{idkey=7294b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5421-benny-nisbet-ppa-presidente-sra-mervin-wyatt-ras-ta-trapando-nos-constitucion-door-di-no-jama-reunion-pidi-pa-oposicion-den-caso-min-paul-croes%3FItemid%3D101][title=Benny+Nisbet+%28PPA%29%3A+%E2%80%9CPresidente+sra+Mervin+Wyatt+Ras+ta+trapando+nos+constitucion+door+di+no+jama+reunion+pidi+pa+oposicion+den+caso+min+Paul+Croes%21%21%E2%80%9D][desc=PPA+hunto+cu+pueblo+a+tuma+nota+di+e+hecho+cu+ministerio+publico+y+instancia+conserni+a+drenta+cas+di+ministro+Paul+Croes+algun+siman+atras+pa+un+asina+jama+%E2%80%98huiszoeking%E2%80%99+y+cu+e+fiscal+encarga+a+cualifica+e+ministro+tambe+como+sospechoso.Tambe+PPA+a+tuma+nota+di+e+hecho+cu+supuestamente+riba+peticion+di+ministro+Paul+Croes+E+a+bai+riba+un+sorto+di+%E2%80%98vacacion%E2%80%99+mientras+colega+sr+ministro+Bermudez+ta+atende+e+responsabilidad+pa+ministerio+di+Labor+y+hubentud.+Esaki+a+causa+hopi+pregunta+den]}
PPA hunto cu pueblo a tuma nota di e hecho cu ministerio publico y instancia conserni a drenta cas di ministro Paul Croes algun siman atras pa un asina jama ‘huiszoeking’ y cu e fiscal encarga a cualifica e ministro tambe como sospechoso.

Tambe PPA a tuma nota di e hecho cu supuestamente riba peticion di ministro Paul Croes E a bai riba un sorto di ‘vacacion’ mientras colega sr ministro Bermudez ta atende e responsabilidad pa ministerio di Labor y hubentud.

Esaki a causa hopi pregunta den pueblo. PPA deliberadamente a duna espacio pa tur ‘player’ constitucional por actua pa nos analisa e situacion y duna nos opinion al respecto teniendo na cuenta nos constitucion y nos a jega na e sigiente conclusion.

Nos constitucion NO ta bisa lo sigiente: Capitulo 2.. Art 11.1 consiso 3 ta bisa cu Ministro debe responsabilidad na Staten. Art 11. 2 consiso 2 ta bisa ‘Si un ministro no tin e confianza mas di Staten e ta pone su funcion na disposicion.

Cu otro palabra importante ta pa den un crisis unda un Ministro su funcionamento ta worde cuestiona of investiga ta cu Staten/parlamento di Aruba mester por reuni pa saca conclussion !!

No ta worde splica kiko lo mester pasa tanten cu Staten/parlamento no reuni y no expresa un opinion al respecto.

CODIGO DI CONDUCTA ?

Partido PPA tin anjas largo ta boga pa introduci un ‘Codigo di Conducta’ cu lo mester tey pa tur politico cu ta occupa un funciona constitucional y ta regla con lo mester actua den cierto caso basa riba ‘moral y ethica’. Un areglo cu lo conta pa TUR y cu lo worde atendi den tur caso igual. Lamentablemente NI signatura AVP NI signatura MEP no a hanja esaki necesario den curso di tempo. Pesey tanten cu Staten/parlamento NO reuni E gobierno actual por duna espacio na ministro Paul Croes apesar cu hopi den nos sociedad ta cuestiona esaki. Pero realidad ta cu Staten/parlamento NO a reuni ainda y como tal no a expresa su mes ainda.

PRESIDENTE DI STATEN SRA MERVIN WYATT/RAS TA MINA NOS SISTEMA CONSTITUCIONAL ??

Esaki ta trece nos na e hecho cu apesar cu oposicion(MEP) den e caso aki a actua y a pidi un reunion di parlamento pa trata e desaroyo serio aki ….esta un ministro cu ta worde investiga y ta officialmente indica di ta un ‘sospechoso’ …..nos flamante Presidente di Parlamento drs Mervin Wyatt/Ras NO ta duna indicacion di lo bai jama un reunion publico di parlamento.

Den concepto di PPA cu e posicion aki Presidente di Staten/parlamento drs Mervin Wyatt/Ras ta ‘treedt buiten de constitutionele rechtsorde’…….E ta strobe deliberadamente nos sistema constitucional di funciona.

Un ministro ta officialmente un sospechoso ….?? Kiko por ta mas serio cu esaki ? Den un caso asina parlamento mester por reuni den TUR urgencia ??

Sra Presidente drs Mervin Wyatt/Ras NO mag keda tarda pa jama e reunion di Staten !! E asunto di referi na otro reunion pidi pa oposicion unda e fraccion di MEP NO a presenta completo …..ta un argumentacion hopi ‘fofo’ y cu esaki E ta mina nos sistema constitucional.

Posibel pression di partido AVP of Conseho di Ministro mester worde rechasa den tur sentido di palabra. PPA ta ripiti sra drs Mervin Wyatt Ras ta actua enpugna cu nos rechstorde……nos sistema constitucional !! Sra drs Mervin Wyatt Ras ta mina ‘ondermijn’ nos proceso constitucional/ democratico!! Sra drs Mervin Wyatt Ras ta trapando tambe dignidad y inteligencia di nos pueblo mientras cu e ta mina nos sistema constitucional !

Ora un ciudadano/politico accepta pa bira Presidente di Parlamento e mester por sa e responsabilidad constiticional cu esaki ta bin cunele. Un presidente mester ta obhetivo…neutral …y mas cu tur actua conforme nos constitucion y nos leynan y mas cu tur especialmente den periodo dificil unda e pais ta confronta un crisis den tur sentido di palabra y na unda un ministro ta ‘sospechoso’ official di Ministro Publico.

Si Staten/Parlamento NO por reuni URGENTEMENTE awo……anto nos sociedad tin un problema hopi grandi pa enfrenta. Un cambio di e caracter como politico cu NO ta respeta nos constitucion ta un problema sumamente serio.

Cu otro palabra ….ta na DRS MERVIN WYATT/RAS….cu tur respet ….actua corectamente y jama e reunion di parlamento inmediatamente pa nos constitucion por funciona…..y pa Staten expresa su opinion al respecto !! Si acaso politica partidista por pressiona un Presidente di Staten pa NO ejecuta su responsabilidad constitucional….anto atrobe Aruba ta pone su mes den e peliger cu otro por cuestiona si Aruba ta cla pa funciona como pais ‘autonomo’ den Reino Hulandes.

Sra drs Mervin Wyatt Ras cu tur respet carga bo responsabilidad segun nos Constiticion Arubano !! Bo posicion a pone nos sistema constitucional/rechtsorde den cuestion !!

Palabra ta na Presidente di Staten drs. Mervin Wyatt Ras !!

Aruba, 9 di april 2017
BENNY NISBET
Lider Politico di PPA

Expresionnan haci den e articulo aki no necesariamente ta refleha opinion di ArenaPoliti.co