profesion+respetabel+y+un+carera+hopi+atracti]}
E  MODELO  FINLANDES (“FINS MODEL”) 
Mi kier duna un splicacion chicito relaciona cu mi ultimo articulo encuanto enseñanza: 
E base di e modelo di Finlandia ta, cu - for di e alumnonan y e studiantenan na Finlandia - ta pre-selecta e top-mihornan, y ta acercanan pro-activamente pa nan haci di enseñanza nan carera; p’esey tambe e ta un posicion hopi bon pagá mes, cu ta goza di un respet y prestigio social halto, di berdad un profesion respetabel y un carera hopi atractivo.
Y ta asina mes mester ta tambe!
E mihor alumnonan y studiantenan ta wordo pre-selectá, y e mihor di e mihornan ( e “cherrie” di e bolo) pues ta bira maestro, profesor of docente!

9. E  NORMA  DI  6  PORCIENTO.
Ta hopi urgente pa aki na Aruba introduci, y keda mantene, e norma di 6 porciento, locual kier meen cu gobierno mester dedica y inverti 6% di nos Producto Nacional Bruto (“Bruto Binnenlands Product – B.B.P.”) riba e presupuesto, na enseñanza y ningun cen menos!

10. FINANCIAMENTO  DI  ESTUDIO.
Mester haci full e sistema di financiamento di estudio mas atractivo mediante prestamonan mas halto, interesnan mas abao, periodo mas largo pa paga back (“looptijd”), y ademas di tal manera cu e pago back no ta surpasa un cierto porcentahe di e entrada di e ex-studiante.  

11. SELECCION  DI  E  RAMO  DI  ESTUDIO.
Ta tristo y ta di lamenta cu informacion y splicacion encuanto ofishi y profesion (“beroeps-voorlichting”) na diferente school riba Aruba, ta limitá casi totalmente na un borchi di propaganda dilanti di Universidad di Aruba, y tur hende mester por ta di acuerdo cu mi cu e asunto ey no ta nada bon, y nada di “canta macamba”!
E por ta un parti di dje, pero biba y studia na un pais grandi, unda bo ta gana y adkiri  experiencia internacional y bo ta siña conoce otro cultura- y custumbernan, pa hopi hende ta algo hopi bon, y pa Aruba como Pais, hasta indispensabel. Pasobra, wak e bon: nos mester di hende cu perspectiva mas amplio!
Pues, informacion y splicacion encuanto ofishi y profesion mester ta hopi mas amplio y internacional, y tambe mester ser acoplá na talento, disciplina y perspectivanan di empleo!

11. STUDIA  PAFOR  DI  ARUBA,  Y  NO  UNICAMENTE  NA  HULANDA.
Studia na paisnan manera Canada, Merca, y paisnan Latino cu bon universidadnan manera Colombia, mester wordo hací mas facil y mas atractivo.

12. “OPVANG” (ACOMODACION  Y  ATENCION)  DESPUES  DI  ORANAN  DI  SCHOOL.
Acomodacion y atencion (“opvang”) despues di oranan di school ofrecí na hobennan, mester wordo añadí na e curiculo na tur school como algo di mes.
Pero preferiblemente na un centro di bario cerca di e school, manera esaki ta e caso na Paradera.
E “opvang” despues di ora di school ta provee den acompañamento cu huiswerk (“huiswerkbegeleiding”), formacion humano, deporte, cultura y e uso di tempo liber (“vrijetijdsbesteding”).

13. UN  INSTITUTO  DI  CALIDAD.
Si nos kier abastece tanto e sector publico como e sector privá cu gerente- y lidernan, y si en general nos kier trece e calidad di trabao, di organizacion, di gerencia, di liderazgo y di producto- y servicionan riba Aruba, riba e nivel cu awendia ta ser exigí internacionalmente, e ora ey inmediatamente mester institui un “Quality Management and Excellence Institute”.
Organizacion, sa di emprende algo, gerencia y liderá, ta locual mas ta haci falta riba Aruba. Tur hende ta organiza y ta lidera tur dia di nobo, pero ningun hende ta siña CON pa haci esaki, y ta p’esey tambe tur caminda hopi cos ta bay robez aki na Aruba. Gerente- y lidernan no ta contesta telefon, tampoco e-mail- y cartanan, nan no ta bay reunionnan, y hasta comercio hopi biaha ta un pesadiya.
Siguiendo ehempel di paisnan manera Singapore, Merca y India, institui un “Quality Management and Business Excellence Institute” asina ta indispensabel y  lo permiti Pais Aruba crece te bira un pais di calidad.
Ta un necesidad absoluto pa hiba e manera di organisá, di emprende, di “manage” y di liderá riba Aruba, na un nivel mas halto.  

TA  EXISTI  UN  DIFERENCIA  ENTRE  GOBIERNO  Y  E  SECTOR  PRIVÁ?
NO! Contrario na locual hopi biaha ta ser alegá, pa loke ta trata “manage” y lidera  no tin absolutamente ningun diferencia entre e sector publico y e sector privá.
Lagami trata na splica esey mihor, dunando e diferente sinonimonan (palabranan cu mesun nificacion) pa goberna, pero na Hulandes, esta: “besturen” y “regeren”. Mientras cu na Papiamento nos lo usa un solo palabra, esta “goberna”, na Hulandes tin un cantidad di e sinonimonan pa por e palabra aki.
Ata aki tur e palabranan cu por wordo usá na Hulandes pa”besturen/regeren”:
“managen, leiden, beheren, aansturen, regeren, dirigeren, administreren, heersen, de scepter zwaaien, aanvoeren, commanderen, reguleren, de leiding hebben over, exploiteren, runnen, uitbaten, superviseren, domineren, gebieden, regisseren, toezien, controleren, de baas spelen over, de baas zijn, leiding geven aan”
Tur ta bisa mesun cos! Goberná ta: liderá, manage, dirigí, guia, etc. Tur e cosnan aki mester ser tratá a fondo na un instituto di calidad; sin esaki, nunca cos lo por cana bon na Aruba.

Ata! Aki bo tin e receta di Fundacion “Nos ta Aruba” pa enseñanza duradero:
“INSPRAAK”, MISION, IDIOMA DI ENSEÑANZA, FINANCIAMENTO DI ESTUDIO, MODELO FINLANDES, SCHOOLNAN BASICO AMPLIO, CURICULO UNIFORME, CONOCIMENTO DI E MATERIA (VAKMANSCHAP), HAVO Y VWO, NOS UNIVERSIDAD, E NORMA DI 6%, SELECCION DI ESTUDIO, “OPVANG” DESPUES DI ORANAN DI SCHOOL, INSTITUTO DI CALIDAD.

Jan de Ruijter
This email address is being protected from spambots. You need JavaScript enabled to view it.
Presentá na Papiamento pa Remigio A. R. Wever, 42.10.01.44

Expresionnan haci den e articulo aki no necesariamente ta refleha opinion di ArenaPoliti.co