{idkey=9285b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5544-booshi-wever-upp-reunion-di-parlamento-tocante-posicion-di-minister-paul-croes-a-para-bira-un-circo-politico-mientras-cu-e-debate-real-riba-e-parti-estatal-a-bay-perdi-completamente%3FItemid%3D101][title=Booshi+Wever+%28UPP%29%3A+Reunion+di+Parlamento+tocante+posicion+di+minister+Paul+Croes+a+para+bira+un+circo+politico%2C+mientras+cu+e+debate+real+riba+e+parti+estatal+a+bay+perdi+completamente][desc=Nos+Parlamento+ta+keda+duna+muestra+di+decadencia+completo%2C+na+unda+no+tabata+tin+espacio+pa+un+discusion+sano+y+profundo+riba+nos+constitucion+y+e+razonamento+estatal+cu+ta+asina+necesario+den+e+caso+di+minister+Paul+Croes.UPP+por+a+constata+cu+varios+preguntanan%2C+cu+no+ta+trata+e+caso+riba+su+mes%2C+sino+asuntonan+di+proceducra%2C+pa+por+trece+e+claridad+necesario%2C+a+wordo+desvia+completamente+dor+di+ministernan+cu+no+kier+a+duna+un+%26amp%3Bnbsp%3Bcontesta+pero+a+djis+a+keda+%26amp%3Bnbsp%3Bdraai+rond+di+topico+sin+]}
Nos Parlamento ta keda duna muestra di decadencia completo, na unda no tabata tin espacio pa un discusion sano y profundo riba nos constitucion y e razonamento estatal cu ta asina necesario den e caso di minister Paul Croes.
UPP por a constata cu varios preguntanan, cu no ta trata e caso riba su mes, sino asuntonan di proceducra, pa por trece e claridad necesario, a wordo desvia completamente dor di ministernan cu no kier a duna un  contesta pero a djis a keda  draai rond di topico sin duna un contesta. Den e wega aki, parlamentarionan cu ta sostene gobierno, tambe a hunga e mesun wega. Y tristo ta cu, practicamente full oposicion a cay den e trampa aki. Aki e wega di haci fastioso y tira otro cu lodo a cuminza. Al final nos por a mira cu no tabata tin un debate basa riba contenido, sino uno mas bien basa riba emocion y insulto. Nos Pais y nos Estado di Derecho, nos consititucion y nos sentido di racionalidad ta keda wordo afecta pa e presentacion mediocre di nos Parlamentarionan.

Nos sentido comun, basa riba normanan di e espirito constitucional ta bisa nos cu un autoridad (sea minister, parlamentario of cualkier persona den un Hoge College van Staat) mester  duna un bon ehempel (“voorbeeldfunctie”). Nan mester keda leu di asuntonan cu por nifica cualkier mancha riba e organo den cual e persona ta funcciona. Esaki particularmente ora nan ta comete un falta castigabel. Y esencia di nos sistema ta, saliendo for di e proceso estatal di siglonan, cu den un caso asina, ta wordo spera cu e mandatario mes ta saca su conclusion. E mester, den su sano huicio, apesar di ta un sospechoso ainda, mira cu ehecucion di su trabou ta bin den problema dor di e situacion cu ela hinca su mes aden. Na momento cu nada  sosode, esaki lo crea disgusto y rabia bou di Pueblo, na momento nan ta constata cu  tur  cos ta keda mescos. No cabe duda cu esaki lo contribui na daña nos reputacion, no solamente den Reino pero tambe den region y riba nivel internacional. 
Realidad ta cu nos tin nos Constitucion, y cu no mester warda pa un minister  hinca su mes den problema, pa asina bin bisa awor cu a instrui departamentonan pa traha un cambio a la St. Maarten.
Tambe nos ta haya falta cu durante e reunion no a trata e aspecto procedural di un “ontheffing”. Ta perscirbi exactamente ki ora un minister por duna un esaki y ken tin cu duna conseho al respecto. "Ontheffing" por ser duna solamente ora cu nos ta papia di funccionnan halto y cu tin un scarsedad di esaki. Ningun pregunta a ser haci al respecto. Y esaki lo no a stroba e investigacion. No a puntra cuanto persona a haya "ontheffing" conforme e regla. No a puntra si esaki a wordo duna pa Waiter, Werkster, Shelfpakkers of si den esnan cu a haya "ontheffing" no tin pensionadonan pa traha den construccion. 

Y nos a bin compronde cu ta aki tabata tin un hala di "ontheffingen" duna pa esakinan. E pregunta aki ta, si e director di Labor a coopera ciegamente cu e minister of tabata duna conseho negativo y toch e minister tabata duna e "ontheffing"?? UPP ta convenci cu Departamneto di Labor tin e cifranan aki. Y nos ta ripara cu riba e aspectonan aki tampoco a papia ni ningun preguntanan a wordo haci.
Ta un di e momentonan unico den nos historia na unda cu por a papia riba esencia di nos democracia y nos racionalismo constitucional. Tabata un momento oportuno pa por a  reflexiona riba nos sistema politico, pero un biaha nos mester constata cu a bai  den direccion di famia compaña cu e insultonan tradicional. Y ta parce cu henter e asunto aki lo caba den aroz con coco. Aruba Quo Vadis.!!!

Bo tin cualkier remarca, sugerencia, pregunta etc., por tuma contacto cu partido UPP na This email address is being protected from spambots. You need JavaScript enabled to view it..

C.A.S.D. Wever 
Lider di UPP 
5 di mei 2017

Expresionnan haci den e articulo aki no necesariamente ta refleha opinion di ArenaPoliti.co