{idkey=6639b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5554-karel-maduro-mep-caft-ta-un-ganado-of-ta-minister-de-meza-cua-abo-ta-kere-cu-ta-e-ganado%3FItemid%3D101][title=Karel+Maduro+%28MEP%29%3A+CAFT+ta+un+ga%C3%B1ado+of+ta+minister+De+Meza%3F+Cua+abo+ta+kere+cu+ta+e+ga%C3%B1ado%3F][desc=Pueblo+di+Aruba%2C+segun+e+dianan+di+eleccion+ta+acercando%2C+e+ansha+di+morto+politico+di+partido+AVP+ta+intensifica.+Den+e+caso+aki%2C+sr.+Minister+De+Meza+ta+bin+padilanti+bisando+cu+ta+opositornan+politico+ta+haciendo+un+drama+di+cu+gobierno+di+AVP+ta+bay+bende+FMSA.+Segun+de+Meza%2C+esaki+ta+un+otro+locura.+E+Gobiernonan+Gabinete+Mike+Eman+I+y+II%2C+semper+a+traha+riba+un+manera+responsabel+y+transparente.%26amp%3Bnbsp%3BNi+Vale+Croes+%28dfm%29+den+su+One+Man+shownan%2C+no+por+a+conta+un+joke+asina+pret.+Awor+no+ta+]}Pueblo di Aruba, segun e dianan di eleccion ta acercando, e ansha di morto politico di partido AVP ta intensifica. Den e caso aki, sr. Minister De Meza ta bin padilanti bisando cu ta opositornan politico ta haciendo un drama di cu gobierno di AVP ta bay bende FMSA. Segun de Meza, esaki ta un otro locura. E Gobiernonan Gabinete Mike Eman I y II, semper a traha riba un manera responsabel y transparente. 

Ni Vale Croes (dfm) den su One Man shownan, no por a conta un joke asina pret. Awor no ta sr. Baba Herde so ta papia manera hende cu ta uza base, pero sr. De Meza tambe! E no por ta bon di cabes pa declara cu gobierno di AVP a traha  responsabel y transparente. Nos por corda e KB 2014, e Hedging na WEB NV, Aruba bao curatela door di Hulanda (CAFT), Hulanda no ta duna permiso pa Aruba fia placa na interes abao door cu nan ta choller financiero? Esakinan bo ta categorisa como resultado di traha responsabel y transparente di banda di gobierno di AVP? Awor ta bin gaña cu FMSA (Fuels Marketing Supply Aruba NV) no ta wordo bendi door di gobierno. 

Na prome lugar, den e presupuesto 2017, ta e propio gobierno di AVP a incorpora e benta di e compania FMSA pa 40 miyon florin, na un cumprado aspirant Arubiano. Esaki bo ta haye skirbi den e rapport di CAFT nr Cft 201700004, riba pagina 4. Cu e placa aki gobierno di AVP por a mustra CAFT, cu 2017 ta bay sali manera palabra (on the dot). Mas despues, atrobe ta sali un carta di CAFT,  nr. Cft 201700022, den cual gobierno ta menciona cu nan ta bay bende FMSA cu RDA (Refineria di Aruba). CAFT a cuestiona e locura aki splicando den extenso riba pagina 3, con handicap y debil RDA financieramente ta para. Pues, manera sr. De Meza a bisa cu FMSA ta di RDA, NO por ta berdad, of ta CAFT (Age Bakker) ta gaña.

Ansha di morto politico ta algo hopi cruel pa cualkier politico/mandatario di un pais sinti. E ta manera cu bo sa sigur cu dia 22 september 2017 bo ta stop di existi. Analistanan, specialistanan y tur experto politico a bisa bo cu esey ta bay ta e caso cu bo y cu bo gobierno. Sabiendo esaki, sr. De Meza ta core papia e bobedadnan aki, pa asina despista y confundi e pueblo votador cu ta opositornan ta bay bende e companianan si nan drenta gobernacion. A sabiendas cu ta AVP mes a incorpora e benta den e presupuesto 2017 pa tene CAFT contento. Awor cu Age Bakker su tempo di wordo uza como un Zoli den CAFT a pasa, ta bini un otro encarga cu e supervision riba gobierno di Aruba. Lo ta bon, si pueblo di Aruba haya un reaccion di parti CAFT di kico ta CAFT su opinion di e barbaridad declara pa sr. De Meza, cu porcierto den corte na Aruba a wordo declara pa un lol’i awa oficialmente. Sr. De Meza ta otro mandatario, mescos cu sr. PM Eman cu diariamente ta tuma pueblo haci.

Awor pueblo di Aruba ta na altura cu tur e declaracionnan di sr. De Meza relaciona cu benta di FMSA ta puro gañamento, trocemento di berdad (impact analyse y CAFT) y pa trece confusion. Esaki bo ta yama falso testimonio politico, cu a cay bek den cara di AVP manera un cataplas di baca.

Expresionnan haci den e articulo aki no necesariamente ta refleha opinion di ArenaPoliti.co