{idkey=725b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5581-andin-bikker-por-pa-motibo-di-servicio-di-debe-gobierno-no-por-cumpli-cu-hopi-prioridad-di-pueblo%3FItemid%3D101][title=Andin+Bikker+%28POR%29%3A+Pa+motibo+di+servicio+di+debe+gobierno+no+por+cumpli+cu+hopi+prioridad+di+pueblo][desc=Den+rueda+di+prensa+di+partido+POR%2C+Plataforma+e+Forza+Nobo%2C+Andin+Bikker+a+bisa+cu+e+kier+refresca+e+memoria+di+pueblo%2C+riba+e+mal+maneho+di+Gabinete+di+Mike+Eman+1+y+2+den+8+a%C3%B1a+caminda+no+a+soluciona+e+problema+di+inseguridad%2C+no+a+traha+cas+social+y+no+a+drecha+nos+sistema+di+salubridad+publico%2C+fuera+cu+nos+debe+nacional+a+redobla.+%26amp%3Bnbsp%3BBikker+a+splica+cu+na+2009%2C+sr.+Eman+den+un+video+tremendo+a+priminti+pueblo+cu+e+ta+bay+restaura+seguridad+den+nos+pais%2C+pasobra+di+e+tempo+ey+caba%2C+den+]}
Den rueda di prensa di partido POR, Plataforma e Forza Nobo, Andin Bikker a bisa cu e kier refresca e memoria di pueblo, riba e mal maneho di Gabinete di Mike Eman 1 y 2 den 8 aña caminda no a soluciona e problema di inseguridad, no a traha cas social y no a drecha nos sistema di salubridad publico, fuera cu nos debe nacional a redobla.  Bikker a splica cu na 2009, sr. Eman den un video tremendo a priminti pueblo cu e ta bay restaura seguridad den nos pais, pasobra di e tempo ey caba, den su concepto y den concepto di hopi votador tambe, nos comunidad tabata biba den un inseguridad enorme. 

No obstante, ocho aña despues por constata cu e no a rescata seguridad, ademas cu e debe nacional a wordo redobla den e temporada di Mike Eman 1 y 2 cu su maneho descabeya y cu prioridad cu e no a aloca na un manera corecto a redobla e debe. Bikker ta haya cu hopi hende ta papia riba debe, pero nan no ta haya splicacion kico ta nifica redobla e debe. Actualmente nos ta pagando un average di entre 220 pa 230 miyon florin na servicio di debe. Esaki na pago di interes. Parlamentario mr. Bikker a splica cu e placa di interes ta bay na exterior, of en todo caso na esnan cu e pais debe, y esaki ta placa cu nos no tin pa e prioridadnan cu nos ciudadanonan ta pidi pe”, Andin Bikker a splica. 

Pesey tin hende ta warda pa 30 aña largo pa asfalt wordo poni riba e caya dilanti nan cas, pero no tin fondo pa haci esaki. Of si un persona kier bay den exterior pa opera, pa falta di fondonan e ta wordo bisa cu e tecnica ey no ta wordo aplica, pero e ta pasobra gobierno no tin fondo pa aporta na casonan specifico asina.

Cualkier caminda cu gobierno ta usa excuse cu pa falta di fondo no por atende un problema of preocupacion cu ta biba den nos comunidad, ta pa motibo di servicio di debe. Tocante inseguridad, Bikker a expresa cu hopi tempo ta bay den traha process verbal y/of cu falta di material ta pone cu no por atende cu crimen cu ta wordo cometi of preveni, esey tambe ta pa falta di fondo pasobra e gobierno cu su maneho a redobla e debe nacional, y aworaki e servicio di debe ta cu nos ta paga 230 miyon, y e ta un reto cu POR Plataforma e Forza nobo, en todo caso, tin solucionnan pe con nos ta bay rebaha e debe nacional aki. Tampoco e gobierno aki a traha ni un cas social den ocho aña. E 74 casnan social cu a wordo termina den e periodo di e gobernacion aki, tabata netamente colega Marisol Lopez-Tromp a laga nan den ehecucion caba” Bikker a bisa.  Esaki ta mustra cu e gobierno aki den ocho aña no por a traha ni un cas social, y tur e diez mil personanan cu ta wardando te ainda pa bin na remarca pa un cas social, den e ocho añanan cu a pasa nan lo por a paga e hipoteca di nan propio hogar y cu nan por a casi bira doño caba den un average di ocho aña cu por a paga hipoteca. Ta tres ehemplo palpable pa refresca memoria di pueblo segun Andin Bikker, pasobra e gobierno aki, cada pasa cuatro aña, nan ta core bin yen di fanfaria, yen di bandera, y diripiente pa e eleccion aki tur cos por atrobe. 

Expresionnan haci den e articulo aki no necesariamente ta refleha opinion di ArenaPoliti.co